لماذا لا توجد تواقيع في المنتدى ؟

[فلاش قطر]

السلام عليكم ورحمة الله

كيفكم ؟؟ و اخباركم ؟؟

العنوان واضح صح :)

ليش ؟؟؟؟؟؟؟؟؟؟؟؟

وبارك الله فيكم

[بنوتة فلسطين]

انا الى توقيع كتير حلو بس مش قابل ينزل على المنتدى

[TheLight]

هي من الامور الثابتة بالمنتدى ويللي غير قابلة للتغير حسب الحكيم
يعني ما في تواقيع لانو التواقيع بتاخد حجم كبير وبتأثر ع سرعة التصفح خصوصا بسوريا بسبب بطء الانترنت.....
بالمناسية هيك تساؤلات واقتراحات يفضل تنحط ببريد المنتدى منشان يشوفوها المشرفين ويردو عليها...

[sezar]

و غير يلي حكاهن الباشا TheLight بظن لما تكون في صور و توقيع براقو و أضواء بالصفحة زيادة بتضيع الجو الكتابي .. يعني تخيل انو فايت عل منبر عم تحكي بموضوع جدي و توقيعك نازل يبرق و يلمع ;-)

اي بالأصل صار التوقيع ينزل للعضو مرة وحدة بالصفحة " لأنو مهمتو توصيل فكرة ما عند العضو أو عند صاحب التوقيع "

سلام

[Hus]

بالظبط من ناحية ان التواقيع الفلاشية او الصور او ما اليه بتعيق التصفح (بالنسبة لسرعة التصفح) ،

من ناحية اخرى التركيز بالمنتدى على "المتن" الشكليات و الملحقات الأخرى بالمنتدى (الديكورية) فهيي بتكون بالمجمل (بحسب منظورنا و تطويراتنا الي بنعملها وهيك) ، هيي لخدمة المتن ، تسريع تصفح، تسريع وصول للمبتغى، سهولة عرض الموضوع وما إليه ،

ولهيك التوقيع مسموح بيك كتابة فقط ، + بيطلع على الشمال والموضوع ع اليمين كرمال ايضا ، يفضل غير معيق لتصفح الموضوع ..

مؤخرا تم طرح بعض الخواص بتعديل شوية خطوط عريضة ، (تلوين ، وضع رابط ، تتخين الخط ..) للمشرفين و المنسقين ، وهذا مش امتيازات شكلية بحكم انو هني "فريق عمل"

وانما من حيث ان نظريا _على الأقل_ هم بحاجة لهذا ، بحاجة ببعض الاحيان لوضع إعلانات داخلية في تواقيعهم ، لمواضيع هامة في اقسامهم ، بحاجة لوضع تنويهات معينة ، .. وهيك ..

يا هلا