-
عرض كامل الموضوع : يا عالم يا هووووووو... نحن هون أخوة ولا عصابات؟؟؟؟؟؟
ayham-hemo
21/09/2006, 17:50
يا عالم يا هووووووو... نحن هون أخوة ولا عصابات؟؟؟؟؟؟
يا جماعة الخير.. يسعدني تكون هي أول مشاراكاتي الفعلية بمنتداكم -منتدى أخوية-... وأنا تمهلت بشكل مقصود، لأني حبيت تابع أكبر كم ممكن من متابعات الجميع -قدام وجدد- قبل ما أعرف شو هو الوضع والمستوى العام اللي هون، وشاركت بردود لبعض موادها كمان.... بس يا جماعة أكتشفت شغلات فظيعة حبيت شارككم فيها، فياريت تعطوني شوي من وقتكم لأنو كتير منكم واقع فيها......
جماعات.. شلل.. عصابات.. مافيا
أكتشفت يا جماعة بدخولي لبعض مواضيعكم أنو الردود عمتكون من شلة محددة عمتحاول تدعم بعضها البعض ولو كان ردهم مجرد شكلي، المهم عمبيثبتو لبعض هالدعم، واللي خارج الشلة لازم يكون موضوعو حارق لحتى يتحنن عليه حدا ويرد عليه -اللهم الا اذا كان صبية وقتها بينرد عليه من الكل- وهالشي بيتعارض وبشكل مباشر مع عنوان منتداكم الأخوية.
لك حتى المنجرية والمشرفين واللي برتبة سنيور، ما شفتهم عميدعمو ويساندو الاعضاء الجدد ومشاركاتهم بالشكل المطلوب منهن ويردو عليهم ويحاولو تنبيههم وتوعيتهم... وهنن مسؤوليتهم الاساسية هي تشجيع الاغرار على الكتابة وطرح أرائهم وافكارهم بشكل جريء وموضوعي، وعمتكون مشاركة شلة المسؤولين بالروم على دعم بعض ودعم شلتهم، مو غريبة هالشغلة؟؟؟؟؟؟
المهم أنا شاركت... والأهم اني رديت
عميفاجئني -حسب وجهة نظري طبعاً- أنو بعض المواضيع لاتصلح مادة تنحط بمنتدى ويتشارك عناصرها بأفكارها... وما بتتصنف غير أنو فكرة بسيطة من الدرجة العاشرة تصلح تنحط بباب أفكار أو خواطر... يعني حسيت أنو صاحبها بدو يبرهن أنو شارك بمادة ولو كانت سطحية.. كتير مواد فتت عليها وما عرفت شو بدو صاحبها بصراحة، ووين الفكرة فيها وشو متوقع كاتبها من الناس أنهم يكتبو ويردو عليه....
ليش يا مشرفين عمتسمحو بنشر هيك مواد، يعني بدكم تكبرو أرشيفكم مو عرفانين كيف وشلون يعني؟؟؟؟
لا ومو هون المصيبة، المصيبة بهدول اللي عميشاركو على أساس، شي بيرد: ياي شو حلو الموضوع، وشي بيبتسم، وشي بيضحك، وشي بيحك راسو، وشي بينسخ جزء أو مقطع وما بيحط أي رد او تعليق...
يا جماعة الشغلة مو بالكم بقدر ماتكون بالنوع، لهيك ياعالم ياهوووو شاركو بشي نقدر نتفاعل معو ونستفيد كلنا من بعض، واللي بيفوت وبيقرا كتر ألف خيرو فضل على راس الكل، بس يا شارك برأي وفكرة تضيف نكهة جديدة للموضوع، أو لاتشارك منوب، أما يسلمو ومرسي وههههههه ومابعرف شو بلاها هي يا أخونا، بدك تشكر غيرك على موضوعو أو تعلق بشكل شخصي بينك وبينو أو تمزح معو بعتلو ياها رسالة خاصة، وما يكون المنتدى ساحة لها الشي.....
وقعت والله وقعك وراح ورجيك
لاحظت أنو في ناس عمتحاول تصفي حسابات بعض لما بتشارك، يعني بتقولو واحدهم عميستنى التاني ليكتب شغلة بتلاقيه سلخو رد للعضم، ليهزلو بدنو ويحرقلو أعصابو، وبتبلش المهاترة والاخد والعطى والكلام بطعمة وبلا طعمة...
يا جماعة احترمو آراء وأفكار بعض بدون ماحدا يجرح التاني، وإذا في خلاف شخصي بيناتكم انقلوها لساحة تانية، بعدو عن ساحات المنتدى الله يخليكم، خلونا نترفع عن نظرتنا الضيقة والصغيرة، ونتشارك بكنز فكري يجمع الكل ويكون الجميع ربحان فيه...
قبل ما تتحلفص بأي حرف... أنت شب ولا صبية
عمأندهش لما شوف أنو أحياناً الردود بتجي كبيرة من شباب لما صبية بتشارك -ولو كانت مشاركتها أقل من عادية-، وبالعكس لما بيشارك شب بتكون ردود الصبايا عليه كمان مو سهلة....
يا جماعة المنتدى هو تخاطب عقول وتجارب وأفكار بعيد عن التكوين الجسدي، مو تخاطب أجساد بعيد عن العقل، ولا أنا غلطااااااااااااان....
أخيراً
أكيد لكل قاعدة استثناء، وللأمانة كتير كانو موضوعيين بمشاركاتهم، بس للأسف كتير ناس كانو خارج هالاستثناء، وبتمنى ماحدا يزعل مني او ياخد موقف شخصي ضدي، بس أنا عمأحكي لصالح المنتدى ولصالح الاخوية، ومهما كان كلامي قاسي وحدّ، لازم تفهمو أنو حكيتو بواقعية وبتجرد عن أي اهداف شخصية... واعتبرت أني عمخاطب ناس مثقفين وواعين بيقدرو يفهمو شو معنى كلامي...
خلونا ندور عالنوع مو عالكم، وخلو صفحات الأخوية غنية ورائعة، بتحسسنا بالمتعة لما بتغوص فيها، مو بتخلي الواحد يحس حالو أكل كم طالع من راسو لما بيفوت وبيصير يقلب الصفحات وهو عميدور على شي مفيد...
بشكر سعة صدركم وتفهمكم وحتى مجرد مروركم..
يلا حبيباتي بلشو حربكم الشعواء واسلخوني ردود أقدر أتعلم منها شي جديد ومفيد، أما اللي بدو يشكرني أو يأيدني أو يكرهني، بلا ردك خيووو أبعتلي ياها رسالة وبكل الأحوال أنا بحترم وجهة نظرك.....
الله حيوووووووو الدعم اللوجستي
انت يا شيخ ما لقيت قدك واحد بحب يكتب
معك حق بكلشي قلتو
من الاول للاخر
و بعتذر عن التعليق السابق
هل المرة حكيك بمحلو
يا عالم يا هووووووو... نحن هون أخوة ولا عصابات؟؟؟؟؟؟
يا جماعة الخير.. يسعدني تكون هي أول مشاراكاتي الفعلية بمنتداكم -منتدى أخوية-... وأنا تمهلت بشكل مقصود، لأني حبيت تابع أكبر كم ممكن من متابعات الجميع -قدام وجدد- قبل ما أعرف شو هو الوضع والمستوى العام اللي هون، وشاركت بردود لبعض موادها كمان.... بس يا جماعة أكتشفت شغلات فظيعة حبيت شارككم فيها، فياريت تعطوني شوي من وقتكم لأنو كتير منكم واقع فيها......
جماعات.. شلل.. عصابات.. مافيا
أكتشفت يا جماعة بدخولي لبعض مواضيعكم أنو الردود عمتكون من شلة محددة عمتحاول تدعم بعضها البعض ولو كان ردهم مجرد شكلي، المهم عمبيثبتو لبعض هالدعم، واللي خارج الشلة لازم يكون موضوعو حارق لحتى يتحنن عليه حدا ويرد عليه -اللهم الا اذا كان صبية وقتها بينرد عليه من الكل- وهالشي بيتعارض وبشكل مباشر مع عنوان منتداكم الأخوية.
لك حتى المنجرية والمشرفين واللي برتبة سنيور، ما شفتهم عميدعمو ويساندو الاعضاء الجدد ومشاركاتهم بالشكل المطلوب منهن ويردو عليهم ويحاولو تنبيههم وتوعيتهم... وهنن مسؤوليتهم الاساسية هي تشجيع الاغرار على الكتابة وطرح أرائهم وافكارهم بشكل جريء وموضوعي، وعمتكون مشاركة شلة المسؤولين بالروم على دعم بعض ودعم شلتهم، مو غريبة هالشغلة؟؟؟؟؟؟
المهم أنا شاركت... والأهم اني رديت
عميفاجئني -حسب وجهة نظري طبعاً- أنو بعض المواضيع لاتصلح مادة تنحط بمنتدى ويتشارك عناصرها بأفكارها... وما بتتصنف غير أنو فكرة بسيطة من الدرجة العاشرة تصلح تنحط بباب أفكار أو خواطر... يعني حسيت أنو صاحبها بدو يبرهن أنو شارك بمادة ولو كانت سطحية.. كتير مواد فتت عليها وما عرفت شو بدو صاحبها بصراحة، ووين الفكرة فيها وشو متوقع كاتبها من الناس أنهم يكتبو ويردو عليه....
ليش يا مشرفين عمتسمحو بنشر هيك مواد، يعني بدكم تكبرو أرشيفكم مو عرفانين كيف وشلون يعني؟؟؟؟
لا ومو هون المصيبة، المصيبة بهدول اللي عميشاركو على أساس، شي بيرد: ياي شو حلو الموضوع، وشي بيبتسم، وشي بيضحك، وشي بيحك راسو، وشي بينسخ جزء أو مقطع وما بيحط أي رد او تعليق...
يا جماعة الشغلة مو بالكم بقدر ماتكون بالنوع، لهيك ياعالم ياهوووو شاركو بشي نقدر نتفاعل معو ونستفيد كلنا من بعض، واللي بيفوت وبيقرا كتر ألف خيرو فضل على راس الكل، بس يا شارك برأي وفكرة تضيف نكهة جديدة للموضوع، أو لاتشارك منوب، أما يسلمو ومرسي وههههههه ومابعرف شو بلاها هي يا أخونا، بدك تشكر غيرك على موضوعو أو تعلق بشكل شخصي بينك وبينو أو تمزح معو بعتلو ياها رسالة خاصة، وما يكون المنتدى ساحة لها الشي.....
وقعت والله وقعك وراح ورجيك
لاحظت أنو في ناس عمتحاول تصفي حسابات بعض لما بتشارك، يعني بتقولو واحدهم عميستنى التاني ليكتب شغلة بتلاقيه سلخو رد للعضم، ليهزلو بدنو ويحرقلو أعصابو، وبتبلش المهاترة والاخد والعطى والكلام بطعمة وبلا طعمة...
يا جماعة احترمو آراء وأفكار بعض بدون ماحدا يجرح التاني، وإذا في خلاف شخصي بيناتكم انقلوها لساحة تانية، بعدو عن ساحات المنتدى الله يخليكم، خلونا نترفع عن نظرتنا الضيقة والصغيرة، ونتشارك بكنز فكري يجمع الكل ويكون الجميع ربحان فيه...
قبل ما تتحلفص بأي حرف... أنت شب ولا صبية
عمأندهش لما شوف أنو أحياناً الردود بتجي كبيرة من شباب لما صبية بتشارك -ولو كانت مشاركتها أقل من عادية-، وبالعكس لما بيشارك شب بتكون ردود الصبايا عليه كمان مو سهلة....
يا جماعة المنتدى هو تخاطب عقول وتجارب وأفكار بعيد عن التكوين الجسدي، مو تخاطب أجساد بعيد عن العقل، ولا أنا غلطااااااااااااان....
أخيراً
أكيد لكل قاعدة استثناء، وللأمانة كتير كانو موضوعيين بمشاركاتهم، بس للأسف كتير ناس كانو خارج هالاستثناء، وبتمنى ماحدا يزعل مني او ياخد موقف شخصي ضدي، بس أنا عمأحكي لصالح المنتدى ولصالح الاخوية، ومهما كان كلامي قاسي وحدّ، لازم تفهمو أنو حكيتو بواقعية وبتجرد عن أي اهداف شخصية... واعتبرت أني عمخاطب ناس مثقفين وواعين بيقدرو يفهمو شو معنى كلامي...
خلونا ندور عالنوع مو عالكم، وخلو صفحات الأخوية غنية ورائعة، بتحسسنا بالمتعة لما بتغوص فيها، مو بتخلي الواحد يحس حالو أكل كم طالع من راسو لما بيفوت وبيصير يقلب الصفحات وهو عميدور على شي مفيد...
بشكر سعة صدركم وتفهمكم وحتى مجرد مروركم..
يلا حبيباتي بلشو حربكم الشعواء واسلخوني ردود أقدر أتعلم منها شي جديد ومفيد، أما اللي بدو يشكرني أو يأيدني أو يكرهني، بلا ردك خيووو أبعتلي ياها رسالة وبكل الأحوال أنا بحترم وجهة نظرك.....
الله حيوووووووو الدعم اللوجستي
انت معك حق بكل اللي انت قلته ولازم اي حدا من المشرفين انو يلاحظ هايدا الموضوع ما في اي حدا لاحظه انا كمان قابلت هايدا الموضوع كتير هون بالمنتدى و بلاقي ردود على هيك مواضيع مو حلوة نحنا هون منشان نتكلم على ها الشيء انا بقول لكل المشرفين انهم يتخذوا الاجراءات الازمة في هيك مواضيع ولازم اي شئ يصير هون اوكيه ؟ و ميرسي مرة تانية الك
Government
22/09/2006, 00:54
اي والله يامعلم
كلامك كلووووووو صحيح
يعني بالعربي انت حطيت ايدك عالجرح تماما
والله يعطيك العافية على هالكتابة الكتيرررة
:D :D :D
تحياااااااااااااااااااااا اااااااتي
TheLight
22/09/2006, 01:28
بصراحة خيو انا بدي اشكرك ع الموضوع مع اني ما قريتو كلو....وهاد الشي مو للانتقاص من الموضوع او منك او من رأيك بس لأنو انا هيك بقرأ بالعادة يعني بمسح الموضوع بسرعة
والسبب التاني يللي ما خلاني اقراه حرف وحرف هو لأني حسيت بالفكرة يللي بدك تقولها بكل مرة قبل ما اقراها كلها بس للحقيقة استوقفتني عدة نقاط حابب رد عليها بشكل اقتباس
اول شي حابب قلك انو بالمنتدى في عالم من كل الاشكال والالوان وكل الاعمار والمستويات الثقافية والفكرية والاهتمامات والانتماءات السياسية والدينية
بالتالي صعب انو نصبغ المنتدى بلون واحد
بس كمان انت اجيت بفترة عصيبة كتير عم نشوف فيها كتير من الشباب والصبايا المثقفين فايتين بحالة خمود وبيجوز نسميها كبت فكري لأنو الفوضى يللي صارت بأخوية مؤخرا كتير كبيرة
بس برجع عالشغلات يللي استوقفتني بكلامك
لك حتى المنجرية والمشرفين واللي برتبة سنيور، ما شفتهم عميدعمو ويساندو الاعضاء الجدد ومشاركاتهم بالشكل المطلوب منهن ويردو عليهم ويحاولو تنبيههم وتوعيتهم... وهنن مسؤوليتهم الاساسية هي تشجيع الاغرار على الكتابة وطرح أرائهم وافكارهم بشكل جريء وموضوعي، وعمتكون مشاركة شلة المسؤولين بالروم على دعم بعض ودعم شلتهم، مو غريبة هالشغلة؟؟؟؟؟؟
تأكد انو نحنا ما بنوقف بوجه اي عضو جديد ودائما منحاول نوجهو بس احيانا بطريقة قاسية شوي لانو هز البدن احيانا منيح يعني هزة بدن وحدة احسن من تكرار نفس الملاحظة ميت مرة بس المشكلة انو دائما بيطلعلك مين يقلك شو دخلك
وانا بعتذر من الاخ حكومة اني عم احكي هالحكي وهو بيعرف ليش بس انا ما قصدتو بشكل شخصي لانو شغلة انو واحد يقلك شو دخلك تكررت كتير بس بخاف يفهمني هلق انو عم اقصدو بشكل شخصي:D
عميفاجئني -حسب وجهة نظري طبعاً- أنو بعض المواضيع لاتصلح مادة تنحط بمنتدى ويتشارك عناصرها بأفكارها... وما بتتصنف غير أنو فكرة بسيطة من الدرجة العاشرة تصلح تنحط بباب أفكار أو خواطر... يعني حسيت أنو صاحبها بدو يبرهن أنو شارك بمادة ولو كانت سطحية.. كتير مواد فتت عليها وما عرفت شو بدو صاحبها بصراحة، ووين الفكرة فيها وشو متوقع كاتبها من الناس أنهم يكتبو ويردو عليه...
