ترقيع البكارة قبل الزواج !!!!!!!!؟؟؟؟؟؟؟؟؟؟ [الأرشيـــــف]

s1_daoud

30/01/2006, 19:09

تقبل أعداد كبيرة من الشابات الفرنسيات من أصول مسلمة وعربية على اجراء عمليات "ترقيع البكارة" نتيجة اقامتهن علاقات جنسية قبل الزواج، وتظهر هذا المشكلة في الجاليات القادمة من المغرب العربي باعتبارها تشكل الغالبية الكبرى من الجالية العربية المسلمة التي استوطنت في فرنسا منذ عدة أجيال.

وفي برنامج "مهمة خاصة" الذي بثته قناة "العربية" مؤخرا استطلع حسن زيتوني آراء رهط من ابناء الجالية المسلمة في فرنسا بشأن تلك القضية التي تعكسا أزمة ثقافية واجتماعية بين ابناء الجالية الذين بات الكثير منهم يخشى فقدان هويته نتيجة الاندماج مع عادات المجتمع الفرنسي "العلمانية" التي تتعارض في كثير من الأحيان مع "الثقافة الإسلامية العربية" لتلك الجاليات .

عمليات بالمئات

وأجرى الجراح الفرنسي برنارد بانيال الذي أجرى خلال العامين الماضيين فقط 200 عملية جراحية لفتيات مسلمات وكاثوليكيات ويهوديات، ولكن الأغلبية من هذه المجموعة من الجالية العربية، أن هوية الفتاة تكون مصانة ومضمونة طبقاً للقوانين الفرنسية، ولكن المشكلة التي تظل مطروحة بالنسبة لمعظم الفتيات هي توفير المبلغ المالي المطلوب لإجراء العملية الجراحية، فمعظم الفتيات لا يجدن هذا المبلغ الذي يتراوح بين 300 -400 يورو، خصوصاً وأن هذه العملية لا تدخل ضمن العمليات الجراحية التي تدفعها المصالح الصحية الفرنسية مجاناً.

ويضيف بانيال: "أعرف الكثير من الجزائريات والتونسيات اللواتي يجرين هذه العمليات الجراحية في تونس لأنها قريبة وبسبب المشكل المادي، غير أنني أسعى بدوري لإجراء العمليات هنا في فرنسا لأني لمست عندما درست في جامعة عنابة في الجزائر أن معظم الطالبات تسألنني عن كيفية إجراء عملية خياطة غشاء البكارة".

فروق ثقافية

من جانب آخر،تختلف آراء الشباب المسلم في فرنسا بشأن مسألة الزواج من الفتاة التي نشأت وترعرعت في المجتمع الفرنسي، حتى وإن كانت عربية مسلمة، حيث يرى محمد (مغترب جزائري) أنه مسألة العذرية لم تعد مهمة عند الكثيرين وهناك من مستعد للتزوج من امراة مطلقة وعندها أطفال.
من جهته يرى عميد مسجد مرسيليا الحاج عليلي بأن الجالية الإسلامية تعاني كثيراً من ويلات هذه المسألة الحساسة القائمة بين جيل من الفتيات يرغبن في تقليد زميلاتهن الفرنسيات والأوروبيات، وبين آباء وأمهات متمسكين بتعاليم الدين والتقاليد العربية المحافظة، "طلبنا من العلماء المختصين ومن الجالية والمسؤولين بأن يأخذوا مواقف واضحة بما يخص الأمور الاجتماعية التي تعيشها الجالية، ولكن للأسف الشديد وجدنا خللا في عدم تحمل المسؤولية على حساب الدين الإسلامي".

وبالمقابل يرى مالك شبال (متخصص في علم الاجتماع الإسلامي) أن مقتضيات العيش في الغرب يتطلب من الجاليات الإسلامية ضروة معرفة التعامل مع هذه المجتمعات، والتخلي عن بعض أنماط السلوك والتقاليد القديمة بحسب تعبيره.

