ليش الحذف ؟ [الأرشيـــــف]

Toma+

15/09/2006, 23:11

ممكن اعرف سبب حذف موضوع الي حطيتو بقسم اغاني وكلمات!!!
ما فهمت ليش !!!

sezar

16/09/2006, 19:59

عبارة عن شو كان الموضوع ؟؟

Toma+

16/09/2006, 21:37

عبارة عن اغنية
حذفو hashtnasht وبعتلي رسالة بس ماقلي سبب الحذف
مو مشكلة الله يرحمو

Hus

17/09/2006, 02:14

عبارة عن اغنية
حذفو hashtnasht وبعتلي رسالة بس ماقلي سبب الحذف
مو مشكلة الله يرحمو
شلون حزفو وبعتلك رسالة منغيرم ا يقلك عن شو ؟؟ اصدك يعني ما عرفت ليش انحزف ، لكن شو بعتلك رسالة كرمال ؟؟ انو يطمن عنك او شلو ؟؟

Toma+

17/09/2006, 02:27

عطاني رابط لقوانين المشاركة بالقسم
يمكن الموضوع مخالف ..
ما في مشكلة :D

hashtnasht

17/09/2006, 06:39

الموضوع انحذف لجملة أسباب :

السبب الأول هو عنوان الموضوع من حيث انو كان معنون ( إهداء خاص ) ..يعني حتى لمين كان الاهداء ما مبين

السبب التاني انو الموضوع كان بيتضمن رابط خارجي فقط ( فقط بقصد انو ما كان في اي شي تاني بالموضوع غير الرابط الخارجي ) و اللي هو بالحقيقة رابط لأغنية ميادة بسيليس ( يا غالي ) .

بالنتيجة حط حالك محل اي مواطن صالح شاف عنوان الموضوع ( اهداء خاص !!! ) ..و قرر انو يترك كل شغلو و يفضي حالو ويشوف الموضوع ...فتح الموضوع لقى انو في رابط ( صارت الشغلة مفجأت بماجأت ) ..المهم ..هالمواطن بقرر انو صار لازم يعرف شو عم يصير هون..و لنفرض انو خطو DIAL UP و راح كابس ع اللينك و استنى شي ربع ساعة لحتى حملت الغنية .... و بعدين طلعت غنية يا غالي لميادة بسيلس ..و اذ بالصدفة هالمواطن طلع ما بطيقا لميادة بسيليس ( هي شغلة نادرة بس بتصير ) .. و وقت سمع هالمواطن صوت ميادة نزل مسبات بالمنتدى و المشرف و كاتب الموضوع :lol:

بقى نحنا لحتى نتجنب كلياتنا انو ناكل شي مسبة بالغلط ... لازم نحط عنوان واضح للموضوع ... ( و بهيك حالة مثلا فينا نكتب ميادة بسيليس | يا غالي ) ..و هيك اللي بحب يفوت بفوت و اللي ما بحب ما بضيع وقتو و بدور ع شي تاني ... كمان منقدر نكتب كلمتين جوا الموضوع اذا حبينا ..و على فرض انو هالغنية هي اهداء خاص منك ... كنت بتقدر تكتب جوا الموضوع انو هالغنية هي اهداء خاص منك لاعضاء اخوية ( مثلاً يعني ) ... و الشغلة التالتة هي انو نضيف الغنية كمرفق بالموضوع ...لسبب بسيط ..انو هالغنية موجودة اليوم ..بس يمكن بعد شهر يتغير الرابط الخارجي و ما يعود شغال ..و هيك بعد شهر منرجع ناكل مسبات من العالم :pos:

بقى انا فضلت انو شيل الموضوع مع جنب ..... على أمل انك ترجع تنزلو بطريقة مريحة النا و المواطنين الكرام :D