ورده بغداد
28/05/2006, 01:05
شلونكم انشاءاللة تكونون بالف خير يا وجهو الخير
انا اليوم اخترت لكم كلمات واتمنة تعجبكم يا حلوين
عتب عراقي على الأنترنت
**********************************
أفتح الأيميل أجيكه باليوم الف مرة
أنتظر رساله منك، بيهه أخبارك الحلوة أو المرة
دزلنة نكتة أو سالوفة لا تقطع فرد مرة
أذا صمت عن دز الرسايل ترة الصايم يفطر بعد فترة
يا ناس أسمعوا، شيريد أدزله، آنه تحت أمره
فدوة سوي ريبلاي* مو ساف الكلب وخلص صبره
لا تقلي وقت ماكو، جملتين أكتب، هذا الآنه منتظره
دزلي رساله فارغة، ما يخالف، كل الكلام أختصره
ما أدري شقلك بعد، ما أقدر أحجي، تره لزمتني عبره
قمت أقره أي شي، حتى أيميلات الزبل* صرت أقره
شكتبلك بعد قلي، حتى القلم خلص حبره
بعدك تقره هال الأبيات، أشو عندك وقت تقره
دزلي لعد بابا لا تموتني بالحصره
أدور و أنتظر، سمعني أخبارك الحلوة أو المرة
جواب العتب
********************
أفتح التلفزيون باليوم الف مرة
انتظر ما أسمع خبر من اخبارنه المرة
شدزلك نكتة لو سالوفه لو اشلاء متطشرة
نريد نصوم عن الموت عن الذبح ما نجره
يهنيالك توه ساف قلبك توة خلص صبره
واحنه كل العمر سايف وكلمن حاير بأمره
أكو وقت وجمل حلوه والكهرباء متطورة
وكلشي قلي وكلشي احجي وما ظلت بعد عبره
واذا زبلكم ايميل احنه جثث وبنايات متدمره
لتموتك الحسرة والقلم من بوش املي حبره
كل شي يروح وكل شي يموت وينتهي امره
وتبقه عراقيتنه من شيكاغو تمر بزاخو وتوصل البصره:سوريا: :سوريا: :سوريا: :سوريا: :سوريا: ورده بغداد:سوريا: :سوريا: :سوريا: :سوريا:
انا اليوم اخترت لكم كلمات واتمنة تعجبكم يا حلوين
عتب عراقي على الأنترنت
**********************************
أفتح الأيميل أجيكه باليوم الف مرة
أنتظر رساله منك، بيهه أخبارك الحلوة أو المرة
دزلنة نكتة أو سالوفة لا تقطع فرد مرة
أذا صمت عن دز الرسايل ترة الصايم يفطر بعد فترة
يا ناس أسمعوا، شيريد أدزله، آنه تحت أمره
فدوة سوي ريبلاي* مو ساف الكلب وخلص صبره
لا تقلي وقت ماكو، جملتين أكتب، هذا الآنه منتظره
دزلي رساله فارغة، ما يخالف، كل الكلام أختصره
ما أدري شقلك بعد، ما أقدر أحجي، تره لزمتني عبره
قمت أقره أي شي، حتى أيميلات الزبل* صرت أقره
شكتبلك بعد قلي، حتى القلم خلص حبره
بعدك تقره هال الأبيات، أشو عندك وقت تقره
دزلي لعد بابا لا تموتني بالحصره
أدور و أنتظر، سمعني أخبارك الحلوة أو المرة
جواب العتب
********************
أفتح التلفزيون باليوم الف مرة
انتظر ما أسمع خبر من اخبارنه المرة
شدزلك نكتة لو سالوفه لو اشلاء متطشرة
نريد نصوم عن الموت عن الذبح ما نجره
يهنيالك توه ساف قلبك توة خلص صبره
واحنه كل العمر سايف وكلمن حاير بأمره
أكو وقت وجمل حلوه والكهرباء متطورة
وكلشي قلي وكلشي احجي وما ظلت بعد عبره
واذا زبلكم ايميل احنه جثث وبنايات متدمره
لتموتك الحسرة والقلم من بوش املي حبره
كل شي يروح وكل شي يموت وينتهي امره
وتبقه عراقيتنه من شيكاغو تمر بزاخو وتوصل البصره:سوريا: :سوريا: :سوريا: :سوريا: :سوريا: ورده بغداد:سوريا: :سوريا: :سوريا: :سوريا: