بكاء الرجــــال [الأرشيـــــف]

silin

23/06/2007, 23:26

مرحبااا

موضوع دايما بفكر فيه ..

هو وقت الرجل بيبكي بمجتمعنا العربي خصوصا صاروا يعتبروا بكاء الرجل ضعف من شخصيتو !!

انو كيف هيك انا برأيي الشخصي انو الرجل انسان وطبعا الو مشاعر واحاسيس متلي متلو ..

في ناس بتقول انو الرجال كتير قاسيين وبلا رحمة ببعض الاحيان قال شو لانن ما بيبكوا

وهني يمكن يكونوا عم يبكوا لوحدن من دون ما حدا يشوفن ..!!

حتى صاروا الرجال بهيدي الفترات مش بس ما يبكوا قدام اعز الناس الن ( زوجتو او امو او ... ) حتى ما عادوا عم يشكو همن لحدا

قال شو بيعتبروا ضعف شخصية اذا عملوا هيك

امممممم ما بعرف

هو بس العرب ( اكيد ما الكل ) ؟ !

و سؤالي الكن

هل بكاء الرجل ضعف؟؟

هل بكائه يقلل من قدره؟؟

تحياتي الكن سيليــــن

Remember Me

23/06/2007, 23:37

بصراحة مالنا متعودين نشوف رجال عم يبكي
بشكل عام الصبايا والبنات أكيد حساسات أكتر من الشباب ... مشان هيك بيبكو أكتر
يعني أوقات في كلمات إذا بتقولها لبنت بتلاقيها بكيت لنشفو عيونا ... بالمقابل إذا بتقولون لشب بتلاقيه ولا تأثر

بس مافي حدا ما بيبكي ... وأعطيكون مثال أنا ... يمكن معروف أنو قوي وما ببكي ... وبأصعب المواقف بقدر أضحك وآخدها بمزحة ... بس قلكون ما بكيت بحياتي بكون كذاب

في مواقف كنت أفرط فيه ... وخصوصي المواقف يلي بتخص أبي ... لأني متعود عليه قوي وقاسي ... بس مثلا مرة كان بغرفة العمليات ... لما طلع وهو لسا تحت البنج كان متوجع كتير ... فلما شفتو مالي متعود شوفو هيك (ضعيف وعم يبكي من وجعو رغم أنو مخدر) ... وقتها فرطت وضليت عم أبكي شي ربع ساعة بفرد سحبة ...

وقبلها مرة أنصدمت بأحد الأمتحانات بالبكلوريا ... وقتها كمان بكيت لأنو راح حلم سنة كاملة بساعة وحدة .. كمان كان موقف قاسي وما قدرت أتحملو ...

وأكتر شي ممكن يضعفني وخليني (لح) أبكي ... لما بتذكر حدا كنت معو كتير منيح ... وغدر فيي

شكرا سيلين :D

MadMax

24/06/2007, 00:08

في بنت سألت رفيقتها بالمدرسة
قديش كلّفك هالفستان
قالتلها : كلّفني 5 دقايق بكي
*
*
*
هون مثال للفرق بين بكاء الرجال و بكاء النساء
يعني أكيد الرجال بيبكوا ... بس لما بكون في سبب بيقهر بكل معنى الكلمة
بينما البكاء عند النساء ... فهو طقس من الطقوس اليومية
و أسلوب ملتوي للحصول على شي مبتغى

تالين

24/06/2007, 00:15

لك دخيلو انا يلي عم يتحفنا باحلى مواضيع:D
دمعة الرجل قوة.. لانو وئت تشوفي رجال عم يبكي معناها اديشو قوي لحتى عم يئدر يورجينا دمعتو
بس اهم شي انو ان كان مراة او رجل ما يورجي دمعتو لانسان ما بيستاهل يشوف دمعتو
يسلمووو

حاتم2

24/06/2007, 00:27

الفرق بين بكاء الرجل وبكاء المرأة ،، باختصار

1ـ بكاء الرجل ضعف في كل الأحوال وبكاء المرأة قوة في كل الأحوال:gem:

2- الرجل يبكي إذا فقد شيء مهم والمرأة تبكي إذا أرادت شيء مهم

3- الرجل يخفي دموعه والمرأة لا تخفيها:cry:

وشكراااااااااا :D

قهوة دايمي

24/06/2007, 00:50

تالين

24/06/2007, 00:54

هلاء هي مو حلوة انو زلمة قد الباب يقعد يبكي .. مو حلوة بنوب
عمرك شفت شي باب عم يبكي .. هاي هي !!!