وقد أثارت تلك الحلقة من برنامج "مهمة خاصة" ردود فعل متفاوته بين مشاهدي قناة العربية، حيث رآى البعض فيها تسليطا على مشكلة خطيرة تعاني منها كافة المجتمعات الإسلامية بشكل أو بآخر، في حين اعتبر بعضهم أن عرض تلك الحلقة تجاوز الكثير من "الحدود في مجتمعاتنا الشرقية".

ومن ردود افعال على الحلقه

أما إحدى الفتيات التي نشأت في فرنسا، فترد على أمها التي تقول لها أن الزواج أمر مقدس وشرعي في الإسلام، بقولها: " أنا أعرف ذلك يا أمي لكن عقد القران يؤدي في كثير من الأحيان إلى انفصال الزوجين عن بعضهما، هناك فرق كبير بيننا كبنات المهجر وبنات الوطن الأم، ليس لنا نفس التفكير، صحيح نحن مسلمات مثلهن ولكن لدينا طرق مختلفة في التفكير .

ويقول عبد الحليم أن تلك الحلقة من "مهمة خاصة" محيرة جدا،" كأنه اعلان او دعوة لكل فتاة اخطأت ان لا تقلق، فالتكلفة فى متناول اليد السرية مضمونة جدا ما عليك .... افعلى ما تريدى ... اكسرى كل الحدود و القيود اعبثى بالمحرمات و الاعراف كما تشأئين.. و بسرية يحفظها القانون و انتم يا رجال ... لا تثقوا فى دماء ليلة الزفاف فربما اريقت قبل ذلك عشرات المرات".

أما نسرين فتشكر قناة العربية على طرح هكذا مواضيع مفيدة، وترى أن "التربية الفرنسية التي نشأت عليها البنات اللواتي تحدثن عن انفسهن هي المسؤولة عما حدث.. ارى ان على دول المغرب العربي ان تحافظ على عروبتها و قيمها و تقاليدها بأن تربي بناتها على الفضيلة".

في حين يرى اخر ، أن تلك المشكلة الاجتماعية موجودة في كافة البلدان العربية، ولكن لا يجري القاء الضوء عليها كما حدث مع فتيات المسلمة في فرنسا.

منقول

s1_daoud

30/01/2006, 19:11

هذا الموضوع لاعطاء الاراء حوله بكل شفافية ومصداقية وعلمانية

واذا كان مكان الموضوع غير مناسب يرجى نقلة الى القسم المناسب
مع الشكر

Pomme

30/01/2006, 19:14

شكرا اخي على الموضوع المهم

abc

30/01/2006, 19:58

شوف ياحبيب هادا الموضوع بدو صفنة

Fulla

30/01/2006, 20:05

شو يعني صفنة.......

whiterose

31/01/2006, 05:05

لا صفنة ولاشي موضوع حلو
رغم أني بنت بس أنا ضده وخلي كل بنت عملت ها الشي
تندم وتعرف انو في طرق شرعيه الله حللها
وبحب قول أنو الشب صار بيقدر يعرف اذا الفتاة أخضعت لهيك جراحة ولا لاء
عن طريق الفحص من قبل جراح نسائي
بس الستر واجب وضروري بهيك حالات لأنو الله أمرنا بها الشي
ولاتروحو لبعيد صارت عنا بسوريا
بسبب ها الفجور وقلة الحياء عند اصبايا
الله يستر عليون

whiterose

31/01/2006, 05:08

شو يعني صفنة.......
صفنة من صفن وصفن بتحويل النون إلى دال (د)
تصبح (صفد)
وتأتي بمعنى صفد مدينة في فلسطين
أو صفد بيض(لاتشتري نصيحة كرمال ما تتألنفزي بالطيور);-)

