DOWNTOWN [الأرشيـــــف]

أسير التشرد

07/10/2006, 21:36

حابب استفسر عن الدون تاون ؟ شو هاي الدون تاون وكيف وليش ؟ وايمتى رح تنطلق هالميزة بفضاء الاخوية ...
بتمنى الاجابة من الحكيم ...

sezar

08/10/2006, 03:39

;-) كلشي بوقتو حلو

Hus

10/10/2006, 12:26

نظام مالي تجاري بأخوية كان اطلقناه لفترة تجريبية وكان في شوية مشاكل فوقفناه ، من المتوقع بالفترة القادمة نرجع نعيد تفعيله

بيعتمد على ان العضو بياخد على الأشياء الإيجابية "ودّات - والودة هي اسم عملة اخوية" متل لمن بيكتب موضوع بياخد 10ودات لمن رد 3 ، لمن بيدعو صديق 50 لمن بيقيم موضوع 20 لمن بيحط تبليغ عن مشاركة 80 الخ ..

بنفس الوقت في متاجر "اخوية داون تاون" بيقدر يشتري منها خدمات بالودات الي معاه، يشتري مثلا زيادة بصندوق بريده شيت البرايفت مسج ، يشتري طاقية الإخفاء شيت التخفي، يشتري اشياء وخواص بأخوية بتوصل لغاية إنشاء قسم ..

وبالتوازي مع الي فوق في عملية تسييل وتسييل معاكس،
تسييل = تحويل العملة الأخوية " الودات" لمصاري (ليرة سوري - دولار وهيك )
وايضا تسييل معاكس
بيقدر شخص يحط مصاري كاش ، وياخد وفق السيستم بدالها ودّات بأخوية .. (اون لاين كلو طبعا التسييل والتسييل المعاكس مباشر اون لاين بالبطاقة الإتمانية، بالحوالة المصرفية ، بال paypal وشركات التحصيل والدفع وهيك ..)
(طبعا قائمة اسعار العملات بمقابل الودّة الأخوية مش ثابت ، وانما وفق بورصة مصغرة -فيك تقول- بتخضع للعرض والطلب بأخوية هيي البتحدد السعر وهيك شغلات)

الحلو بالنظام المالي شيت الداون تاون بأخوية ، ان نسبة البطالة في ربوع اخوية بتكون بمستهله 0% ، مافي بطالة بأخوية لان كل عضو قادر على جني الودّات بكل عمل ايجابي (بالمفهوم العام) علىاخوية ، وبأي وقت قادر على تسييلها لمصاري كاش $$

أسير التشرد

31/08/2007, 01:53

اي...وشو في بعدين.. الظاهر انو هالمشاريع متل المشاريع الحكومية...
بذكرني بمشروع ساحة الامويين..ومشروع مجمع الجامع الكبير بساحة المرجة...:lol: