بدي بق البحصة اسف [الأرشيـــــف]

Willi

05/02/2006, 09:14

ليش يا ترى
ليش كل ما بيوقع (اغلب) الشبيحة المسلمين بمشكلة اول واحد بسبوه هوي المسيحي
حتى لو كان ما الو علاقة بالموضوع من اساسو
ليش اذا حدا اتعدى على مقدسات المسلم ببلش السب والتحشيك على مقدسات المسيحي
مع انو اذا مسلم بيتعدى على مقدسات المسيحية بقولو هاد ما بمثل الدين
ليش؟؟

ليش حتى لو كان الزلمة ملحد وحكا عن الدين الاسلامي ببلش المسلم يسب بالمسيحي (وهاد موضوع صار بالمنتدى مع العلم انو الكاتب قال انا ملحد ومو مسيحي مشان ما يبلشو بالمسيحية)
مع هالكلام المسيحي انحط ببوز المدفع وانسب

ليش مثلا واحد بيجي بيحكي وبسب عالفاتيكان لانو رمز للدولة المسيحية مع العلم انو الفاتيكان ندد بالكاريكاتيرات اللي انرسمت ضد الرسول وقال انو الحرية ما لازم تتعدى على معتقدات ومقدسات شخص تاني
بينما كتير من الدول المسلمة طنشت الموضوع ومنهون قالو انو نحنا مقتنعين بشغلة حرية الرأي

على انو اساس واحد مسلم بقول قاعد بحضننا وعم ينتف بدقنا لمسيحي على انو اساس واحد مسلم بشكك بوطنية المسيحي مع العلم انو المسيحي كان الو دور كبير بتحرير سوريا من الفرنسيين
مع انو المسيحي بقول نحن سوريون قبل ان نكون مسيحييون بينما المسلم بقول نحن مسلمون قبل ان نكون سورييون
ليش او على انو اساس واحد مسلم بيجي بقول للمسيحي بدي قلعك من بلدي (سوريا)
على انو اساس بقول واحد مسلم انو رح يجي يوم نطردكون من سوريا مع العلم انو سوريا كانت مسيحية قبل ما يكون الاسلام موجود

وين الوفاق الوطني؟؟
يعني صرت سمعان هالحكي اللي انكتب فوق اكتر من 5000 مرة
وكل مرة من واحد مختلف
على انو اساس سوريا فيها وفاق وطني وتفاهم ديني
يعني الواحد ما بيفتح تمو
بقوم ببلش التاني تلطيش حكي ومسبات عالمسيحية

يعني يا ترى هاي هيي نظرة الاسلام ككل؟؟
ولا هاد كلام عدد قليل من الناس

يعني المسيحي بسوريا زاعجكون كتير؟ ليش؟
كل هالقد في حقد على المسيحية حتى عند اول كلمة ببلش المسبات اللي ما الها نهاي على المسيحية؟

انا بعرف شو رح تجي ردود وانا اسف من الموضوع
بس انا بالفعل عصبت وانزعجت من اللي صار معي وحبيت بق البحصة وارتاح

انشالله ما يصير علقة بين الاسلام والمسيحية بهالموضوع لاني ما جرحت ولا حكيت ولا كلمة غلط على الاسلام حكيت اللي صار معي وبس
بس حابب اعرف شو وجهة نظر السوري من هالكلام
ويا ترى هوي بوافقو ولا لاء؟؟

وبقول لبعض العالم اللي بيعرفو حالهون
اذا ما بدكون تردو متل العالم والناس لا تردو بالخالص
ويفضل انو ما تردو

Willi

05/02/2006, 09:27

حابب اعرف يا ترى هيك رفقاتي بفكرو فيني لاني مسيحي
يعني بيتظاهرو انو هني بيحترموني كمسيحي وبحبوني
بينما هني بالحقيقة بسبوني وبيلعنوني وبدهون يقلعوني برات بلدي لاني مسيحي
طبعا مع العلم انو معظم اللي بيحكو هالحكي عندهون رفقات مسيحيين
يعني قدامهون بيتظاهرو بالحب وبغيابهون بسبو عليهون

يا ترى هيك رفقاتي الاسلام بغير مواقع عم يعملو؟

yamen_h

05/02/2006, 12:03

مع انو المسيحي بقول نحن سوريون قبل ان نكون مسيحييون بينما المسلم بقول نحن مسلمون قبل ان نكون سورييون

هاي مزبوطة ...بس منضل اخوة وكلنا سوريين ...

مو احسن من انو يجي كلب سعودي ابو عقال وشحاطة متل وجهو يتمضرط على طي** ...

ياجاد هالموضوع رح يعمل كتيييييييير مشاكل ...

ونحنا لازم نكون ايد وحدة هلق ..مشان نخلص من هالكم حشرة خليجية ...عم توسخ المنتدى ..
ومابدنا نتقاتل بين بعضنا اوكي ؟؟

وسوريا الله حاميها ....:سوريا:

لاوديسا

05/02/2006, 12:44

الموضوع ما لازم يعمل مشاكل لو فكر الواحد بعقلو
بصراحة راح احكي انا عربية مسلمة سورية وراح وضحلك شغلة يا وللي انو دين الاسلام مو هيك بتمنى تاخد حكيي بعين الاعتبار وجد ولا تقول انا بنت
للاسف الشي اللي عم يصير انو المسلم مو فهمان دينو ومتكمش بس بالقشور لانو لو تعمق بالدين راح يشوف انو نحنا اخوة و المسيح عليه السلام مذكور عنا بالقرآن والو مكانة كبيرة لانو رسالتو كبيرة هي التسامح وانا كمسلمة ايماني فيه مطلق وبعدين الله محبة وفي قول للمسيح عليه السلام - من صفعك على خدك الايمن فادر له الايسر - يعني قديشو عظيم و متسامح
والنبي الكريم محمد عليه الصلاة و السلام باحاديثوا كمان بيدفعنا للمحبة و التسامح بس للاسف متل ما قلتلك انو عم يتكمشو بقشور الدين مو بتعاليم الرسول وسنته النبوية
بعدين - لافرق الا بالتقوى -
على فكرة وللي انت شوي متحامل علينا ما بعرف اذا بقدر قلك معك حق بس صدقني هدول اقلية
ونحنا كمسلمين منحترم دينكن و مقدساتكن تماما وبقلك انو اعز رفيقة تركتا ببلدي هيي مسيحية وانا وياها من صف الاول على مقعد دراسي واحد
اسفة يمكن طولت بس موضوع كتير بينحكا فيه
تحياتي

zen

05/02/2006, 12:59

كيفك جادو
اول شي الحق بأيدك تكتب هيك
بس انا بشوف الي عم يسب ويلعن مو هني السوريين اغلبون الخليجين
الي عم يفوتوا على اخوية
واذا انوجد سوريين بيكونوا قلال كتير
هلق مبارح الي صار لما حرق السفارت الله يكسر ايديون
كان حد السفارات في كنيسة وماحدا ضرب عليها حجر
بالعكس صار يهتفوا بأسم المسيح وكل الانبياء
ضبعا انا ماعم قللك هيك لتفكر انو انا معون بالي ساوا انا بعتبر الي صار مبارح همجية
منرجع لموضوعنا
بظن ما فيك تفكر انو المسلم بوشك شكل وبوراك شكل لانو رفيقك مانو مضطر يعاملك بوشين
انا بظن انو عنجد بسوريا في تفاهم بين المسلم والمسيحي وحب اكتر من اي بلد تاني ان كان عربي او غربي
ونحنا كلنا واحد مسيحين ومسلمين وكل الطوايف والمعتقدات
نحنا سوريين
سوريين
:سوريا: :سوريا: :سوريا: :سوريا: :سوريا:

باشق مجروح

05/02/2006, 13:54

أنا ردي بالنسبة للموضوع حبيبي
كلنا أولاد شعب واحد وبلد واحد وصدق اني بحياتي ما سبيت رمز مسيحي او مقدس وأنا من الناس اللي زعلو على وفاة بابا الفاتيكان الأول
وبحياتي ما شاركت بقسم حوار الأديان
بحب قلك اننا شعب واحد ولسة ما خلق اللي بدو يطلع سوري مهما كانت ديانتو برا سوريا
نحنا قلب واحد بجسد واحد وما في بيننا فرق
واللهم صلي على الأنبياء
واحفظ سوربا وشعبها من كل شر وألف بين قلوبنا بالمحبة والعدل والسلام
لأن الله من أسمائه السلام.........
حبيب قلبي لا تتحسس من شي نحنا ايد وحدة:hart: :hart: :hart: :hart:

السورية المشتاقة

05/02/2006, 14:15

شكرا يا ويلي عالموضوع ...وبتمنى ازا اي شي حابب تحكيلنا ياه تقوله لاننا اخوة ومنحبك كتير :سوريا:

يا ويلي انا اللي عم شوفه من بعض المسلمين سواء باخوية او خارجها عم يدمي قلبي من الحزن
لانهن بيعتقدوا انه الاسلام هيك يبيقوللهن للاسف ....وهنه بتصرفاتهن عم ياذوا المسلمين قبل الديانات الاخرى ...

وبحب قلك انه بتعاليم الاسلام في مكانه وعزه للمسيحي بشكل خاص غير عن كل الديانات
وماني حابة اذكر ادلة لحتى ما يتحول الموضوع لنقاش ديني ...

صدقني انا متضايقة من الوضع اكتر منك ...
انا ما تربيت على كلمة هاد مسلم وهاد مسيحي وهاد يهودي ...انا تربيت على اني عامل الانسان بفكره وتربيته واخلاقه لكني تفاجات لما فتت عاخوية ولقيت هالانقسام بين الطوائف :cry:

هدول جماعات تشوه الاسلام مو اكتر مارح قول الا الله يهديهن ...

وبرجع باكدلك انك انت يا ويلي او اي واحد مسيحي او مسيحية داخل الاخوية او خارجها
اخوة لالي وبحبكن كتير لانكن سوريين :hart:

مو بس السوريين الناس كلهن :hart:

بتمنى تكون فهمت قصدي :سوريا: :سوريا:

MR.SAMO

05/02/2006, 14:18

الله محيي صبايا وشباب سوريا

yamen_h

05/02/2006, 15:02

هلق انا كتبت اول تعليق ...من قبل ما شوف الموضوع اللي كان قاصدو جاد ...
ومن بعد ما قريتو ...اتضحلي انو جاد معو حق يحكي ...
بس هالوسخة اللي كان عم يحكي عنو جاد ...مابشرفنا انو يتسمى سوري ...

لأنو سوريا وشعبها اعلى من هيك حثالة ...
وما رح وسخ بالحكي اكتر ...

وسوريا الله حاميها ...:سوريا:

hammoooza

05/02/2006, 15:12

أووف شو بدنا نحكي تنحكي
القصة انو انا ما لبناني مسلم وما بعرف شو عم يصير عندكن بسوريا
بس بعتقد انو نفس الشي عم يصير عنا هون

يعني من كم ساعة اذا عرفتوا صار عنا متل ما صار عندكن عشرات الالاف من المتظاهرون
احرقوا القنصلية الدانمركية ومش بس هيك حتى انهم حطموا مئات السيارات واستولوا على سيارات الاطفاء والشرطة ومنعوهم من اطفاء الحريق

صراحة انا كتير معصب هلأ متلك يا willi عشان هيك بدي بق البحصة كمان:

يعني بعد ساعتين من الهمجية المتواصلة من الوف المتظاهرين اللبنانيين وبركز على "الألوف"

بيطلع رئيس وزرائنا فؤاد السنيورة وبقول يللي عملوا الشغب هني "أعضاء مدسوسة" :lol:

عنجد شي مضحك مبكي . يعني بدوا يقنعني انو كل هالألوف هني مدسوسين وبدهن يعملوا فتنة:shock: بدوا يقنعني انوا الألوف يللي اعتدوا على كنيسة مار مارون وعلى الممتلكات الموجودة بهيديك المطرح كانوا مش مسلمين وانو دول خارجية دستهم والله شو مفكرنا هبل

لأ والأنكى انو بعد شوي بتطلع نائبتنا "المحترمة" صولانج الجميل وسمعوا شو بتقول:

بتقول ومتل ما جرت العادة عند نواب "الحقيقة" هون بلبنان انو هل الأعضاء يللي عملوا الشغب هني اعضاء مدسوسين من قبل النظام السوري :shock: :shock:

يعني انا والله كنت رح اوم من محللي وصرخ انو شو هالمسخرة

يا اخي انا مسلم ويللي شفتو ما بقدر قول انو القصة بس قصة اعضاء مدسوسة

يللي صار هون او بسوريا من تعرض المسيحيين للسب والأعتداء من قبل المسلمين اقل شي ممكن ينقال عنو انو تصرف همجي بربري مغفل دموي ارهابي من ناس متعصبين مسلمين
اي مسلمين ليش تنقول انهم مدسوسين

انا بالأخير بقلكن طولت عليكن بس انا كمان معصب
بس بحب اشكر قيادة حزب الله وحركة امل يللي ما كانوا من المشاركين بهالمظاهرة
ويللي ما دعوا الها لحكمتهم ودرايتهم ويمكن هني عارفين انو متل هيك اشياء رح تصير
يعني بكل المظاهرات يللي نظمها الحزب والحركة ما صار اي تجريح لأي دين او مذهب

وأنا بحمل منظمي هالتظاهرة المسؤلية وبمقدمتهم الجماعة الأسلامية يعني لما انتوا ما قادرين تضبطوا المتظاهرين ليش تتنظموا المظاهرة من اساسها
كمان بحمل الأمن المسؤولية يعني الكل شاف كيف الأمن ضربنا وكسرنا تكسير لما اتظاهرنا ضد الوصاية الأميركية وكنا اقل من 300 واحد
واليوم الأمن ما رمى الا كم قنبلة مسيلة للدموع
هلأ هال 300 واحد يللي رافضين الوصاية الأميركية كانوا عم يهددوا السلم الأهلي
وعشرات الألوف اليوم يللي اعتدوا عالكنيسة وكسروا واحرقوا وخربوا ما كانو عم يهددوا السلم الأهلي:shock: :shock:

وفي الختام رحمة الله على بلد تحكمه عصابة من القتلة والسارقين ودمى تحركها اميركا واسرائيل

:jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush: :jakoush:

silin

05/02/2006, 15:28

معك حق ويلي بكل كلمة قلتا

لانو بهلايام صارت الناس عم تفرق بين الاديان اكتر من الماضي وهيدا تخلف برأي

بالعكس انا مسلمة صحيح بس بحب الدين المسيحي كتير لانو بيعجبني اخلاقن

طبعا مش الكل يعني مش كل اصابيعنا نفس الشي وهيدا الكلام كمان للمسلمين

يعني في يلي بفكر بعقلو وبكل احترام للاخر وفي يلي ما سال الا عن نفسو وبايعا متل ما بقولوا

وانا نقهرت كتير لما شفت اغلبية اعضاء منتدى اخوية بفرقوا بين الاديان

بالعكس نحنا لازم نحكي الانسان التاني بكل وعي واحترام لانوم يلي ما بيحترم غيرو مستحيل حدا يحترمو وكل انسان بيعمل حسب التربية والبيئة يلي عاش فيها

وانا الحمد الله ما عندي هلفرقات بين الاديان لانو كلنا ابناء ( ادم عليه السلام )

وبالنهاية شكرا ويلي على الموضوع ووقت ما بدك تفش خلقك نحنا جاهزين لانو كلنا اخوة هون:سوريا: :سوريا: :سوريا:

Willi

05/02/2006, 20:11

اول الشي انا بتشكركون كلكون لان ما اخدتو الموضوع بحساسية
واذا بضل الموضوع هيك انا رح حط لينكو بكل موضوع بصير فيه مشكلة طائفية
حبيت وضح اني انا ما كتبت الموضوع وبقلبي حقد على الاسلام او المسلمين
بس اللي صار زعجني كتير وحبيت اسمع كلامكون لان كنت عرفان انها رح تكون هيك

هاي مزبوطة ...بس منضل اخوة وكلنا سوريين ...
وانا هاد اللي زعجني
يعني واحد بيجي بقلي انتو اقلية وبدنا انقلعكون برات سوريا
حتى لو كان هالشي ما رح يصير مجرد التفكير فيه ما بيرضي حدا

ونحنا لازم نكون ايد وحدة هلق ..مشان نخلص من هالكم حشرة خليجية ...عم توسخ المنتدى ..
ومابدنا نتقاتل بين بعضنا اوكي ؟؟
معلم لو اللي حكاها خليجي انا ما كنت كتبت الموضوع
بس اللي حكاها سوري

Willi

05/02/2006, 20:16

والنبي الكريم محمد عليه الصلاة و السلام باحاديثوا كمان بيدفعنا للمحبة و التسامح بس للاسف متل ما قلتلك انو عم يتكمشو بقشور الدين مو بتعاليم الرسول وسنته النبوية
بعدين - لافرق الا بالتقوى -
وانا هاد اللي بعرفو
بس لما عند اول كلمة بيطلع واحد وببلش يسب على المسيحية وعلى الصليب وبقلي نحنا السوريين المسلمين رح انقلعكون برات سوريا
هاد خلاني فكر شوي يا ترى شغلة التفاهم وهالحكي هاد ,هل هيي مجرد كذبة ؟
يعني بس مجاملة وضحك على العقول؟؟؟

على فكرة وللي انت شوي متحامل علينا ما بعرف اذا بقدر قلك معك حق بس صدقني هدول اقلية
ونحنا كمسلمين منحترم دينكن و مقدساتكن تماما وبقلك انو اعز رفيقة تركتا ببلدي هيي مسيحية وانا وياها من صف الاول على مقعد دراسي واحد

انا مو متحامل على حدا في موضوع بالمنتدى بتوقع اغلب الاعضاء شافوه
ماني رح قول اسمو
الموضوع عصبني كتير وحبيت فش خلقي بالحكي

بتشكرك على كلامك المزوق كتير
وهاد كان املي بالردود

Willi

05/02/2006, 20:21

بظن ما فيك تفكر انو المسلم بوشك شكل وبوراك شكل لانو رفيقك مانو مضطر يعاملك بوشين
انا بظن انو عنجد بسوريا في تفاهم بين المسلم والمسيحي وحب اكتر من اي بلد تاني ان كان عربي او غربي
معلم انا اللي خلاني قول هيك
لان كل واحد بيجي بقلي انا عندي رفقات مسيحيين كتير
طيب على انو اساس هني رفقاتك وانت عم تقول بدنا نقلعكون برات سوريا وقاعد عم تلعنهون وعم تسب مقدساتهون

ونحنا كلنا واحد مسيحين ومسلمين وكل الطوايف والمعتقدات
نحنا سوريين
سوريين

هاد اللي حابب نطلع من الموضوع متفقين عليه

على راسي حبيب

Willi

05/02/2006, 20:27

هلق انا مابدي اقعد رد على كل رد بردو

بس بشكر كل اللي شاركو بالموضوع
كتبت الموضوع وكان املي تكون هيك الردود مشان اللي حكى يقراه ويشوف انو بتفكيرو هوي الاقلية
شكرا لان ما حدا اخد الموضوع بحساسية

toocoolfriend

05/02/2006, 23:41

Barleb

06/02/2006, 01:37

مع أني ما قاري ولا رد ,
بس الله محيّ بطن اللي حمل سماحة السيد حسن نصر الله ,

Willi

06/02/2006, 03:33

بس لحتى وضحلك انو هالشي ما خصو بالأديان وانو كلنا بالهوا سوا (ومش ردا عليك أبدا) بدي اسأل:

ليش مين ما عمل جريمة بأي مكان من العالم ما حدا بيسأل شو دينو الا اذا كان مسلم
ليش كل الديانات بالعالم بتمارس شعائرها (حتى الشيطانية منها) بينما المسلمات تحرم من ارتداء الحجاب
ليش أي شخص بالعالم من حقو يعبر عن رأيو من باب حرية الرأي والتعبير الا المسلمين وأكبر دليل تلفزيون المنار الممنوع بثه في كل أوروبا

معلم انا ما بهمني حال المسيحيين والمسلمين باوروبا ولا حال المسيحيين والمسلمين بالسعودية ولا حال المسيحيين والمسلمين بجنوب افريقيا ولا حال المسيحيين والمسلمين بشرق اسيا ولا حالهون باميركا
انا بهمني حالهون ببلدي
يعني انا اذا اجا واحد سعودي وسب عالمسيحية وحكا اللي انحكا
ما بواخذو ولا بهمني
بس لما بيجي واحد من بلدي وبيحكي هالحكي ساعتها انا بوقف عند كلامو

fady juventus

06/02/2006, 13:07

أنا معك بكل كلمة
و خصوصا هي:ليش مثلا واحد بيجي بيحكي وبسب عالفاتيكان لانو رمز للدولة المسيحية مع العلم انو الفاتيكان ندد بالكاريكاتيرات اللي انرسمت ضد الرسول وقال انو الحرية ما لازم تتعدى على معتقدات ومقدسات شخص تاني
وموقف الفاتيكان هاد بيعري الحشرات المتطرفة .

عنا بسورية في إندماج وتفاهم بين الديانتين وصل لمراحل مقبولة،بس لما بيصطدمو ما بيوصلوا لمرحلة اللي صار بلبنان من حرب وغيرو وغيراتو.

أنا كتير بحب المسلمين المتنورين البعاد عن التطرف لدرجة إنن من أعز أصدقائي وفي فئة منن أرقى من المسيحيين بمراحل كبيرة(خلونا نعترف بالواقع).
ومن جهتي ما عندي بلوك عالمسلم إلا لما يكون تفكيره مناقض لتفكيري، أما والله إني إتحاشاه لكونه مسلم؟؟وقتها بكون أنا عنصري ومتطرف وشكل تاني من عصابة بن لادن.

أنا عندي اختلاط كبير كتيييير باخواننا الإسلام،وبصراحة في تنوع كتير عندن بالنظرة للمسيحي.
يا سيدي في عندك ناس بتتقرب منك لأنها بتحبك كمسيحي وبتعتبر إنك فهمان سلفا!!!(طبعا هي نظرة مبالغ فيها لأنو عنا ناس اللهم عافينا) .
وفي مسلمين بيختلطو معك لأنن بيجهلوا دينك وبيحبوا يستفسروا عنه(يعني فضول ديني أو خلونا نقول ثقافة مو أكتر) وهدول ما بيهمن كتير الوصول لصداقة معك بعكس اللي قبلو.
وفي مسلمين بيتقربو منك ليتأكدو من معلومات سخيفة عن المسيحي (صحيح ما بتصوموا؟ صحيح بتقولوا المسيح ابن الله؟...)سمعانينها من بيئتهن وغالبا هدول بيكونو واثقين من صحة معلوماتن وكرهانينك سلف وبيخبو وما بدهن صداقتك أبدا.
وفي ناس بتكره المسيحي ةبترفضو رفض كامل وهاي الفئة هيي الخطيرة لأنها متطرفة ومتعفنة ومنبوذة حتى من المسلمين أنفسهم...و يا أبو الجود الحلو بسوريا إنو هاي الفئة تشكل أقلية بالنسبة للبقية(وجهت الحكي إلك لأنو ما حدا رح يقرا هالجريدة اللي نتعتها غيرك:lol: )

بالنهاية تحية لكل سوري بيحب بلده بكل أطيافها:سوريا:

Gazita

06/02/2006, 14:51

b2illak lish ya willi .liannou an jad binhibkoun ktir w mabinhib ykoun sira2 hassil binna wbinkoun.w an jad liannou madakhalna bilyahoudyiin .allah la yjib khissam binna wbinkoun:سوريا:

YaSeR

06/02/2006, 22:18

يمكن انا اتاخرت حتى شفت الموضوع بس حسيت انو لازم رد لانو جد هاد موضوع كتيير مهم لانو لازم نعرف شو وجهه نظر الناس

هلا اول شي انا مسلم
بس انا بحياتي ما سئلت حدا لا عن دينو ولا عن مذهبو وبلاقي هي الشغله كتيير حلوه بسوريا على عكس اغلب البلاد يلي فيها اكتر من دين بتلاقي الطائفيه دابحتوون
واكييد يلي محاكييك هيك وقايلك هالحكي هو مانو سوري ومو عايش بسوريا واصلا حرام تسميه سوري

وعلى فكرا انا بحب المسيحيه كتيير لانو بلاقيهون عالم محترميين كتيير وعندون حب لوطنوون كتيير وفوق كل هالشي بحبو المسلمين اكتر من المسلمين ما بحبو بعضون

toocoolfriend

06/02/2006, 22:32

معلم انا ما بهمني حال المسيحيين والمسلمين باوروبا ولا حال المسيحيين والمسلمين بالسعودية ولا حال المسيحيين والمسلمين بجنوب افريقيا ولا حال المسيحيين والمسلمين بشرق اسيا ولا حالهون باميركا
انا بهمني حالهون ببلدي
يعني انا اذا اجا واحد سعودي وسب عالمسيحية وحكا اللي انحكا
ما بواخذو ولا بهمني
بس لما بيجي واحد من بلدي وبيحكي هالحكي ساعتها انا بوقف عند كلامو
اذا هيك انا ما خصني ولاد بلد اصطفلو مع بعض

whiterose

06/02/2006, 22:47

أنا كمسلمة بنادي وبحمل كل مسلم
السبب في النظرة السيئة التي يحملها الغرب و العرب المسيحيين عن ديننا
الكبير المتسامح
أنا يا جاد مابدي قلك كلامك مو صح رح أجي معك وقلك كمان أنو العكس صحيح
أنا قررت لكل أخواني المسيحيين أني أنشر شو هي الرسالة الأسلامية
وشو يعني أسلام
وأحكيلكم عن رسولنا العظيم محمد صلى الله عليه وسلم
ورجيكم بأنو الأسلام يلي عم تحكوا عنو مو أسلام
هدول أسلام بالأسم فقط
وأنا رح أكتب الموضوع بحوار الأديان
تجنباً لكريمبو لأنو ها الأيام مدري شو صايرلو
بس أمهلوني أسبوع لكون جمعت من مصارد موثوقة
وكتبتن ورح ورجي كل مسيحي شو يعمي أسلام ولازم يعرف كل مسيحي أنو أذا مسلم أساء له فهو معاقب عند الله وله سيئة تحط من اعماله درجه
ترقبوا موضوعي
أنشاء الله

ري مي

06/02/2006, 23:12

[quote=whiterose]أنا كمسلمة بنادي وبحمل كل مسلم
السبب في النظرة السيئة التي يحملها الغرب و العرب المسيحيين عن ديننا
الكبير المتسامح
أنا يا جاد مابدي قلك كلامك مو صح رح أجي معك وقلك كمان أنو العكس صحيح
أنا قررت لكل أخواني المسيحيين أني أنشر شو هي الرسالة الأسلامية
وشو يعني أسلام
وأحكيلكم عن رسولنا العظيم محمد صلى الله عليه وسلم
ورجيكم بأنو الأسلام يلي عم تحكوا عنو مو أسلام
هدول أسلام بالأسم فقط
وأنا رح أكتب الموضوع بحوار الأديان
تجنباً لكريمبو لأنو ها الأيام مدري شو صايرلو
بس أمهلوني أسبوع لكون جمعت من مصارد موثوقة
وكتبتن ورح ورجي كل مسيحي شو يعمي أسلام ولازم يعرف كل مسيحي أنو أذا مسلم أساء له فهو معاقب عند الله وله سيئة تحط من اعماله درجه
ترقبوا موضوعي
أنشاء الله[/quote

شكرا سلفا whiterose:سوريا:
وبتمنى يكون موضوعك واضح لحتى ما نوقع بمشاكل طائفية
لأنو بالنسبة إلي الطائفية هي أبشع مشكلة صادفتني

whiterose

06/02/2006, 23:35

شكرا سلفا whiterose:سوريا:
وبتمنى يكون موضوعك واضح لحتى ما نوقع بمشاكل طائفية
لأنو بالنسبة إلي الطائفية هي أبشع مشكلة صادفتني

موانا اللي بكتب شي طايفي
وانا لما قررت اكتب هيك قررت من مبدأ الغاء النظرة السيئة للمسيحيين عن الأسلام

Willi

07/02/2006, 01:02

هلق مشكورين كل اللي ردو عالموضوع
متل ما قلت انا كتبت الموضوع فشت خلق
وكنت عرفان انو رح تجي الردود هيك

اما وايت روز (هاي الها رد خاص)
دائما لازم يكون الها رد خاص

لك بس بدي افهم
ليش كل الاعضاء فهمو قصدي الا انت ؟؟؟ :jakoush:
يعني انا ما حكيت عن الاسلام
ولا جبت سيرة الاسلام بكلمة وحدة
وقلت هالحكي باخر موضوعي
بس عبس مافي خواص لازم يطلع حدا ويقلي انو عندك نظرة سيئة عن الاسلام ومن هالحكي

واضح تماما بالنص اني قلت
ليش بيجي واحدمسلم
ما قلت ليش بيجي الاسلام

ومشان شغلة انو والعكس صحيح
مو بسوريا وايت روز
العكس مو صحيح بسوريا
انا قلتلك ما بهمني شو بصير باميركا مثلا
يعني مثلا بتقليلي انو انتشرت صور كاريكاتيرات للرسول باميركا وباوربا
اي يا ستي انتشرت صور كاريكاتيرات للمسيح قد عن الرسول بمليون مرة
وقبل صور الرسول بسنين

انا عم احكي عن سوريا وبس

magictouch

07/02/2006, 01:31

تحية لكل سوري بيحب بلده بكل أطيافها
انا اكتشفت مؤخرا انو عنا بسوريا في اكتر من افغانستان ...
لذلك ادعو كل مسيحي ان يعود الى تعاليم الدين المسيحي و ان يغفر كل الأساءات لأنو بالنهاية ما بصح ألا الصحيح .....

تالين

22/06/2007, 21:24

معك حق بأنو كل اللي عم يصير ضد المسيحيين غلط
بس لحتى وضحلك انو هالشي ما خصو بالأديان وانو كلنا بالهوا سوا (ومش ردا عليك أبدا) بدي اسأل:

ليش مين ما عمل جريمة بأي مكان من العالم ما حدا بيسأل شو دينو الا اذا كان مسلم
ليش كل الديانات بالعالم بتمارس شعائرها (حتى الشيطانية منها) بينما المسلمات تحرم من ارتداء الحجاب
ليش أي شخص بالعالم من حقو يعبر عن رأيو من باب حرية الرأي والتعبير الا المسلمين وأكبر دليل تلفزيون المنار الممنوع بثه في كل أوروبا

وآلاف الأسئلة التانية اللي بيقدر أي واحد يركب متلها حسب دينو ورأيو وانتمائوم ومنهم موضوعك أخ ويلي
المشكلة مش بالاسلام ولا بالمسيحية المشكلة بالمسلمين والمسيحيين اللي ما عم يعرفو يطبقو شي من أحكام دينن (التنين سوا) وكل واحد عم يحكي باسم دينو كأنو هوي ناطق رسمي باسمو وبالأحكام المسبقة اللي سريعا ما رح يلقيها كل واحد على التاني دون أي شاهد أو دليل.

مسا الخير
انا بشوف انو كتير بيئولو الغرب ما فيه اخلاء انا بؤل انو هدول الغربيين يلي ما عندهون اخلاء بيكونو مو مسيحيين حئيئين و نفس الشي وئت يجي مسلم يسب مسيحي فانا بعتبرو مو مسلم حئيئي يعني مو متدين و ما بصير اجي اظلم ديانة كاملة منشان هيك موائف لانو نحنا بشر .
و بحياتو ما كان انسان واحد عبر عن شعب او دين كامل يعني ما فيني اجي اول ولله الدين المسيحي غلط او الدين المسلم غلط . او فلان شعب كلو مو منيح يعني فئة من الناس ما بتعطي صورة كاملة عن دين او شعب.
بس حابة رد على سؤالك انو ليش ما بصير بي اوربا المراة المسلمة انو تلبس حجاب يا اخي كمان في بلدان اجنبية منعو وضع الصليب فيها مع انو هي دول مسيحية يعني شي طبيعي انو يحطو صليب بصف المدرسة... يعني يمكن في اسبابت تانية لانو ممنوعة للطرفين .
و بلمئابل في بلدان عربية ممنوع فيها الكنائس .
و منشان الكاريكاتيرات يلي صارت ضدد الديانة الاسلامية يعني ولله ما بتمنى بحياتي يصير هيك شي لانو هي ديانة و عم تناهن مو حلوة بس كمان بفرنسا تصور فلم عن السيد المسيح و كانت الفكرة انو كان متزوج و الخ
يعني كمان هون انهان الدين المسيحي و كمان كانو اجانب يلي عملو هاد الشي. و انا بنظري انو ان كان مسيحي او مسلم وئت يحاول يشوه صورة الدين الاخر بطريئة مو حلوة بيكون هو عم يعطي صورة عن دينو مو حلوة و مانو حاسس بحالو.
يعني انا برايي انو ما فينا نحكم على شعب كامل او على دين كامل من خلال كم شخص او كم موئف صارو معنا .
و بعدين يعني خلونا واقعيين يعني اذا الواحد منا تعرف على شخص او حتى بلغربة شاف شي واحد عم يحكي عربي بيجي بيسئلو انت شو دينك و بعدين بيحكي معو؟ اي مو معئول بيكون هاد انسان متخلف لانو انا بنظري
يعني انا وئت كون مسيحية و شفت انسانة مسلمة منيحة و مرباية و ما في منها بحطها ع راسي و بعيوني و اذا صار اي موئف باي لحظة رح وئف جنبها ولو كان الموئف ضدد بنت من ديني لانو هي انسانة و مدامها بهي الصفات يلي زكرتها انا هاد يلي بيهمني . و كمان وئت اجي انصف واحد من ديني على الغلط بكون انا عم بغلط بحئو اصلا
يسلمو على الموضوع و كلنا اخوة و غاليين و يلي بيكون عندو فرء متل ما زكرت بيكون انسان لا مسلم حئيئي ولا مسيحي حئيئي . اسفة لاني طولت

pioneer

23/06/2007, 12:42

الشخص يلي بيحكي متل ما اتفضلت بالمشاركة اما مانو مسلم او متأسلم او يا حرام عقله صغير مو فهمان
اذا شخص من المسلمين عمل شي غلط هاد ما بيمثل المسلمين ككل ونفس شي بالنسبة للمسيحيين
الاسلام بيحضنا عالتعامل مع الناس عاساس انسانيتن وهاد الشي بيظهر جليا بالعصور الاسلامية الاولى اول 1000 سنة عالاقل
اذا بتحب ارجع لكتاب تاريخي موثوق واقرأ عن فتح بيت المقدس (اورشليم) في عهد عمر بن الخطاب لحتى تشوف التسامح
اقرا عن وصايا الرسول بما يتعلق بالتعامل مع اهل الكتاب
من اكبر الذنوب بدينا انو واحد يسيء للمسيحين او غيرن من اخواتنا بالانسانية الا اذا هو غلط وقتها بيكون الرد على قدر الاسءة وعن طريق ناس حكماء مو عن طريق العامة
نحنا بسوريا اخوة وكلنا عم نطمح لنعيش بسلام ومحبة متل ما امرنا المسيح عليه السلام ومتل ما امرنا الرسول عليه الصلاة والسلام
واذا حدا من الاغبياء او المغرضين دايقك فازرعها بدقنا نحنا المسلمين عالمظبوط(ان شاء الله نكون هيك)
ويل ريت تحط ايدك بايدنا لنسمو بسوريا والوطن العربي لاعلى المراتب متل ما كنا من زمان من 40 سنة ونازل
ودمت بود اخي في الانسانية

يمان Rooooonaldo

23/06/2007, 12:48

ولي عسما النكوشة

Abu Guzef

23/06/2007, 12:51

إيه وانا بدي بق هالبحصة

عمي
انا يلي بعرفو
مسيحي ولا مسلم ولا يهودي

هدول كلون مين بيعبدو لك مين لك ((الله))

بعدين يا جماعة والله انا عاشرت مسيحية
وحتى جيراني مسيحية
الله يخليلي ياهون ما في منون

وبدي إحكي شغلة كمان

إنو وين ما طار الواحد وين ما راح
في بكل شعب او مذهب او طائفة ناس هيك وناس

يعني وين ما رحت في مسيحي منيح ومسيحي مو منيح
وين ما رحت في مسلم منيح ومسلم مو منيح

وين ما نقلعت وين ما بطخت في هيك وفي هيك

بس إنو هدول يلي بيسبو هدول وهدلاك يلي بيكرهو هدول
ليش يعني هالخلافات

لك كلنا بشر
وكلنا بنعبد إله واحد .

Abu Guzef

23/06/2007, 12:52

يي
طلعلي يمان كاتب قبلي
هلق شو بينط بيحكي
عم قلدو
شي حلو والله انا عم قلد يمان قال
عمي أنا اسف لاني كتبت وراك :p

Abu Guzef

23/06/2007, 12:54

الله حيو النكش اليوم كلنا عالمعتقل :o

Darck Jack

23/06/2007, 13:07

أنو شو خطر عبالكن تنكشو للموضوع:shock::oops::oops:

Abu Guzef

23/06/2007, 13:24

هي تالين نكشتو
ونحنا فكرناه جديد
واليوم السهرة بالمعتقل

تالين

23/06/2007, 13:58

هي تالين نكشتو
ونحنا فكرناه جديد
واليوم السهرة بالمعتقل

لك يعدمني ياكون واحد يؤل للتاني ههههههههه لك ولله اي صح الموضوع ئديم بس انا التلك غبت فترة و رجعت مبارح ام عملت هيك جولة متل ما بتؤل و ئريت كتير مواضيع حلوة اي ام كان هاد الموضوع من بيناتون بعدين عادي شو حرام الواحد يناقش بعدين المعتقل للرجال شبك هههههههههههههههههه

Abu Guzef

23/06/2007, 14:03

تعملي جولة ما تعملي حجولة
مافي مفر
اليوم سهرتنا بالمعتقل :p

تالين

23/06/2007, 14:08

تعملي جولة ما تعملي حجولة
مافي مفر
اليوم سهرتنا بالمعتقل :p

اي خلص لكن رح نبعتلك حلاوة منشان تتغزى هههههههههههههههههههههه

Abu Guzef

23/06/2007, 14:10

انتي يلي رح يتكوكي بالمعتقل مو انا

بعدين شو منشان غيرنا مسار الموضوع كلو

تالين

23/06/2007, 14:12

انتي يلي رح يتكوكي بالمعتقل مو انا

بعدين شو منشان غيرنا مسار الموضوع كلو

حترنا يا اقرع من وين بدنا نمشطك لك مو هلى كنا انو ناكشين موضوع و ما بعرف شو اي ليكني غيرتو للموضوع:frown:
وبعدين التلك المعتقل للرجال اي و اانا اخت رجال هههههههههههههه

Abu Guzef

23/06/2007, 14:14

طيب لكن انا هلئ رايح
وبكرة يطعمني الله أجي ولائي حالي بلمعتقل

تالين

23/06/2007, 14:16

:clap:خلص روح موفئ رح ادعي عليك مممم اصدي رح ادعيلك :o

Abu Guzef

23/06/2007, 14:18

والله يا حكيم انا ما دخلني

خلص ياشباب زودناها يعني
هلق بيجي جاد وهاني
وبيدهنونا

madridi

23/06/2007, 15:30

اكتريت المسلمين بيكنو احترام كبير للمسيحين هيك برايي وهادا يللي ملاحظو حوالي

fernanda bachchan kfoury

23/06/2007, 16:01

معك حق بكل شي قلتو ويلي

يعني يا ترى هاي هيي نظرة الاسلام ككل؟؟
ولا هاد كلام عدد قليل من الناس

لاء اكيييد هيدي مش نظرة كل المسلمين بس بعئد اللي بيحكو هيك بيحاولو يلطخو صورة الاسلام و المسلمينو بالاخير كلنا اخوة و كل واحد مننا بيحترم ديانة التاني

SARA_99

26/06/2007, 18:30

السلام عليكم ورحمه الله وبركاته
اخي Willi
بس بدي وضح لك شغله انو الاسلام دين تسامح وتراحم والاسلام اسم ع مسمى فهو مشتق من كلمة السلام فاسلامنا يرفض كل قول او فعل سيء لا يليق به
وان الاسلام ركز كثيرا على نقطه التسامح بين الاديان وحريه اختيار الدين حيث قال تعالى فمن شاء فليؤمن ومن شاء فليكفر
فالانسان له الحرية في اختيار عقيدته
وحتى في ايام الرسول صلى الله عليه وسلم كان يحترم المسيح ويعاملهم كغيرهم
واوصى النااس بذالك
عن رسول اللَّه صلى اللَّه عليه وسلم قال : من ظلم معاهداً أو انتقصه أو كلفه فوق طاقته أو أخذ منه شيئاً بغير طيب نفس فأنا حجيجه يوم القيامة.

من قتل معاهداً له ذمة اللَّه وذمة رسوله حرم اللَّه عليه ريح الجنة ، وإن ريحها ليوجد من مسيرة سبعين خريفاً

فالاسلام دين تســــــامح وتـــــــراحم
صحيح انـــــــو في بعض المسلمين يظهروا غير ذلك ويمكن هذا اللي عم تتحدث عنه
بس مو معناه ان جميع المسلمين بنفس الطريقه
هلأا بدي اسألك جميــــــــــع المسيحين بيطبقووو ماهو وارد في العقيده المسيحيه ويسيروا على النهج الصحيح اكيــــــــــــــــــــــ د لأ لانو في كل مكان وكل عقيدة في الصالح وفي الفاســـــــق
والاسلام كمان نفس الشي
فالخــــــــلل مو بالديــــــــــن
الخلل باللي عم يعتنقوا الدين ع اساس خاطىء

وبالعكس المسلمين ابدا مو ضد المسيح وعقيدتهم بالنهايه كل واحد له حرية اختيار دينه
ان شاء الله بيصيرو ايد وحدة
ضـــــــــــد اعداؤهم
وان شاء الله كماااااااااااااان تنفى المواضيع الطائفيه من اخوية وتصير اخوية بكل معنى الكلمه
اتمنى انك فهمت علي
ومع السلامه
:D:D