butterfly

31/01/2006, 05:25

هادا بيرجعنا لكتير مفاهيم ... حابة عقب عليا... أول شي أنو هذه العملية الغبية جاءت نتيجة ارتباط الشرف بهذا الغشاء ... من هي العذراء : هي التي حافظت على غشاء بكارتها.. ولا يهم كيف حافظت عليه!!!! أم أنه يحق لها ان تفعل ما تشاء حتى الحد الذي يضمن لها أنها لن تكشف يوماً !!!!!!
أنا برأيي إن كانت العذرية لن تأتي عن اقتناع ديني أو أخلاقي بس لمجرد خوفاً من انفضاح أمرها لأ أنو تعمل اللي بدها ياه أشرف على الأقل بيكون نابع عن قناعة
وبعدين أنو هادا بيدل أنو قديش المجتمع الشرقي الذكوري بامتياز لا زال يدين بمكيالين ؟؟؟ولست أدري لم على المرأة أن تغفر ذلات الرجل بينما هو لا ؟؟
وحبيت عقب كمان أنو white rose اختتمتي ردك أنو الله يستر عليون مع انو ما حسيت أنك بجد حابة الله يستر عليون ... وبعدين إذا من بداية العلاقة بين زوجين ما رح يكون في ثقة ورح ياخدا يعرضا على طبيب فهنيئا لهم بهالعلاقة الحلوة

whiterose

31/01/2006, 05:44

قلب المثنى

31/01/2006, 08:47

ردك حلو متل ما عودتينا
صدقي بزعل على الشاب يلي بفيق صباحية عرسو فرحان أنو المدام كانت عذراء
وهي مخبصة من وراه بس متل ما حكيتي انت عند الحد يلي بتحافظ فيه على عذريتها
جد فراشة الله يستر عليهون

مرحبا صبايا وشباب
هلأ أي شخص بدو يتزوج بدور على عائلة تكون قريبة لمستواه طبعاً مو المادي أنا بقصد التربوي والبيئي والديني والأخلاقي

والثقة لا بتجي من أوهام وشكوك بس بتجي من اليقين

وتأكدي إنو البنت إلي تربت صح وبعيلة محترمة إذا بتحطيها بجزيرة بين مليون رجال راح تحافظ على حالها
أنا شرقي بحت ,,,,,,,,,,,,وبفتخر بهالشي

قلب المثنى

31/01/2006, 08:48

صفنة من صفن وصفن بتحويل النون إلى دال (د)
تصبح (صفد)
وتأتي بمعنى صفد مدينة في فلسطين
أو صفد بيض(لاتشتري نصيحة كرمال ما تتألنفزي بالطيور);-)

:o :o :o :o :o :o

أبو النسيم

31/01/2006, 20:56

لق إذا بدنا نحكي المزبوط هاد الشي مرفوض بمجتمعنا بس مويعني أنو مجتمعنا هو الصح و الغرب غلط بحنا بنعرف أنو هل الشي عيب وتربينا عليه وعندنا هل الشغلة هي مقياس للشرف ومقياس للأخلاق وهاد الشي أكبر غلط معليش في بنات عم تقول أنو الله لايقيمهون وبيستاهلوا هي النظرة فيها الكثير من الذكورية المريضة مع أحترامي للكل ، بنرجع لأهم شغلة بمجتمعنا هي مفهوم الشرف

شو هو الشرف يلي تربينا عليه أو يلي فهمونا ياه أهلنا ومجتمعنا (وخلينا نحكي بصراحة )

الشرف بالمفهوم الشرقي العربي تحديدا : هو صون الرجل أو المرة لنفسها وعدم الأنجرار وراء الشهوة الجنسية قبل الزواج وخاصة للبنت حلو الحكي بس بنفس الوقت
هل الكلام هو سبب تخلفنا وسبب المشاكل يلي عم نعاني منه
ليش

الكبت والحرمان والترهيب من الجنس قبل الزواج بولد عند البنت والشب رغبة قوية بتجربة هل الشي لأنو الواحد مابيقدر يكتم هي الغريزة يلي فيه (حتى ولو كان بداخلوا )
عص بن عنا بنصير بدنا نفكر بجنس خصوصا بمرحلة المراهقة بعدين في شغلة كتير مهمة والكل للأسف تجاهلها طيب الشب ما بيماك غشاء بكارة وبيحقلوا يمارس الجنس قبل الزواج بدون ما يبين عليه وبيكون الشب عامل السبعة وزمتها و ماحدى بقرب عليه وما حدى بقلوا شو عم تساوي ليش الشب مسموح ألو يمارس الجنس بدون حسيب والبنت لا ليش