انا بوافقك تمام وانا من زمان كنت طالب انو اي موضوع بلا قيمة ينحذف بعدين اكتشفت انو تطور المنتدة اقوى من هيك مواضيع يعني الموضوع السخيف عيارو يومين غالبا وبعدين العالم بتنساه
لاحظت أنو في ناس عمتحاول تصفي حسابات بعض لما بتشارك، يعني بتقولو واحدهم عميستنى التاني ليكتب شغلة بتلاقيه سلخو رد للعضم، ليهزلو بدنو ويحرقلو أعصابو، وبتبلش المهاترة والاخد والعطى والكلام بطعمة وبلا طعمة...
الملاحظة دقيقة بس انت اغفلت اهم شغلة انو هالشغلات دائما عم بتكون بالمواضيع الدينية والسياسية وانت حطيت ايدك ع الجرح بس كمان برجع بقلك ما فينا نفصل الردود تبع العالم
هلق الموضوع يلي حابب احكي فيه وانت ما حكيت فيه بيجوز لانك ما حبيت تكبرو هو موضوع الخلافات والنزاعات الدينية
بعتقد انو هالشي صعب ينحل بس بدو جهد ومن هون انا بدي اترجى الكل انو اذا في كم واحد عديم الاحترام سواء كان مسيحي او مسلم وتوجهوا باساْة للدين التاني,بترجى انو ما تصبوا الزيت عالنار بس اتركوه يحكي وبعدين بيمل يعني بيحطلو تلاتين اربعين رد وبينزلو عشر مواضيع بس وقت ما بيلاقي تجاوب بيمل وبيسكت
هاد رجاء للكل
ويا government لا تقول عم نظر
بزعل منك هالمرة:D
Government
22/09/2006, 01:41
ويا government لا تقول عم نظر
بزعل منك هالمرة:D
لا خلص بطلت :oops:
وكلامك على عيني وراسي :D
الكلام الحلو مابينزعل منو
TheLight
22/09/2006, 01:43
لا خلص بطلت :oops:
وكلامك على عيني وراسي :D
الكلام الحلو مابينزعل منو
اي هه هيك عجبتني
بعدك ما بدك تزعل مني شيت انا بمقام اخوك الكبير
مية وردة
Government
22/09/2006, 01:49
اي هه هيك عجبتني
بعدك ما بدك تزعل مني شيت انا بمقام اخوك الكبير
مية وردة
وأعز والله .........:D
ayham-hemo
22/09/2006, 02:12
شكراً ليوبارد على مرورك ولاتاكل هم أنا مابوقف عند الملاحظات أن كانت مقصودة أو بدون قصد.
بس حابب وضحلك ليش كتابتي الكتيرة أحيانا، أنا بحب أني وضح الشغلة بشكل كامل مشان ما تكون ألها مجال لأي تأويل، وحتى ماحدا يفهم بشكل مغلوط، وطبعا بحطها بأطار فكاهي مشان ماتكون المعلومة جامدة، بس مو أكتر.
بالنسبة للأنسة دودي بشكر اهتمامك ومتابعتك، وما في داعي لشكري، لأنو اللي حكيتو ممكن أي واحد بيحب أستمرار منتدى الاخوية أنو يحكيه لو انتبهلو وهادا واجبنا كلنا.
وبالنسبة للأخ ذالايت، بشكر اهتمامك الواضح بالموضوع وردك المستفيض، بس اللي استوقفني أنو مهما كان تخبط أعضاء المنتدى لازم تكون الادارة والمراقبة تحت اديكم باستمرار، وتوجيهكم للأعضاء هالشي جيد جدا ولو ماقدرو هنن هالشي، بس الزمن هو الكفيل بشرح هالمسألة ألهم.
وبالنسبة لأشارتك أنو تطور المنتدى أقوى من المواضيع الضعيفة، وأنها راح تتنسى بعد فترة صغيرة كلامك بمحلو وأنا ماقلت غير هيك، بس راح تضل بأرشيفكم اللي -برأيي- لازم يحتوي مواضيع جادة وهادفة وجريئة، ولازم ليلي بدو يرجع لورا يلاقي مواضيع مو أقل أهمية من اللي بالبداية، مو يتفاجئ بتدني المستوى ووطلوعو، يعني أنا مصر على حذف المواد الضعيفة بشكل كامل، وحتى ما يتحسس حدا ياعمي خلو تقييم المشرفين هو القرار الفصل مشان مايكون الامر بأيد واحد بذاتو وبالتالي بيعتبر صاحب المادة أنو حذف موضوعو تصرف شخصي من قبل المشرف وتصفية حساب خاصة، وبالنسبة للناس اللي عمتحاول تحبط بعض هون وتتمسخر على موادها، أنا ما بيهمني شو هو السبب، ديني أو سياسي او اجتماعي، بالنهاية لازم تتنبه العالم على هالمسألة وتحترم آراء بعض، ومتل ما قلت لما تشوف حدا حابب يصعد الأمر ومستمر بالرد والاخد والعطى تجاهلو حل جيد، بس الحل الافضل انكم تحطوه عند حدو بتنبيهو ومعاقبتو في حال عدم الاستجابة.
مسؤليات الاشراف مو سهلة وكل واحد من المشاركين بدو اللي بيناسبو واللي بيجي تفصيل على مقياسو، وهالشي بيخلي ضغط كبير عليكم بس مافيلكم تتنصلو من هالمسؤلية او تتجاهلوها، لأنو مجرد أهمالكم ألها وصلنا لها النوعية من المواد الموجودة حالياً، وياريتك علقت على مسألة المحسوبية والتكتلات والشللية، اللي على ما يبدو ماحبيت تواجهها علناً -يمكن ما انتبهت الها أذا اخدنا الموضوع بحسن نية- لأنها هالشغلة مهمة كتير وهي بتنسف فكرة المنتدى من أساسو اللي أنبنى على فكرة الاخوية، لهييك أن مريت مرة تانية عزيزي ذا لايت أو مر أحد المشرفين بتمنى أنو يوضح هالمسألة بشكل كامل.
وبشكر كل اللي مر وما أبدى أي ملاحظات، لأني بفضل يكون هيك ردهم على أنهم يردو بشكل سطحي، وبانتظار المزيد من الافكار اللي حابب اتعلمها منكم.
الله حيووووووو الدعم اللوجستي
ayham-hemo
22/09/2006, 02:17
مشكور أخي غفرمنت على مرورك، وبالعكس جرح المنتدى هو جرحنا كلنا لانو بالنهاية هو صورتنا، فلا تشكرني على تسليط الضو على هالنقطة لانو هادا واجبنا كلنا.
الله حيوووووووووو الدعم اللوجستي
بقـ انسان ـايا
22/09/2006, 02:28
معك حق بكلشي قلتو
من الاول للاخر
و بعتذر عن التعليق السابق
هل المرة حكيك بمحلو
;-) ;-) ;-) ;-)
اسمع نحنا هون علا وشك نصير من البشمرجا
;-) ;-)
TheLight
22/09/2006, 02:48
مشكور حبيبنا ع ردك
بالنسبة لموضوع حذف المواضيع الضعيفة انا معك بهالفكرة يعني انتو تنعمل تصفية للمواضيع كل فترة معينة من قبل كل مشرف بقسمو بس شوي صعبة وبتاكل شغل كتير والمشرفين عم يشتغلو بكل قدرتهم بس بأكدلك انو شغلة مو سهة أبدا وهاد كمان برأيي انو سبب تخبط المنتدى
انا كنت بالبداية متلك بعدين لقيت انو احسن شي هو اسقاط النظرية الداروينية ع المنتدى يعني بنتركو يتخبط ويللي بيستق الاستمرار راح يستمر ويللي ما بيستحق بينتهي لحالو
اما بالنسبة لموضوع الشللية فهي من الشغلات يللي الها حدين لانو الشللية بتجمع ناس احيانا من انتماءات مذهبية وسياسية مختلفة بس الحد الخطير وقت بتقوم ع اساس طائفي وهاد يللي عم نشوفوا احيانا
بس انو تتكون شلل بين ناس متقاربين فكريا والهن اهتمامات واحدة امر ما بنقدر نمنعو ضمن جماعة مؤلفة من المئات
بكل الاحوال شكرا ع متابعتك واهتمامك بأخوية وناطر ردك
بقـ انسان ـايا
22/09/2006, 02:55
;-) ;-) ;-) ;-)
إنسان وبس
22/09/2006, 03:10
مشكور حبيبنا ع ردك
بالنسبة لموضوع حذف المواضيع الضعيفة انا معك بهالفكرة يعني انتو تنعمل تصفية للمواضيع كل فترة معينة من قبل كل مشرف بقسمو بس شوي صعبة وبتاكل شغل كتير والمشرفين عم يشتغلو بكل قدرتهم بس بأكدلك انو شغلة مو سهة أبدا وهاد كمان برأيي انو سبب تخبط المنتدى
انا كنت بالبداية متلك بعدين لقيت انو احسن شي هو اسقاط النظرية الداروينية ع المنتدى يعني بنتركو يتخبط ويللي بيستق الاستمرار راح يستمر ويللي ما بيستحق بينتهي لحالو
اما بالنسبة لموضوع الشللية فهي من الشغلات يللي الها حدين لانو الشللية بتجمع ناس احيانا من انتماءات مذهبية وسياسية مختلفة بس الحد الخطير وقت بتقوم ع اساس طائفي وهاد يللي عم نشوفوا احيانا
بس انو تتكون شلل بين ناس متقاربين فكريا والهن اهتمامات واحدة امر ما بنقدر نمنعو ضمن جماعة مؤلفة من المئات
بكل الاحوال شكرا ع متابعتك واهتمامك بأخوية وناطر ردك
أنا معك ذا لايت باسقاط النظرية الداروينية على المنتدى لانو ما حدا من المشرف بيقدر يتحكم التحكم الكامل على المواضيع
بنظري الحل للمواضيع السطحية والفاضية هو انو يتفعل خاصية التقارير ويتم النظر فيه كل يوم من قبل المشرفين
الامر الجميل بالمنتدى هو ان المنتدى حر (Free) اي شخص بيقدر يكتب فيه عن اي موضوع ما عدا المواضيع الدينية (طبعا ما حدا عم يلتزم بعدم طرح هيك مواضيع)
باعبتاري شايف كذا منتدى لحظت انو المشرفين بكونوا دكتاتورين كتير بحذف مشاركات وتنبيه اعضاء وحتى توقيف العضو لكن هون شفت غير شي شفت انو الحرية متاحة للكل انو يحكي ويعبر عن وجهة نظرو ومتل ما بنعرف انو البعض لسى مانو متعود على هيك حرية فعم ينزل مواضيع تافهة وفاضية، الحل انو نوعي هالبعض شو تعني الحرية.......
