مهزلة........................

[baathy]

المهزلة هي أن يقول الأنسان شئ و يفعل شئ بعكس ما قال

المهزلة هي أن يأمن الأنسان بفكرة أو يدعي أنه يؤمن بها ثم يتصرف بعكس هذه الفكرة

المهزلة موجودة هنا في هذا المنبر المبجل و الذي هو تحت أسم أخوية سورية

المهزلة هي المنبر الحر عندما يكون القائمين و المشرفين على هذا المنبر بعيدين كل البعد عن الحرية و التحيز
يدعي المشرفين حرية الرأي و لكنهم عظماء بأسكات و مهاجمة الرأي الأخر و أريد أن أذكر عندما قال أحد المشرفين ووصف البعثيين بأنهم كلاب و غيره الكثير
يدعي المشرفين بأنهم مع الديمقراطية و لكنهم أبطال العالم بحذف الردود و أهمال المقالات التي ضد رأيهم
و لقد رأينا كيف أن أحد المشرفين الذي يهاجم عناصر الأمن و المخابرات في البلد ثم يتفاخر بأنه على معرفة بأحد موظفي الأمن في فرع الأتصالات و ينطق لغة أعتدنا أن نسمعها على لسان المرتزقة و المخبرين الذين يدعون بأنهم من رجال الأمن ثم يقوم المشرفين الأفاضل بفصل أحد الأعضاء لأنه لا يعجبهم ثم يتحججون بأنه خالف أعراف المنتدى ..........................مهزلة

المهزلة هي الشللية الموجودة في المنتدى حيث بدا أن المنتدى منقسم ألى فريقين يتنافسون على السب و الهجاء في ما بين الكلمات

المهزلة أنكم شوهتم أسم سورية على هذا المنتدى
سورية العروبة .سورية الحضارة . سورية التاريخ . سورية الأسد العتيدة. شأتم أم أبيتم.............

المهزلة.حوار الأديان و بأس هذا الحوار الذي زرع الحقد و الكره بين المتحاورين
المهزلة هي أنتم و لا أحد سواكم .
مارستم المعارضة كموضة و لم تمارسوها بصدق و أمانة لتصلوا ألى النتيجة التي ترغبون

تريدون الأصلاح و لكن عقولكم متعفنة و هي التي بحاجة ألى الأصلاح

هذه الأسطر بعض من تعريف المهزلة التي تمارسونها



و تحية ألى الشرفاء منكم ..............

[sezar]

أهلين حبيب

كل هل حكي انا مالي في :D :D

ما بمسني بشي

بس بعترض على هي
سورية الأسد العتيدة


لأن سورية عتيدة بدونه :D :D
سورية هي سورية كلمة كافية لتعبر عن مضمونها :D :D

سلام

[AL Zaeem]

ياأخ بعثي بدنا من زمان واحد متلك لأن :

صرعو ربنا بدهن ديمقراطية وهنن عم يعملو بعكس هل الشي
صرعو ربنا بدهن حرية تقول أنو نحنا مستعبدين
صرعو ربنا أنو ما في أمن يحمينا مع العلم أنو بتطلع من بيتك بنص الليل ما حدا بيحكي معك ... إلخ

[s1_daoud]

بفصل أحد الأعضاء لأنه لا يعجبهم ثم يتحججون بأنه خالف أعراف المنتدى ..........................مهزلة

يعني في بعض الاعضاء زودوها كتير ونعمل الشي الصحيح
وهاد الشي مابيختلف عليه احد باالمنتدى :D :D :D

[sezar]

صرعو ربنا بدهن ديمقراطية وهنن عم يعملو بعكس هل الشي
صرعو ربنا بدهن حرية تقول أنو نحنا مستعبدين
صرعو ربنا أنو ما في أمن يحمينا مع العلم أنو بتطلع من بيتك بنص الليل ما حدا بيحكي معك ... إلخ

ما حدا صرع ربك :?

انت عم تصرع حالك ازا معتبرا صرعة انت حر انك ما تقرا آراء الآخرين :D :D

بس وقت تقراها بدك تتحملا معلش لا تواخزنا :D

[krimbow]

مرحبا baathy

المهزلة هي أن يقول الأنسان شئ و يفعل شئ بعكس ما قال

المهزلة هي أن يأمن الأنسان بفكرة أو يدعي أنه يؤمن بها ثم يتصرف بعكس هذه الفكرة

انا معك بهي
طيب سؤال
شو صار بالاشتراكية تبعكم بالله؟؟؟؟؟؟؟؟
كم قرن لازم نستنا لتطبقوا قرارات مؤتمركم الاخيرة؟؟؟؟؟؟؟
شو رأيك تشيل الشوكة من عينك قبل ما تشيلا من عين غيرك


المهزلة موجودة هنا في هذا المنبر المبجل و الذي هو تحت أسم أخوية سورية

المهزلة هي المنبر الحر عندما يكون القائمين و المشرفين على هذا المنبر بعيدين كل البعد عن الحرية و التحيز

اتحداك
اتحداك تذكر موضوع او رد واحد تم حذفو من المنبر الحر بدون وجه حق

يدعي المشرفين حرية الرأي و لكنهم عظماء بأسكات و مهاجمة الرأي الأخر و أريد أن أذكر عندما قال أحد المشرفين ووصف البعثيين بأنهم كلاب و غيره الكثير

////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////


و لقد رأينا كيف أن أحد المشرفين الذي يهاجم عناصر الأمن و المخابرات في البلد ثم يتفاخر بأنه على معرفة بأحد موظفي الأمن في فرع الأتصالات و ينطق لغة أعتدنا أن نسمعها على لسان المرتزقة و المخبرين الذين يدعون بأنهم من رجال الأمن

رح وضح وجهة نظري خصوصي لـ danito و لابو عبسي

اجهزة الامن مهمتها هيي الحفاظ على الامن و القانون و راحة المواطنين و ركزلي على راحة المواطنين
هلأ انا ضد الغاء اجهزة الامن لحتى ما يصير فينا متل ما صاربلبنان لما لغا الرئيس شهاب و الرئيس فرنجية الاجهزو الامنية
بس كمان انا ضد الاساليب القعمية يلي بتمارسها الاجهزة الامنية بدون وجه حق

هلأ لما واحد يدبأك ع التلفون و يعملك ازعاجات دائمة و يسبك الشي الصحيح يلي بتعملو انك تلجأ لامن الاتصالات
لأنو امن الاتصالات شغلتهم هي الشغلة

طيب هات لشوف شو اعمل ؟؟؟؟
اشتكي لمجلس الامن على اعتبار اني ضد تصرفات الاجهزة المعنية؟؟؟؟؟

مثال تاني
اذا في عندك جار بيعلي صوت الراديو كل يوم بآخر الليل و انت و الجيران مزعوجين من هالشي بتكون ادام الاحتمالات التالية:
1- تطنش و تسكت: و هاد يلي عملو اغلب الاعضاء (و انا كنت واحد منهم) بس ما نفع
2-تسايرو و تحاول انو تخلي يوطي الصوت بالمسايسة: وهاد يلي عملوا اطرميز زيتون و سعيد و زوزو بس كمان ما نفع
3-بتعمل خناقة انت و ياه: و هاد يلي عملو حشت نشت و ماناويل و كتير من الاعضاء .... بس برضو ما نفع
4-تهددو بالشرطة: وهاد يلي عملتو انا بعد ما ما نفع لا 1 و لا2 و لا3 ...... بس يا جماعة مو معقول ..... كمان ما نفع
5-يقلعو صاحب البيت من البيت (نسيت خبركم انو نحنا مستأجرين بالمثال) على الرغم من انو هاد الحل متل ما بيقولوا (آخر الدواء الكي)

هلأ في نقطة مهمة
بعترف انو اسلوب التهديد يلي استخدمتو كان خاطئ (التهديد بحد ذاتو هوي الخاطئ) بس ما كان بقيان غير هالحل
يعني استعملنا كل الاساليب التانية و مع ذلك ما ضل غير هالحل

هلأ انا بعلن اسفي الشديد على اضطراري اني استخدم هاد الاسلوب مع الاخذ بعين الاعتبار **عدم** اعتذاري لصاحبك عن استخدامي هاد الاسلوب
نقطة اخيرة: لازم الكل يعرف انو انا ما بعارض لأني بكره خدام او بختيار او شوكت او ....الخ
انا معارض لأنو بدي حأي بالحرية و بالامن و ...الخ


ثم يقوم المشرفين الأفاضل بفصل أحد الأعضاء لأنه لا يعجبهم ثم يتحججون بأنه خالف أعراف المنتدى ..........................مهزلة

و الله يلي بيقرا شو كاتب بيفكر انك عم تحكي عن ملاك مو عن شخص عندو اقذر مشاركات و اوسخ تاريخ بالمنتدى

المهزلة حبيب انو يضل اشتراكو شغال على الرغم من بذاءة و وساخة لسانو و قلة ادبو و تهذيبو و انعدام اللباقة عندو
اصلا ما في منتدى بيحترم حالو متل الاخوية ((شئت ام ابيت)) ممكن يسمح باستمرار هيك مهزلة


المهزلة هي الشللية الموجودة في المنتدى حيث بدا أن المنتدى منقسم ألى فريقين يتنافسون على السب و الهجاء في ما بين الكلمات

طيب هات لشوف شو نعمل؟
شو نجبلهم شرطة حفظ النظام؟؟؟
لازم الكل يعرف انو المشرف ليس قاضي حطوها منيح ببالكم

بعدين هي الشللية يلي عم تحكي عنها اكبر دليل على ديمقراطية و حرية التعبير و الرأي بالمنتدى
لأنو الشللية دليل على اختلاف الافكار و الآراء الموجودة بالمنبر

بس في شغلة غريبة: كل الشلل اتفقوا على كره و استهجان ردود صاحبك ..... غريب !!!!!


المهزلة أنكم شوهتم أسم سورية على هذا المنتدى
سورية العروبة .سورية الحضارة . سورية التاريخ . سورية الأسد العتيدة. شأتم أم أبيتم.............

هاد رأيك
ممكن يكون صح و ممكن يكون خطأ

بس ما لا خلاف عليه انو حزبك شوه اسمها بكل المنتديات التانية بالنت و برات النت
صرنا بقائمة الدول الداعمة للارهاب
و دول تحت خط الفقر و بالغات منتصنف مع اكتر الدول الافريقية تخلفا
و بقائمة الدول الراعية للقرصنة المعلوماتية .....

لك شو بدي عد لعد

المهزلة.حوار الأديان و بأس هذا الحوار الذي زرع الحقد و الكره بين المتحاورين
المهزلة هي أنتم و لا أحد سواكم .

طول بالك ما في شي ما بيتصلح انت عين خير

مدري مين بيعتمد ع الطوائف بالجيش؟؟

مارستم المعارضة كموضة و لم تمارسوها بصدق و أمانة لتصلوا ألى النتيجة التي ترغبون

عال كتير
طيب ممكن تدلنا كيف بتتمارس المعارضة بصدق و امانة ؟؟؟؟

المهزلة هي أنتم و لا أحد سواكم .


تريدون الأصلاح و لكن عقولكم متعفنة و هي التي بحاجة ألى الأصلاح


هذه الأسطر بعض من تعريف المهزلة التي تمارسونها

طيب ممكن تفهمني شو الله جابرك تراقب المنتدى عن كثب
يعني قصة الرسالة انحذفت باقل من 24 ساعة و القصة عمرها اسبوع تقريبا
واضح تماما انك مهتم كتير بالمنتدى و عم تراقبو بقوة كمان
بقا ممكن افهم مين يلي ضاربك ع ايدك لتعمل هيك؟؟؟؟؟؟

تحياتي للكل :D

[AL Zaeem]

ما حدا صرع ربك

انت عم تصرع حالك ازا معتبرا صرعة انت حر انك ما تقرا آراء الآخرين

بس وقت تقراها بدك تتحملا معلش لا تواخزنا

:D :D :D :D :D

[zen]

كريمبوا
طريقتك بالحكي غلط
لانو انت هدتت انو الك معارف
وانت ضد المحسوبيات
اونت قلبتها محسوبيات
وانا من اول ما قريت هي الؤسالة تبع العجي لاحظت
بس انا ما اخدت وعطيت معك
لانو اعتبرتها
نوع من الوسائل لتخلي هاد العجي يحل عنا
وشكرا الك
لانو عملت هيك
:D :D :D :D :D :D :D :D

[عاشق من فلسطين]

المهزلة هي أن يقول الأنسان شئ و يفعل شئ بعكس ما قال

المهزلة هي أن يأمن الأنسان بفكرة أو يدعي أنه يؤمن بها ثم يتصرف بعكس هذه الفكرة

من هذا الكلام أجد أن البعث هو المهزلة .. لأن هذا الكلام ينطبق عليه .. :jakoush:

[krimbow]

من هذا الكلام أجد أن البعث هو المهزلة .. لأن هذا الكلام ينطبق عليه

و انت و ينك من زمان مو مبين :jakoush:
يا زلمة عم ياكلوني لحم يرموني عضم :cry:

[عاشق من فلسطين]

و انت و ينك من زمان مو مبين
يا زلمة عم ياكلوني لحم يرموني عضم

لك خليهونياكلو اللحم ويتمرمرو .. لحمنا مر لك كريمو ... بس حلو على اللي بيقدرو ..

أنا هون .. لا تخاف .. دائما" موجود وما فيني على فراقكن ..

بس أنا فتت اليوم لأنو ما بعرف هيك حسيت أنو في مهزلة بالأخوية .. وفعلا" لما فتت وجدت المهزلة متجسدة بكافة أبعادها بالبعث واتباعه .. وتناقضه مع نفسه .. وضحالة قدرة أعضاءه على الحاور .. واثبات الجدارة .. في الندية في النقاش ..


أحلى كريمو .. وأحلى بعثي .. بس بأسمك الأصلي مو المبتكر .. :wink:

[s1_daoud]

انت و ينك من زمان مو مبين

:D :D :D :D :D :D


زلمة عم ياكلوني لحم يرموني عضم

والله ياعاشق يلي بيسمعوا بيقول ياحرام
القط بياكل عشاه
:D :D :D :D :D

[baathy]

أحلى كريمو .. وأحلى بعثي .. بس بأسمك الأصلي مو المبتكر

على راسي واهلا وسهلا

[s1_daoud]

أحلى كريمو .. وأحلى بعثي .. بس بأسمك الأصلي مو المبتكر


على راسي واهلا وسهلا

:D :D :D :D :D :D :D