سؤال عن MD5

[Atramez_Zeton]

بالنسبة لموضوع الباسوردات ما بيصير تقدر توصل للباسوردات ..
اقصد لا انت ولا اي شخص اخر بيقدر يكشف الباسوردات
لان الباسوردات بتدخل على قاعدة البيانات بتشفير
MD5
وهذا تشفير باتجاه واحد .. اي تشفير وليس له فك للتشفير ..
بالتالي الباسوردات الي بقاعدة البيانات بتكون مسجلة بالصيغة التالي
لو الباسورد 1212312 مثلا بتكون الباسور شكلها ls945h09dfkj2357lfd0kf0sdf05
والصيغة الأخيرة هي الصيغة المشفرة وكما زكرت سابقا لا يوجد فك لذلك التشفير
هو نوع التشفير تشفير باتجاه واحد



طيب انا اقتبست الموضوع و فضلت حطون هون لانو دخل ضمن البرمجة و عندي كم استفسار
هلا الولحد حط الباسورد تبعو و تشفرت ... طيب شلون بيصير تطابق الباسورد ازا رجع و دخل ؟؟ بتششفر و يتم تطابق الباسوردين المشفرتين ؟؟؟
او تطابق الباسورد متل ما هية ؟
هاي كانت واحد... تنين كل مرة بتعطي بالباسورد بيجع بيعطيا تشفير جديد او التشفير بيبئا نفسو ؟؟
اصدي على فرض انا الباسورد تبعي هي 123 تشفرت على شكل d43fr5bhy
ازا في حال عطيتو ياها مرة تانية بيرجع و بيشفرا على الشكل d43fr5bhy او بتتغير ؟؟
تالتا على فرض انو التشفير ما بتغير يعني انو كل ما حطيت انا 123 بيعطي d43fr5bhy
طيب ازا انا حطيت 321 بعطي yhb5rf34d اي عكس d43fr5bhy ؟؟

يا ريت يتم الاجابة على هل كم سؤال ....

[Hus]

هلا
اي بالظبط الي بيصير متل ما قلت
التشفير MD5 هو تشفير باتجاه واحد .. اي هناك تشفير ولا يوجد لوغرتمية فك تشفير ولا يمكن ان توجد هذه الوغرتمية .. يعني العلم عاجذ عن صنع لوغرتمية لفك تشفير الإتجاه الواحد .. هي كما هي باتجاه واحد لها تشفير وليس لها فك تشفير (*هناك طرق لفك تشفيرها ممكن نتكلم عنها لو احببت)

بالنسبة لليلي بيحصل بالمواقع عامة وخاصة المنتديات التشفير كلو بيتم MD5 هو الاقوى والأكثر امانا
بتدخل الباسرو>>> بتتشفر وبتدخل بتتسجل بالداتا بيز مشفرة
هذا يحصل في المرة الأولى
بعدها كل دخول للموقع بيتم نفس الموضوع
بتدخل الباسور >>> بيتم تشفيرها ومقارنتها بالصورة المشفرة في الداتا بيز ..

ولهذا في حال فقدان كلمة المرور حين تطلب استعادتها لا يرسل لكل كلمة المرور لانه لا يمكنه ارسالها فهي موجودة بشكل مشفر ..وليس هناك فك لتشفيرها
انما يقوم باعطائك صلاحية اعادة تعيين كلمة المرورو
(ملاحظة اي موقع بيبعتلك الباسورد في حال فقدانها فهذا ثغرة نسبيا .. اي انه الباسوردات لا تحفظ مشفرة MD5 بالداتا بيز ..
ممكن عاد اي تشفير باتجاهين وفق اي لوغرتمية واي قوة معطات سواء بالمفتاح العام او غيره ...)

السوال التاني

تنين كل مرة بتعطي بالباسورد بيجع بيعطيا تشفير جديد او التشفير بيبئا نفسو ؟؟

لاء التشفير بيبقى نفسو .. لو كان بكل مرة حيعطيك باسورد مشفرة جديدة كان حيكون التشفير عديم القيمة ..
او بالأصح ما كان تشفير وقتها لان التشفير يقتضي لوغرتمية واضحة وصريحة والسير فيها بيادي لنتائج لو اعيدت الخطوات حتطلع نفس النتائج ..


تالتا على فرض انو التشفير ما بتغير يعني انو كل ما حطيت انا 123 بيعطي d43fr5bhy
طيب ازا انا حطيت 321 بعطي yhb5rf34d اي عكس d43fr5bhy ؟؟

لا ابدا
لو حطيت الباسرود
0 حيعطيك التشفير ليها 32 خانة ولنفرض 7bb9cd41d2ba914a1f6f3e4a22402550
ولو حطيت الباسورد mynameishusamabboudiamhere
رح بيشفرها واتكون النتيجة المشفرة ايضا 32 خانة ..
ولو حطيت 7bb9cd41d2ba914a1f6f3e4a22402550 كمان حتعطيك 32 خانة ..

وهيك

[hashtnasht]

ما بعرف بس أنا سمعت أنو اذا كان عندك الرينبو فينك تفك الهاشات ( ملاحظة :لا علاقة للهاشات بهاشت ناشت أبداً :P )

[Atramez_Zeton]

في موضوع تاني كمان تم ذكر فيه برنامج لفك باسورد من نوع MD5 بس غير البرنامج يللي انت حكيت عنو

[THE CONDOR]

موقع لفك تشفير md5
////////////// الروابط الي بيحطوها الأعضاء بيقدر فقط الأعضاء يشوفوها ، اذا مصرّ تشوف الرابط بك تسجل يعني تصير عضو بأخوية سوريا بالأول -///////////////