بقـ انسان ـايا
22/09/2006, 03:11
:? :? :? :?
ayham-hemo
22/09/2006, 10:51
بشكر متابعتك صديقي العزيز ذا لايت واهتمامك بالموضع، واسمحلي رد على كلامك السابق بالشكل التالي:
شو الصعب انو كل يوم المشرف بنهايتو يغربل هالمواضيع -اللي ماراح يتجاوزو العشرين بأحسن الاحوال- ويلغي الموضوع الغير قابل للنشر مع كل ردودو، يعني المسألة ما بتاكل ربع ساعة من وقتو كلها على بعضها، وشو المانع وهو عميتفحص هالمواضيع يشوف الردود بشكل خاطف -وانت من البداية برهنت على قدرتك بالقراءة السريعة وفهمك للفكرة- ويحذف الرد الضعيف او الفارغ -كمثال علا كلامي رد يقايا أنسان اللي عميفوت ويحط أشكال بس، يعني اذا بيعمل هالعملية 100 مرة باليوم راح يوصل آخر الشهر بـ 30000 مشاركة ويسبق أكتر واحد مشارك بمنتديات بالعالم- بس أنا يمكن فهمت عليك وين المشكلة يمكن قصدك أنها برمجيا صعبة ولا انا غلطان، علماً انو مافي شي صعب بالبرمجة بس بدو شغل وتعب لنوصل للنتيجة اللي بدنا ياها.
تانياً أسمحلي قلك أنو نظريتك الداروينة خاطئة مية بالمية، لانها نظرية بتسقطها على مجتمع عشوائي والغلبة للقوي والضعيف مالو مكان لأي مخلوق سامي وذو فكر ووزن، أما بمجتمعنا المتحضر المثقف لازم تتطبق نظرية أحجار الدومينو لأنها أنسب وأنجح، الكل لازم يكون مرصوف بسلسلة دقيقة ومتوازنة ومدروسة وبخط وطريق منهجي، وما بنسمح بأنو حدا من الاحجار أنها تسقط لأنها راح توقع كل اللي بعدها وتخرب هالرصف والترتيب المتعوب عليه، وهادا بدو متابعة مستمرة لنحرص أنو ما يقع أي حجر ولما بدنا نشوف أنو في حجر بلش يتمايل دغري نشيلو من مكانو ونحط بديل عنو.
موضوع الشللية اللي حكيت فيه، برأيي انو الناس اللي فايتة لهون -المفروض- أنهم جامعين -عميدرسو أو متخرجين- يعني مستواهم الثقافي أكبر من هالأهداف الصغيرة اللي بترمي لرمي الفتنة وجعل الناس عصابات وتكتلات، أما أذا في هيك ناس همهم الشلة ومصلحة هالمجموعة قبل أي اعتبار فهدول الزمن هو الكفيل بأسقاطهم وتنحيتهم لأنهم ما بيطولو على هالوتيرة من التمثيل والخداع الشللي، أما الناس أصحاب الفكر والمخزون الثقافي ماراح يسمحو لحالهم بالتأطر ضمن أي مجموعة أو أطار، وماراح يخلي شي يمنع حريتهم وحب أنفتاحهم الاكيد على تجارب الجميع وحالاتهم الخاصة.
بشكرك مرة تانية على اهتمامك وبتمنى كون اقنعتك بوجهة نظري.
بالنسبة ألك بقايا أنسان بعرف أنك تركت هالاشكال قصداً بدون أي تعليق، بشكل مقصود وخاصة اني نوهت على هالمسألة، انا هالشي ما بيهمني، بس مشانك أنا عمأحكي، كون أكبر من هيك وشارك برأي تكبر فيه بعيونا وتجبرنا أنو نحترمك، وتروك هالشغلات الصغيرة لغيرك من الجهلة وأعداء الثقافة، نصيحة حبيت أنصحك ياها وأنت حر.
الله حيوووووو الدعم اللوجستي
أنت جرحتلي فتوقاتي..... قصدي فتأتلي جروحاتي
وحطيت إيدك عالجرح
كلامك على راسي
;-) ;-) ;-) ;-)
اسمع نحنا هون علا وشك نصير من البشمرجا
;-) ;-)
علل
اشرح
فسر
اذا ممكن
و مافي مشكلة منصير
ayham-hemo
24/09/2006, 02:09
والله يا ليبوراد انا مافهمت شو بدو الاخ متلك تماما، بس باينتو كتير متأثر فيهم لهيك ما حبيت علق من البداية.
ayham-hemo
24/09/2006, 02:17
شو يا جماعة هي بس مشاركاتكم، كأنو الامر ما بيهمكم أو أنو كلامي صح، وبالحالتين هالشي مصيبة، معقول منتدى الاخوية هو بالواقع منتدى الشلل والتكتلات والفرق، أذا هالشي صحيح -وهادا الشي واضح من ردكم واهتمامكم ومتابعاتكم- فبخليني -بصراحة- عيد النظر وبشكل جذري اني فايت على منتدى اتشارك مع كل أعضاءها افكارنا وتجاربنا وآمالنا، ويخليني اقتنع اني فايت على منتدى لازم كون منتمي لأحد الشلل فيه، حتى يكون الي حظوة وقراء، وان الغالبية ناس مشاركين من منطلق التكتلات والاحزاب، مو من منطلق التشارك بفكر ثقافي منفتح بدون قيود أو تأطير، وهالشي اذا ثبت عندي، راح ينزل مستوى هالمنتدى من عيني درجات كتير كبيرة، فهي فرصة لتبرهنولي انو كلامي غلط وأنو في ناس اكبر من جرهم لشلة او مجموعة تقيدها وتخليها مجرد ايدين بتصفق لما بينطلب منها وبتوقف لما بتجيها الاوامر بالتوقف، هاتو لشوف ارجونا شطارتكم.
bratgirl1
24/09/2006, 02:47
اول شي و من بداية الرد بحب اشكر الاخ الحرك ايهم على هالموضوع يلي لفت نظر الجميع هون بالمنتدى و بحب قول انو هالموضوع كان بحاجة للطرح و لانو بيهم الكل
اكيد نحن لازم نرد على مشاركات الكل اذا مو مشان الشخص يلي طرح الموضوع لازم نرد مشان نجاح الموقع و المنتدى يلي بيهمنا نجاحو كلنا
و بالنهاية موقع اخوية موقعنا كلنا و منغار عليه و على نجاحو
مشكووووور هيمووووووووووووووووووو
بس شو من اول مشاركة مشاركة قوية براااااااافوووووووووووووو ووووو:clap: :clap: :clap: :clap: :clap:
ayham-hemo
24/09/2006, 03:19
اي شو هاااااااااااد برات شو هالحكم وهالدرر تتهني، نورتي الموضوع بمرورك وباركتيلي ياه كمان.
فعلا برات انو هالموضوع مهم كتير -مو بس لاني طرحتو هههههههههه- بس لانو بيهم الجميع هون وبخليهون يفتحو عيونهم ويتصرفو صح، وخاصة البعض اللي أنجر -يمكن من غير قصد أو أنتباه- لشلل معينة وحبس حالو جواتها، بس اللي أثر فيي هالمشاركة الضعيفة جدا لهيك موضوع، كنت متمني هدول فطاحل المنتدى -اللهم ماعدا ذا لايت اللي كان حضورو جميل ولافت- يمرو ويحكو شو عندهم، وقصدي بالفطاحل الاعضاء القدامى اللي الواحد فيهم مشارك بلاوي ومقضي لامصدي، واللي المفروض انهم واعيين وأصحاب تجربة، بس شوفة عينك الموضوع لحد هلا مافي مين فات وعكسلي هالفكرة السوداوية عن واقع الحال هون، حأفترض حسن النية مبدئيا وقول أنهم ما صحلهم، أو مشغولين أو أو أو، وحأستنى كمان شوي قبل ما أعطي رأي النهائي عن الموضوع وشو ممكن أتصرف مستقبلاً أذا ثبتت صحت هالواقع اللي حطيتو تحت المجهر، وخليتو مادة للنقاش هون، ودمتم.
الله حيوووووو الدعم اللوجستي
إنسان وبس
24/09/2006, 03:30
شو بدك تحكي لتحكي في نور وبجم عم تهجم على المنتدى وعم توسخ هون وهناك وما بيمشى الحال غير بالعصاية
bratgirl1
24/09/2006, 03:33
ميرسي هيموووووووووووو والله خجلتني:oops: و لبكتني وما عدت اعرف احكي :shock:
بس بدي منك ما تاخد فكرة غلط عن الاعضاء القدامى بالمنتدى لانو يمكن هنن ما حبوا يردوا على موضوعك لانهن ما حبوا انو هالموضوع ينثار كتير و ذلك حفاظا على هدوء المنتدى و خاصة الصالون
يعني يمكن لانو مرورهن بيخلي الموضوع يكبر و هنن ما حابين يصير مشاكل لانو متل ما قلت انت انو صاروا العالم يلي هون بشلل و مجموعات ويمكن من غير ما يقصدوا او ينتبهوا
المهم انا حبيت اكدلك انو الموضوع مهم و حلو و كان ضروري النقاش فيه ...
بعدين تعا لهون يعني مروري مو عاجبك؟؟؟؟؟ :jakoush: ( شو رأيك بالتواضع)
عم امزح طبعا
go ahead HEMOOOOOOOOOOOO
يللا هات شي موضوع تاني
الزميل ايهم
عدم المشاركة في موضوعك ماهو قصة تكبر او رفع اوتنزيل بس السبب هو الكم الهائل بالمواضيع وكثرة المشاركات بمعنى بلا ومعنى وهادا الشئ يلي عم يخلي الموضوع ينشلف بسرعة الريح للصفحات الاخيرة
اما بالنسبة لجوهر الموضوع فهو صار محطوط شئ مليون مرة بس مو بشكل موصوع كامل بشكل ردود متقطعة بس بتحمل نفس المعنى و لا تفهم الحكي انه قلك موضوعك قديم لا على العكس
اما بالنسبة لقصة العصابات فحدث وبلا حرج و على فكرة اكتر من تلتين الردود بس لزيادة عدد المشاركات والمواضيع نفس الشئ والحل هووجود اتر من مشرف لكل ساحة او انه المشرف يتمتع بصفة الاشراف العام و التدخل باي ساحة في حال غياب المشرف الاساسي
وبموضوعك نفسه في بعض الشاب مؤيدين لموضوعك وفكرته ةبغير موضوع ضد الفكرة وعاملين عليها مظاهرة فهذا ان دل يدل تا على الولدنة وهدم فهم معاني الحروف والمشاركة للكم لا للفائدة
وصدقني الموضوع هو بنفسه بمعناه وبافكاره بيكون كبير مونسبة لمشاركة عضو قديم او مشرف ....الخ
مثال بسيط انت فتحت موضوع وماعجك المحتوى فاكيد رح تطلع وبدون اي تعليق او رد ورح تدور على شي ينقرا ويكون مفيد وعلى فكرة في عندك عالم بتكتيب رد بدون ماتقرا اوتفهم شو مكتوب
وللموضوع بقية ولناعودة
ayham-hemo
24/09/2006, 20:03
بقايا أنسان بشكر صراحتك ووضوحك أنك منتمي لأحد العصابات اللي هون ، بس يا ريت كنت قلتلي شو هنن العصابات وعددها للأخذ بالعلم يعني، كمان شو هاالحجة تبعك يا زلمة، يعني أذا في كم حالة خاصة هون وهنيك وعمتحاول تضرب سمعة الموقع، هادا برأيك حل حتى ننتسب لأحد العصابات اللي هون مشان تحمينا وتأملنا الدعم والتغطية المطلوبة، سمعة جديدة هي والله!!!!!
كمان يا أخي -ولاتعتبر كلامي شخصي ضدك- أذا انت منتمي لأحد العصابات بتمنى مستقبلاً ما تساهم بأي مادة ألي وخلي وفاءك والتزامك لعصابتك، أنا بيهمني وبعتز برأي الناس المتحررين الواعين المثقفين، مو المؤطرين بمجموعات ضيقة الافق، ولو كانو قلة نادرة هون بالمنتدى، بس بيكفيني حضورهم، ولاتخاف ما كتير بيهمني رقم عدد المشاركات انو يكبر لأني بعرف تماما انو رقم وهمي -مجرد كذبة يعني-، وبس تصير حر رأيك وسيد قرارك أهلا وسهلا فيك على صفحاتي، ودمتم.
ayham-hemo
24/09/2006, 20:17
الله حيووووو برات أي شو هالرد هااااااد، والله شايف همتك زادت بعد ما لهلبوكي -يعني صرتي عنصر لهلوب- بشكر متابعتك للمادة، وخدي تلقي ردي عليه:
برات كلامك ضعيف بصراحة، يعني كأنو في مدينة عرفانة انو في عاصفة عالطريق، بس ما حبو يثيرو الرعب بين سكانها ويخبرو اهلها، شو ماحبو يثيرو هالأمر بالمنتدى مشان هدوء الصالون، لأ بدي ينثار لنعرف راسنا بين رجلينا، بدي أعرف من صحاب هالموقع شو هنن استراتيجتهم وشو أهدافهم من هالمشروع، هل هدفهم مشروع فكري وثقافي غني مشان يطورو هالبلد ويرفعو من سوية وفكر الشباب بالتالي هنن ضد فكرة التكتلات والشللية، ولا هنن بدهم تسود هالحالة لزيادة التفرقة والتفكك بمجتمعنا وجعل الشباب ذو أفق ضيق ومحدود ماهمو غير الشلة ومصلحة هالفئة، ضروري أعرف هالشي لانو مفصلي عندي، وبصراحة ما بيهمني -في حال ثبتت هالفكرة- أني كون أحد أعضاءها وشارك فيها وخليني أضوي لحالي بدون ما وجع قلبي أو أصطدم مع حدا، وخليني دور على منتدى يناسب أفكاري وتوجهاتي اللي بعتقد أنها واقعية ومنطقية.
وبالنسبة لمرورك برات بالعكس بتعرفي تماما أني بعتز بمرورك وبرأيك، وياريت نص اللي مرو هون بمتل جرأتك وصراحتك وشفافيتك بالطرح، وبالنسبة لطلبك بموضوع تاني، أنا ماراح شارك لأعرف شو هالوضع الحقيقي لها المنتدى، اللي أذا اقتنعت انو منتدى عصابات مو أخوية، يمكن اترك هالمنتدى بصراحة، ودور على موقع تاني، أما أذا لقيت شي بيعكس هالقناعة اللي عندي وقتها أنا جاهز لدعم هالمنتدى بكل شي عندي، ودمتم.
ayham-hemo
24/09/2006, 20:36
عزيزي بليد، كلامك كتير حلو ومباشر وبصراحة بردتلي ألبي ببعض كلامك وكتير أنبسطت بتشريفك موضوعي، وتعقيبا على ردك راح أحكي التالي:
بما أنا جوهر الموضوع مر شي مليون مرة فأنا شخصيا بفهم أنو صحاب هالمنتدى راضيين مبدئيا بوجود مواد ضعيفة وضحلة بمنتداهم، وهدفهم هو تكبير هالارث بأسرع وقت ولو كان هزيل وضعيف، ومافي تفسير تاني للقضية.
أما حديثك عن وجود هالعصابات وأني حدث وبدون حرج، فهالكلام بيخليني أنظر بعين الشفقة لها الطبقة من الشباب اللي تركو الكنز ليدورو على قشور وفتات، ورضيو انو يكونو صغار بالفكر والقدر، وبالنسبة لاقتراحك يعني هالشي لا بأيدي ولا بأيدك بأيد صحاب الموقع -إذا بهمهم طبعاً يصلحو هالواقع التعيس- ويعينو أكتر من مشرف ويضبطو عملهم بلقاءات اسبوعية حتى ينتظم عمل هالمجموعة وتنعرف صلاحياتها وردود أفعالها بشكل مدروس ومخطط ومنهجي.
وبالنسبة لهال المجموعة المتذبذبة بالافكار والمواقف، فهدول يا صديقي ما بيطولو والزمن بيعريهم أمام شلتهم وأمام الجميع فلا تاكل همهم منوب.
وأنا لما سألت وين مرور الفطاحل، مو لسجل أكبر مرور بموضوعي-هالأمر أخر اهتماماتي- بس لأفهم شو بدهم يحكو وشو قناعاتهم وخاصة أنو واحدهم يعني المفروض شارك بمواضيع وبردود وكل واحد منهم يعني قدوة لغيرو من الاعضاء الجدد، وهنن وش هالسحارة تبع المنتدى.
بشكرك بليد على بصمتك اللي تركتها بموضوعي، ومستغرب كيف صحاب الموقع ما خلوك مشرف هون لأنك شخص باين أنك ذو رأي وشخصية و ذو نظرة واسعة وعميقة بفهمك وتحليلك للأمور، الله يوفقك وينولك اللي ببالك مع تنبئي ألك بمستقبل ناجح أنشالله. ودمتم.
اخوية نت
بدعم من : في بولتـين الحقوق محفوظة ©2000 - 2008, جيلسوفت إنتربـرايس المحدودة