بيني وبينك .. انا ما عندي مشكلة اذا بكيت ... لأنو زلمة بس مو قد الباب ...
بتذكر انو كتير مرا ت ... ما اقدر اعمل شي .. واتمنى أبكي ... ما تزبط ..
بتيجي لحالها ... وخاصة قدام أحداث ( حرب - مجزرة - ظلم )

بس بتلبء للنسوان أكتر ..:
( بعض النساء وجوههن جميلة ...... وتصير أجمل عندما يبكينا )

هلى ما ختلفنا بتلبئ .... بس يعني تصور انو شي بنت ئدمت كل شي بتملكو ليلي بتحبو و اخر شي الا حلي عني و هي اعدة عم تبكيلو لك اهئ اهئ و ما بصير و ما بعرف شو و خلص و ياريتني متت و من هلحكي
اي بسفئها كف بهرلا الكم سن يلي ضالين عندها ال اجمل عندما يبكينا ال :o

قهوة دايمي

24/06/2007, 01:05

هلى ما ختلفنا بتلبئ .... بس يعني تصور انو شي بنت ئدمت كل شي بتملكو ليلي بتحبو و اخر شي الا حلي عني و هي اعدة عم تبكيلو لك اهئ اهئ و ما بصير و ما بعرف شو و خلص و ياريتني متت و من هلحكي
اي بسفئها كف بهرلا الكم سن يلي ضالين عندها ال اجمل عندما يبكينا ال :o

طيب تخيلي بالعكس ... اديه بكون بشع الموقف :larg:
انو هوي الدكر .. قاعد يتبكبك ... و يئلا لا تتركيني ... ززززززززززززز
اوم ياااااااا ... رصاصة بين عينيه ... وعالمشفى يابو فهد !!!

تالين

24/06/2007, 01:07

اي كلامك صح اكيد ... بس انا كان اصدي من البداية انو لا الرجل ولا المراة دمعتهون عيب
بس العيب انو ورجي ضعفي و دمعتي لانسان ما بيستاهل يشوفني بهيك وضع

Remember Me

24/06/2007, 01:13

وأنا بأيدك تالين ... صحيح أنا عديت أكتر من مرة بكيت فيون ... بس كنت وقتها أنزل بالشارع وأركض ... وأبكي لحالي ... لأنو ما بقدر خلي حدا يشوفني أنا وعم أبكي ...

حكيك صح
:deal:

تالين

24/06/2007, 01:15

وأنا بأيدك تالين ... صحيح أنا عديت أكتر من مرة بكيت فيون ... بس كنت وقتها أنزل بالشارع وأركض ... وأبكي لحالي ... لأنو ما بقدر خلي حدا يشوفني أنا وعم أبكي ...

حكيك صح
:deal:

انشالله كل ايامك فرح و ما تجي الحظة يلي تبكيك

قهوة دايمي

24/06/2007, 01:19

يعني .. انو اذا حدا شاف دموع حدا .. بكون فيها شي معيب !!! :shock::shock:

DoOoDy

24/06/2007, 01:43

ممممممممممممم ... موضوع حلو :D ... شكرا سيلين

انا بنت بس مستحييييييييييييييييييييي ييييل أبكي قدام حدا ... حتى ماما مابتشوفني أبكي... اظن انو هاد شي غلط .. بس بحس انو البكي بيقلل من احترام الناس لإلي.

هلأ نظريا ... اي... البكي مابيقلل من قدر حدا ، لانو الناس عبارة عن مشاعر واحاسيس، ومافيها شي اذا الانسان عبر عن حالو. لكن لو سمحت عبر عن حالك وانت بعيد عن الناس.

بالنسبة الي بحس انو الشخص اللي ببكي علنا، ضعيف ... سواء كان بنت أو شب مابيفرق
اللي بدو يعبر عن مشاعرو ويبكي ... مايبكي قدام الناس .. هلأ انا ماعم بقول انو ابدا ابدا مو قدام الناس ... مافيها شي الشخص يبكي من وقت للتاني على كتف الناس القريبين منو.

