مشكلة رفض الفتاة للشاب لضعف راتبه. [الأرشيـــــف]

nisrine

27/07/2006, 18:19

:jakoush: مع التغيرات الإقتصادية و الإجتماعية لمعظم الدول العربية و منها البطالة , إزدياد عدد السكان , تعقيد الدخول

للجامعات و إيجاد العمل المناسب للمتخرجين بالإضافة إلى قلة رواتبهم أدى ذلك إلى نشوء مشاكل و صعوبات

كبيرة لدى الشباب و أحد أهم تلك المشاكل التي قد يواجهها هو رفضهم من قبل العديد من الفتيات لقلة رواتبهم و

لو كانوا من أسر مقتدره . للأسف الشديد أصبحنا نعيش بعالم تتحكم المادة فيه و تتغلب على قرارات معظم أفراده .

قد تجد من يفكر بمنطقية و يقدر ظروف المعيشة الصعبة و يفكر بإيمان خالص بالله و بقناعة تامة بأن المال ليس

كل شيء بالحياة و إنما هو وسيلة للعيش بسهولة و راحة أكثر . و لكن ماذا لو قلة المادة أو صعب الحصول عليها هل

نحكم على أنفسنا بالإعدام و نعيش بتعاسة و نندب حظنا ليل نهار ؟ لابد أن نكيَف أنفسنا على ما قسمه الله لنا و

نرضى بالنصيب و نتعايش على قدر تلك القسمه .

كثيرا ما يعاني الشباب من مشكلة رفض الفتيات لهم فقط لأن رواتبهم لا تكفي بغض النظر عن حسن أخلاقهم و

طيب أصلهم . قد تبرر بعضهن بأن ظروف المعيشة صعبة و ليس عليهن أن يدفعن الثمن لتلك الظروف , و قد تفضل

الأخريات الإنتظار حتى تتوفر لهن فرص أفضل حتى يكبرن و تمضي عليهن أحلى سنين العمر و الشباب .

لذلك أطرح عليكم هذه المشكلة لا لأتقبل ردود بالشكر أو الإستحسان بل لنساهم معاً بحلها و لنتناقش بشكل

موضوعي بأمرها علَنا نصل إلى حل يمكننا من القضاء على تلك المشكلة.

برأيك من المسؤول عن تلك المشكلة ؟ و ممن يكون الرفض من الفتاة نفسها أم من والدها ؟

ما هو شعور الشاب عندما ترفضه الفتاة لقلة راتبه ؟

ماذا ينبغي أن يفعل حيال رفضه ؟

كيف يتعامل الشاب مع تلك المشكلة ؟ هل يرضخ لظروفه و يبحث طويلا عن من تقبل به و لو لم تعجبه ؟

أم يسعى جاهدا لتحسين أوضاعه المادية ؟

هل يتحتم على الشاب أن يعمل كثيرا و ينحت بالصخر ليحوز على من أستحوذت على قلبه أو حتى يحوز على من تتوفر فيها مطالبه أم يستسلم لواقعه و ظروفه و يكتفي بالأحلام ؟

ما نظرتك أنت للفتاة التي تشترط أن يكون راتب الشاب كبير ؟

ماهو دور الأب حيال مشكلة قلة رواتب الشباب ؟

هل يقبل بمن تتوفر فيه الأخلاق الحسنه و السمعه الطيبة و يتجاهل راتبه ؟

أم هل من واجبه أن يؤمن لإبنته رغد العيش مع شاب ذو راتب كبير ؟

أمل أن تناقشوا الموضوع بجدية و أن تساعدوا بأرائكم السديده بحل تلك المشكلة لما لها من وقع مرير على

نفوس الشباب .

أعتذر عن الإطالة عليكم

تمنياتي للجميع بالتوفيق

هلا

HOSAM4U

27/07/2006, 18:28

مشكووووووووووووووووورة كتير اخت نسرين على هالموضوع الحلو والمفيد جدا
انا أول الناس اللي وقعت بهيك مشكلة وخسرت البنت اللي بحبها لاني مابقدر أمن حالي لبعد فترة من الزمن يعني حتى ركز وضعي المادي مظبوط
وبعدين متل هيك مشاكل تنبع من اهل الفتاة اولا
وبعدين اذا طلع ابوها للفتاة احواله المادية منيحة وبدو يساعد هالشب مثلا بالزواج
اكيد مافي حدا بيرضى بهيك وضع
والسلام ..........................ز

المستحيل

27/07/2006, 18:33

ككل مين بيعمل اللي بده ياه بس كلو هيك بدو خليهم يضلو ببيت اهلها أحسن لها احسن ما تطلب وتتطلب لهيك بطل الواحد يتجوز مو احسن واريح للقلب والعقل
ليه شو بيجيي من وراهم غير وجع الراس :jakoush:

butterfly

27/07/2006, 19:14

برأيك من المسؤول عن تلك المشكلة ؟ و ممن يكون الرفض من الفتاة نفسها أم من والدها ؟

أكيد أنا بختار مين رح أتزوج ... بعدين ومهم جدا بالنسبة ألي أنو يكونوا اهلي موافقين ..

هل يتحتم على الشاب أن يعمل كثيرا و ينحت بالصخر ليحوز على من أستحوذت على قلبه أو حتى يحوز على من تتوفر فيها مطالبه أم يستسلم لواقعه و ظروفه و يكتفي بالأحلام
طبعا يتحتم ... أن يعملا ... إذا أمننا بشي أسمو شراكة بين تنين ... بيعملوا سوا ليوصلوا لشي مناسب أنو يرتبطوا ...

ما نظرتك أنت للفتاة التي تشترط أن يكون راتب الشاب كبير ؟
هية حرة ... المخلوقة طموحة وما بتحب تكافح .. :lol: :lol:

ماهو دور الأب حيال مشكلة قلة رواتب الشباب ؟
هل يقبل بمن تتوفر فيه الأخلاق الحسنه و السمعه الطيبة و يتجاهل راتبه ؟
أم هل من واجبه أن يؤمن لإبنته رغد العيش مع شاب ذو راتب كبير ؟

أنا ماني مع لا خيار من الخيارين
خلونا نكون منطقيين أنا مابقدر اخد شخص اخلاقو منيحة وما عندي استقرار مادي لعيلتي ومستقبلا لولادي .. لازم أبني عيلتي عالصخر مو على أرض مهزوزة .... بحبو .. منشتغل منأخر حلمنا شوي ... بس أكيد ما منرتبط وما عندنا أي مرتكز ...
أما أنو أتجوز واحد غني .... كشرط لازم للزواج ... كمان لأ ... المادة لاتكفي .. وجودها شرط لازم لكن غير كافي ...
أنا مع الشراكة شخصان يعملان معاً لأنجاح أسرة :sosweet: :oops: ... شخصان بيملكان الطموح والأرادة والحب :hart:

HOSAM4U

27/07/2006, 22:45

هلآ وين المشكلة اذا صار في تعاون بين البنت والشب على مصاريف الزواج ومصروف البيت
يعني اذا التنين عما يعيشوا مشان نفس الهدف وهو استقرار هالعلاقة وضمان مستقبل الاولاد

فيروزة

27/07/2006, 22:49

الفلوس مش مهمة كتير المهم الاخلاق
يعني الأخلاق بالمرتبة الأولى

المستحيل

27/07/2006, 22:50

هلآ وين المشكلة اذا صار في تعاون بين البنت والشب على مصاريف الزواج ومصروف البيت
يعني اذا التنين عما يعيشوا مشان نفس الهدف وهو استقرار هالعلاقة وضمان مستقبل الاولاد

شو عم تحكي انت عم تكفر شو هل الحكي روح ستغفر ربك ؟؟؟؟
معقول
يا معلم بهل الايام كل شي على الشب هو شغلتو متل الحمار يعمل كل شي وهية تجي على كل شي جاهز واذا ما معك شي لا ترروح ولا تقرب شو يعني ما معك وبدك تتزوج هي صفية من المستحيل

المستحيل

27/07/2006, 22:52

الفلوس مش مهمة كتير المهم الاخلاق
يعني الأخلاق بالمرتبة الأولى

انتي هيك عم تقولي بس :jakoush: :jakoush:

راديا

27/07/2006, 22:59

و الله لو بدو يسكنني بالغابة بروح بسكن معو بس انا وياه المهم الهنا و راحة البال و يحبني و حبو و بس ما يهمني المادة او ما شابه هيدا رايي
و اللي ما بدو يحط الايدي فوق الراس

صياد الطيور

27/07/2006, 22:59

هلآ وين المشكلة اذا صار في تعاون بين البنت والشب على مصاريف الزواج ومصروف البيت
يعني اذا التنين عما يعيشوا مشان نفس الهدف وهو استقرار هالعلاقة وضمان مستقبل الاولاد

شو عم تحكي انت عم تكفر شو هل الحكي روح ستغفر ربك ؟؟؟؟
معقول
يا معلم بهل الايام كل شي على الشب هو شغلتو متل الحمار يعمل كل شي وهية تجي على كل شي جاهز واذا ما معك شي لا ترروح ولا تقرب شو يعني ما معك وبدك تتزوج هي صفية من المستحيل

ليش مستغرب يا أبو جمال
عندك مثالي حي بغرفك وشايف حالة مشابهة تماما

fernanda bachchan kfoury

28/07/2006, 00:30

اي والله ما بقبل فيه لازم يكون عندو مصاري و عندو اخلاق ....لما نتجوز من وين بدو يصرف عليي من حبو لئلي ....من اي بنك بيصرفو هالشي لاء حبيباتي انا بدي واحد يحبني و عندو مصاري كتييييييييييييير

لانو في متل بيقول انو المصاري بتعمل طريق بالبحر

المستحيل

28/07/2006, 00:35

اي والله ما بقبل فيه لازم يكون عندو مصاري و عندو اخلاق ....لما نتجوز من وين بدو يصرف عليي من حبو لئلي ....من اي بنك بيصرفو هالشي لاء حبيباتي انا بدي واحد يحبني و عندو مصاري كتييييييييييييير

لانو في متل بيقول انو المصاري بتعمل طريق بالبحر

ايه نطري لكن الطمع ضر ما نفع
قال تجوزنا القرد على ماله .............. راح المال وضل القرد على حاله :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :yahoo: :clap: :clap: :clap: :clap: :clap: :clap: :clap: :clap: :clap: :clap: :clap: :clap:

HOSAM4U

28/07/2006, 07:04

الفلوس مش مهمة كتير المهم الاخلاق
يعني الأخلاق بالمرتبة الأولى
يعني اذا انتي رضيتي بهالشي اكيد اهلك مارح يوافقوا على هيك وضع لانوماحدا بيقدر هالشي
وكرمال الله لاتقليلي هلآ هادا رأيي وماحدا بيدخل بمستقبل حياتي هادا كلام فاضي وبيقولوا عنك انانية ..........
متل هيك مشكلة بتوقف على اهل الفتاة فقط

يمان Rooooonaldo

28/07/2006, 15:35

اول شي مشكورة كتير على هالموضوع الحلو جدا....
تاني شي اانا براي انو الاخلاق والمادة عنصرين اساسيييين بنجاح اي علاقة يعني اكيد ما حدا بيقلك انو انا اخلاقي حلوة والله بس ما عندي لابيت ولا شي وبدي زوجك بنتي
بس كمان ما حدا عندو مصاري الدني كلها.....واخلاقه منيحة لا يلعن المصاري اذا ما في اخلاق
بقا هي معادلة صعبة كتير الحل
بس كمان انا برايي انو الوضع كتير صاير صعب ولازم الجنس اللطيف يخفف شوي ضغط على الشباب مو منشان شي منشان ما يعنسو اخر الشي:clap:

يمان Rooooonaldo

28/07/2006, 15:36

:yahoo: :yahoo:
ايه نطري لكن الطمع ضر ما نفع
قال تجوزنا القرد على ماله .............. راح المال وضل القرد على حاله

:yahoo: :yahoo:

راديا

28/07/2006, 15:51

بعنس ليش لا ما في احلى من العنوسة
ليش مين قال انو رح نتجوز قرد؟
لا يروح المال و يبقى القرد

marioma alghzayala

28/07/2006, 15:53

برأيك من المسؤول عن تلك المشكلة ؟

البنت نفسا ...يعني حسب شو بتفكر هيي والشب كمان ..يعني مو معقولة يعلق بنت بحالو اذا ما عامل شي بحياتو لسا :shock:
و ممن يكون الرفض من الفتاة نفسها أم من والدها ؟
حسب التفاهم بيناتن ..يعني علاقة البنت وبيا ..:king: .
ما هو شعور الشاب عندما ترفضه الفتاة لقلة راتبه ؟
ما بقدر حط حالي محلو ....:cry:

ماذا ينبغي أن يفعل حيال رفضه ؟
لازم يامّن حالو هوي اني وي بعدين يفكر بالارتباط .. يعني مو معقولة شب مانو عامل شي بحياتو ..تقدر بنت تعيش معو حياتا ....:shock:
كيف يتعامل الشاب مع تلك المشكلة ؟ هل يرضخ لظروفه و يبحث طويلا عن من تقبل به و لو لم تعجبه ؟

أم يسعى جاهدا لتحسين أوضاعه المادية ؟
بظن لازم انو يسعى جاهدا لتحسين اوضاعو المادية... اذا البنت ما رضيت فيه ...

هل يتحتم على الشاب أن يعمل كثيرا و ينحت بالصخر ليحوز على من أستحوذت على قلبه أو حتى يحوز على من تتوفر فيها مطالبه أم يستسلم لواقعه و ظروفه و يكتفي بالأحلام ؟
انا بحب الشب اللي بيشتغل ..يعني اللي بيتعب مشان يامن مستقبلو لان ما في شي بيجي بالساهل .... بس كمان المادة مو كل شي :? ... يعني اذا البنت فكرت شوي بيقدروا مع بعض يشتغلوا ويعيشوا ...:?

ماهو دور الأب حيال مشكلة قلة رواتب الشباب ؟

هل يقبل بمن تتوفر فيه الأخلاق الحسنه و السمعه الطيبة و يتجاهل راتبه ؟

أم هل من واجبه أن يؤمن لإبنته رغد العيش مع شاب ذو راتب كبير ؟
اول شغلة لازم تتوفر بالشب هيي انو يحترم راي البنت ..بس بالنسبة لدور الاب ... اكيد كل اب بيتمنى لبنتو الافضل .. بس بالاخير الشغلة شغلة نصيب ...
وهاي اذا كان الاب معارض والبنت متيّسة ... ياويلي:yahoo: ... ما بتعود ترضى بالنصيحة ..بدا تعود تفطر حب وتتغدى حب وتتعشى حب ... وراحت عليك حبيبي راحت عليك ....:lol:

وشكرا لالك عالموضوع الحلو ....:D

fernanda bachchan kfoury

28/07/2006, 20:06

شو المستحيل شبو القرد اي يقبر قلبي و لا هاد ابنو النسناس تنيناتن يطلعو على قبري ان شالله ...ليش نحنا ما كنا قرود؟ متل ما قال مندل ...هيك درستا بالفلسفة

بعدين القرود حلوين و ناس ملاح شفت كينغ كونغ كيف ساعد الناس الو فايدة يعني ....و لا قرد اطبطب و ادلع ....و الليلا دوب تبع مصطفى قمر

يعني صاير ع الموضة

المستحيل

28/07/2006, 20:10

شو المستحيل شبو القرد اي يقبر قلبي و لا هاد ابنو النسناس تنيناتن يطلعو على قبري ان شالله ...ليش نحنا ما كنا قرود؟ متل ما قال مندل ...هيك درستا بالفلسفة

بعدين القرود حلوين و ناس ملاح شفت كينغ كونغ كيف ساعد الناس الو فايدة يعني ....و لا قرد اطبطب و ادلع ....و الليلا دوب تبع مصطفى قمر

يعني صاير ع الموضة

هيك قولتك :jakoush: :jakoush: :jakoush:

يمان Rooooonaldo

28/07/2006, 21:54

بعنس ليش لا ما في احلى من العنوسة
ليش مين قال انو رح نتجوز قرد؟
لا يروح المال و يبقى القرد

هههههههههههه خليكي على كلامك وبس تلاقي حالك صار عمرك فوق ال 30 شوفي مين لح يقبل ياخدك ساعتها:lol:

شو المستحيل شبو القرد اي يقبر قلبي و لا هاد ابنو النسناس تنيناتن يطلعو على قبري ان شالله ...ليش نحنا ما كنا قرود؟ متل ما قال مندل ...هيك درستا بالفلسفة

بعدين القرود حلوين و ناس ملاح شفت كينغ كونغ كيف ساعد الناس الو فايدة يعني ....و لا قرد اطبطب و ادلع ....و الليلا دوب تبع مصطفى قمر

يعني صاير ع الموضة

الله يخليلك ياه لكن ويقربك منو:yahoo:

راديا

28/07/2006, 22:15

رونالدو هيك الحكي بئى حبيبي ما فيها شي نشالله لهداك الوقت بكون رئيسة البلد عين المكان بعدين بزكرلكن اسمو
ما فيها شي بما انو في حدا يحبني و يخاف عليي ما رح عنس ايه روحي؟؟؟؟؟؟؟
سن التلاتين هوي اللي بيحلى فيه الزواج
و انا عندي ملامح ما بتسمحلي انو اكبر انا متل ما انا ما رح ياثر فيي شي بس اكبر
العنوسة احسن ما اخد واحد يهلكني و يعزبني طول الوقت مش هيك؟؟؟؟
شو المستحيل؟؟؟؟؟؟؟؟؟
مستحيل مو ؟؟؟؟؟

المستحيل

29/07/2006, 17:31

رونالدو هيك الحكي بئى حبيبي ما فيها شي نشالله لهداك الوقت بكون رئيسة البلد عين المكان بعدين بزكرلكن اسمو
ما فيها شي بما انو في حدا يحبني و يخاف عليي ما رح عنس ايه روحي؟؟؟؟؟؟؟
سن التلاتين هوي اللي بيحلى فيه الزواج
و انا عندي ملامح ما بتسمحلي انو اكبر انا متل ما انا ما رح ياثر فيي شي بس اكبر
العنوسة احسن ما اخد واحد يهلكني و يعزبني طول الوقت مش هيك؟؟؟؟
شو المستحيل؟؟؟؟؟؟؟؟؟
مستحيل مو ؟؟؟؟؟

مو مومو مو مو شو :? :? :? :? :?

يمان Rooooonaldo

29/07/2006, 17:38

رونالدو هيك الحكي بئى حبيبي ما فيها شي نشالله لهداك الوقت بكون رئيسة البلد عين المكان بعدين بزكرلكن اسمو
ما فيها شي بما انو في حدا يحبني و يخاف عليي ما رح عنس ايه روحي؟؟؟؟؟؟؟
سن التلاتين هوي اللي بيحلى فيه الزواج
و انا عندي ملامح ما بتسمحلي انو اكبر انا متل ما انا ما رح ياثر فيي شي بس اكبر
العنوسة احسن ما اخد واحد يهلكني و يعزبني طول الوقت مش هيك؟؟؟؟
شو المستحيل؟؟؟؟؟؟؟؟؟
مستحيل مو ؟؟؟؟؟

الله يستر شباب قذف ارض جو انبطحوووووووووووووووو:yahoo:

طيب وانا معك انت هيك رايك...انو انت مالح تكبري وحتى لو صرتي فوق التلاتين ولح تضلي صغيرة وحلوة....ما بيقولولك انو المرة بنص عقل لكن في حدا ما بيككبر باعالم ....:blow: :blow: :shurup:

يمان Rooooonaldo

29/07/2006, 17:39

وبعدين انا بتحداك انو ما في اي واحد....طبيعي ووضعو عادي...ومالو مضطر انو ياخد وحدة فوق التلاتين....:clap:

fernanda bachchan kfoury

30/07/2006, 22:20

اي لاء حبيبي انا خالي تجوز مرتو و هي بعمر 38 سنة و الحمد الله صار عندو ولدين
بنت و صبي يقبرو قلبي قديش حلوييييين و ولي على ضحكتن بتطير العقل جناااان
الله يسترهم تبارك الله عليهم
و هلق عايشين احلى عيشة هيدا اكبر دليل

fernanda bachchan kfoury

30/07/2006, 22:20

على فكرة خالي تجوزها و عمرو 40سنة يعني اكبر منها ب سنتين

زهرة العين

30/07/2006, 23:49

كل وحده وحسب مستواها المعيشي

يعني فيه بنات ماتبي الاالستر مهما كانت ظروفه صعبه

وتقول "ظل راجل ولا ظل حيطه " وفيه كثير من البنات كذا تفكيرهاا

وفيه بنات تعودت على نمط معين من الحياة المترفه وماتقدر تنزل الى مستوى أقل

ولو كذبت على حالها ووافقت معناتها انها تحكم على حياتها بالفشل

ودور الاب الحين تطور وأصبح فيه وعي كبير من الاباء في هذا الموضوع

ومافيه أب يوقف ضد سعادة بنته لكن ينصحها ويفهمها