الدنيا مليانة مشاكل ... واذا كنت شخص حساس وعاطفي وبتبكي ... ماراح تمر عليك الدنيا بسهولة ... هاد رأيي ... وممكن يكون غلط

تالين

24/06/2007, 01:43

يعني .. انو اذا حدا شاف دموع حدا .. بكون فيها شي معيب !!! :shock::shock:

لك ولي على حظي لك لا مو هيك اصدي
اصدي المعيب انك تخلي حدى ما بيتساهل اصلا يشوف دمعتك
يعني هلى اذا الت اني انا ما ببكي لشي موئف صار معي بكون كذابة
بس وئت يكون الانسان يلي عم ببكي منشانو ما بيتساهل فاكيد ما بخليه يشوف دموعي :pos:

قهوة دايمي

24/06/2007, 01:57

وليه عصبتي هلاء .. وصرتي رح تبكي .. طولي بالك ..
انا ما بستوعب بسرعة ... !!

تالين

24/06/2007, 02:01

وليه عصبتي هلاء .. وصرتي رح تبكي .. طولي بالك ..
انا ما بستوعب بسرعة ... !!

:shock:عصبت:shock:ههههههههههه لك لا شو عصبت بعدين على سلامتك

اميرة الظلام

24/06/2007, 02:07

هل بكاء الرجل ضعف؟؟
طبعاً لاء ..بالعكس قوة شخصية
بالنهاية الرجال هو انسان له مشاعر والبكي هو طريقةو تعبير للألو لما يكون مضايق او حزين
أنو بيريحو لكان شلون رح يعبر عن حزنه
هل بكائه يقلل من قدره؟؟
انــي برأيي لاء ...بالعكس صراحة بحب الرجال الي يبكي في مواقف انو تستاهل

لأنه يدل على صدقه ورقة قلبو واحساسو وطيبته وحنانه :oops:

مشكورة سيلين عالموضوع الحلو :D

ما بعرف

24/06/2007, 03:23

silin

24/06/2007, 12:49

مرسي على الردودكن
ولك دخلك يا تالين شو حبيتك انا:sosweet:

وانا فيكن تقولوا نص على نص :o

ما ببكي قدام الناس على سبب بعدو لحياتي الشخصية ابداااا هون بنفرد لوحدي او ممكن لحدا بيستاهل اني ابكي قدامو ( اهلي اكيد )

وببكي قدام الناس وقت بكون في موقف ( عام ) ببكي متل .. الظلم .. القتل .. الحرب .. الفقر .. حادث معين ...

وببكي وقت بكون شي فيلم مأثر فيني هههههههه:cry: ما بتفرق معي مين قاعد لانو اصلا بكون مندمجة بالفيلم :p

.. على فكرة انا وقت بكون مضايقة وما بكيت ما فشيت خلقي يعني تأكدو انو بصير فيني شي .. على المستشفى دغري بركي:lol: لانو كتير حساسة وأي شي بأثر فيني..

لانو البكى هو صوت النفس البشرية وصدى الالم الانساني .. وهو الشعور بالارتياح وقت منظهر هلشي مننا لنتخلص من هيدا الالم ..

وانا بقول بالنسبة للرجل ( الاغلبية ) .. انو نزول الدمعة من عين الرجل ما بتدل على شي الا على الرحمة الموجودة بقبلو .. كرمال برأي الرجل جبار .. وما بيبكي الا على شي بيستاهل البكاء

تحياتي للكل .. سيليـــــن :sosweet:

drhas

24/06/2007, 14:07

والله الموضوع حلو اكتير ايسلم ايديكي
والله انا بلاقي انو بكي الرجال هويي عظمة القويي بس طبعا مو دايما يعني بمواقف بتستاهل لانو
الرجل بيحاول اكتيير يخفي دمعتو بكل الطرق بس بالنهايي هويي انسان والبو من لحم ودم وهويي كتلة من المشاعر وبالتالي اكيد دمعتو مو رمز للضعف

زوربا

24/06/2007, 14:43

و سؤالي الكن

هل بكاء الرجل ضعف؟؟

هل بكائه يقلل من قدره؟؟

لأ مو ضعف.......وإنما تعبير عن فيض المشاعر....عادة يبكي الرجل سراً...ويبكي في العلن في الفواجع.......
هل كان الضحك يقلل من قدر الرجل يوماً..طبعاً لا....وكذلك البكاء...

تالين

24/06/2007, 15:08

انشالله ما تنزلك دمعة غير دمعة فرح :D
وشكراً لكاتبة الموضوع:ss:

لك تسلم و انشالله انت كمان كل ايامك فرح يارب