لأنو بضرة المجتمع للبنت هي الشرف يعني الواحدة شرفوا معلق باختو أو أمو أو قريبته إذا مارست الجنس مع صديق لها أو شريك ربما يكون شريك حياتها بالمستقبل بتكون بدون شرف وأهلها بدون شرف غلط وعيب علينا نفكر هيك

معليش أستحملوني شوي

مفهوم الشرف في العالم العربي للأسف هو من أوضع وأحقر المفاهيم بالعالم لأانو الشرف العربي للأسف مربوط بغشاء رقيق جدا (أسف يمكن كون تقلت شوي بس معليش أنا عم أحكي والكل أخواتي هون)

الشرف يا شباب ويا صبايا هو أكبر من هيك بكتير

الشرف هو العقل
الشرف هو التفكير الواعي
الشرف هو الإنسان

هذا هو المفهوم الحقيقي لشرف

مو غشاء رقيق وهش هشاشة التفكير العربي

وشكرا لكم على تحملي

تحياتي و محبتي لكم :sosweet: :sosweet: :sosweet: :sosweet: :sosweet:

whiterose

01/02/2006, 04:04

وعندنا هل الشغلة هي مقياس للشرف ومقياس للأخلاق وهاد الشي أكبر غلط كيف أكبر غلط هاد هو الشرف بس المشكلة أنو مو كل بنت عذراء بالضرورة تكون شريفة رد الأخت فراشة فيو التوضيح

معليش في بنات عم تقول أنو الله لايقيمهون وبيستاهلوا هي النظرة فيها الكثير من الذكورية المريضة مع أحترامي للكل
هي مو ذكورية ألا أذا أنت ماعندك مشكلة انو البنت تكون عرفانة شب قبل زوجها وما في مشكلة من تجربة جنسية قبل الزواج انا عم احكي عن الذكر و الأنثى مو الأنثى بس

الكبت والحرمان والترهيب من الجنس قبل الزواج بولد عند البنت والشب رغبة قوية بتجربة هل الشي لأنو الواحد مابيقدر يكتم هي الغريزة يلي فيه (حتى ولو كان بداخلوا

يعني برجع لكلامي انو مافي مشكلة بعدين الكبت بسبب تعري الصبايا والشباب
والكبت هاد مالو نهاية يعني هي غريزة متجددة متل الجوع بتاكل بس بترجع بتجوع
والله سبحانه وتعالى اوجد الزواج وحللو لهيك حالات
من ها المنطلق انفرض الحجاب ومنع الأختلاط لحتى كل انسان يقتنع بزوجتو ومايشوف احلى منها بنظرو واصلا مارح يشوف
انا مابدي خوض بنقاش ديني بس الموضوع بيفرض
بنصير بدنا نفكر بجنس خصوصا بمرحلة المراهقة بعدين في شغلة كتير مهمة والكل للأسف تجاهلها طيب الشب ما بيماك غشاء بكارة وبيحقلوا يمارس الجنس قبل الزواج بدون ما يبين عليه وبيكون الشب عامل السبعة وزمتها و ماحدى بقرب عليه وما حدى بقلوا شو عم تساوي ليش الشب مسموح ألو يمارس الجنس بدون حسيب والبنت لا ليش مافي بنت مو معلش وشب معلش الشب الو سمعة متل البنت ولما شب بيخطب بنت اهلها بيسألو عن الشب

الواحدة شرفوا معلق باختو أو أمو أو قريبته إذا مارست الجنس مع صديق لها أو شريك ربما يكون شريك حياتها بالمستقبل بتكون بدون شرف وأهلها بدون شرف غلط وعيب علينا نفكر هيك
تسمحلي أسألك سؤال بما أنو عم نحكي بصراحة
انت بتسمح لأختك تعيش حريتها وتعمل هيك شي؟؟؟
أو أنت ماعندك مشكلة تاخد بنت مجربة الجنس او مثلا غير عذراء؟؟؟

مفهوم الشرف في العالم العربي للأسف هو من أوضع وأحقر المفاهيم بالعالم
مفهوم الشرف بالشرق من أرقى المفاهيم الغرب البنت عندون رخيصة كتيير
اما هون البنت غالية وشرفها غالي
وبيكفي الشب لما يتزوج بنت يعرف انو هو الأول مو المية!!!
لأانو الشرف العربي للأسف مربوط بغشاء رقيق جدا
هون كلامك صح ليش؟ لأنو مو بالضرورة كل عذراء تكون شريفة

الشرف يا شباب ويا صبايا هو أكبر من هيك بكتير

الشرف هو العقل
الشرف هو التفكير الواعي
الشرف هو الإنسان

هذا هو المفهوم الحقيقي لشرف

مو غشاء رقيق وهش هشاشة التفكير العربي

كلامك صح بس مو يعني انو البنت او الشب يعملوا الغلط
وانا واثقة انو مافي شب ولا بنت بتقبل تاخد شب كان بيعرف غيرها بدون زواج رسمي لأنو علاقات الحرام حتى اللي بقلولك تحت شعار الحب هي علاقات ما بتعبر غير عن قلة اخلاق وتربية
وبتخيل انو رأيي بمثل الأكثرية:سوريا:

sezar

01/02/2006, 04:20

ما رح قول شي رأي من رأي الشباب

بس عندي أمنية لو كان للشب غشاء مماثل :jakoush:
لأنو مجتمعنا مدري ليش بيعتبر انو الشب أهون من البنت بهيك شغلة

ليش يعني لأنو ما ببين علي :aah:

butterfly

01/02/2006, 04:36

noooneh

01/02/2006, 05:00

سلام......

شكراً لناقل الموضوع، فهو قد فتّح جروحات (علينا وعلينا)..... لكن للأسف اختلط الحابل بالنابل، وصار الجانب الديني في قلب الاجتماعي في قلب السياسي في قلب السيكولوجي والجنسي....

نحنا كل مواضيعنا لازم تتصل بالدين (بجد ما بعرف ليش).... وأنا بمسيرتي في إدارة منتدى ما مر علي فترة كتير انصدمت بناس بيحكوا بتأثيرات دينية قوية رغم انو هنن في حياتهن الدين ذو تأثير صفر تقريباً.....

المشكلة هون مشكلة مين بالضبط؟..... مشكلة فرد؟ .... أو قبيلة؟..... أو وطن؟!! يمكن هالفصل بيخلينا نعرف نتحرك..... فالبنت في النهاية هي شخص كامل جداً... كامل الحرية.... والسيادة .. والاستقلال... وهي نفسياً وحدة متكاملة ومستقلة ... ودينياً تحاسب بشكل مستقل.... وعلى اعتبار مجتمعنا خار من عباءة الدين فأنا بتوقع على الأقل ما يناقض نفسه لهالدرجة في هالنقطة....

هلأ شو اللي بيعارض كون الفتاة وحدة مستقلة بذاتها؟...... هادا هو السؤال اللي بيبلش منو كل المصايب... فأولاً فيه تيار اجتماعي (لا ديني) ومستيل يكون مرتبط باليهودية والمسيحية .... ونفس الأمر بيجر نفسه على الإسلام ويمكن هو أوضح ما يمكن على اعتبار فترة الجاهلية تم توثيقها تاريخياً بشكا أكبر..... الموضوع ربما موضوع "إلباس ديني" لا أكثر .... في ظل مجتمعات ذكورية واضحة....

أنا وعم أقرا وصلت على نقطة (الزلمة فرحان لأنها عذراء... وإذ) ... وهون فرقعت بضحكة فيقت العيلة وأنا بنص ليل... يعني سامحوني بس أنا لازم أسأل حالي سؤال واحد وإلا بطق بموت ما بعرف شو بيصيرلي: "وين المفرح في الموضوع من أساسو.... نحكي بالمنطق مع إني مو شايف وين المنطق بالأساس".....

المفرح هو أن هذا الشاب (الرجل- الفحل- السبع- الجمل- البعل ما منختلف عالاسم) يعرف أنه يتعامل مع خامة نقية..... خامة تستطيع أن تتعامل مع كل عقده ومشاكله بطهارة من تعرف رجلاً للمرة الأولى ... يعني الولد الصغير اللي بتقلو انو الموز مستقيم ..... بيضل طول عمرو مفكر انو الشكل الهلالي هو المستقيم......

noooneh

01/02/2006, 06:56

الرجل في مجتمع خارج من عباءة الشرق يريد "قطة مغمضة" فقط كي يثبت لنفسه أنه الرجل الأفضل الذي عرفته في حياتها..... والوسيلة الأفضل لذلك (كما يرى) هي أن يكون الرجل الوحيد... فهو لا يهتم بالدعايات التجارية من قبيل (لسنا الوحيدين ولكننا الأفضل)...

لنكن واقعيين، فالأرض في نهاية المطاف (شرقياً) تدور حول الرجل.... وبالتالي فإن جميع نواحي الحياة تناقش من ناحية الرجل، الشرف هو هم الرجل... وهو صاحب القوانين والمستفيد منها.... أما المرأة فهي ملحقة بأهلها ثم فيما بعد ملحقة بزوجها. أي أنها دائماً تكتسب كينونتها وشرعيتها من الكيان الأصلي الذي ليست إلا عالة عليه. لنناقش حتى أصغر التفاصيل: "مو عيب عليك مرا تعلّم عليك؟" ..... "شو صرت مرا على آخر عمرك؟"... "متل النسوان صاير"...... "يا عيب الشوم عالرجال" ..... كثير من الأمثلة قادها نجيب محفوظ إلى العالمية، تدل على أن المرأة نكرة شاءت أم أبت، وأن الأرض (مرة أخرى) تدور حول الرجل....

سؤال وجيه يطرح نفسه: "ما دور الأم كمربية في تحدي هذه العنصرية التي طبقت عليها كأنثى؟" .... هذا ما لا أفهمه حقاً.... فهذه العنصرية التي طبقت عليها لا تؤدي إلى فهم بناتها الفتيات أكثر. بل على العكس، وكأنها تشفي غليلها من هذا المجتمع بتطبيق العنصرية ذاتها عليهن.... سمعتم عن الحماة التي تكره أن يصبح لولدها "ابنة" ولها "حفيدة" وتعتبر مجيئها إلى هذه الدنيا (نوعاً من العار)؟؟؟؟ .... أنا سمعت. وطلبت منها أن تسأل نفسها عن إحساسها عندما شعر والدها هي بالعار ذاته يوم ولادتها.

الآن هذه مسطرة كافية لنعتبر الأخت ملحقة بأخيها ... فهو يرثها... ويورثها .. ويهبها ... ويملك الأمر والنهي عليها.... وله الحق في أن يطبق مسطرة (الصح والغلط) عليها، فيعاقبها "هي" على ما يراه "هو" خطأ.... ولا ينبغي لها أن تتكلم، إذ يكفيها شرفاً أن تموت قتلاً على أيدي أخيها.

noooneh

01/02/2006, 07:00

منطقية الشرف..... والعقل زينة

الآن بعد أن تحدثنا عن الأخت لنتحدث عن الأخ. الشرف لديه ليس سبباً ممنطقاً.... وهو ليس في النهاية سوى "منعكس شرطي بافلوفي بحت"، فالمجتمع يربيه منذ الصغر على أن هذه البنت شرفه... يكبر وهي شرفه، يشب وهي شرفه، وحتى حين تتزوج في بعض المحافظات التقليدية (من يعرف بعض التقاليد السورية قد يلاحظ المسألة) تنص التقاليد على أن أهل العروس لا يحضرون الفرح حكماً (ما أحلاهن يحضروا، منشان الفضيحة والعار؟.... بنتهن صارت بإيدين رجل من برا العيلة أو حتى من جواها وهنن بين الناس ومبسوطين؟ شو هالمسخرة)

البنت شرف لأنها شرف..... لا يوجد أي حل آخر. وكأن الموضوع لاهوت نزل من السماء..... وكأن الموضوع مسألة ثنائية Binary فإما أن تكون صاحب شرف وتعفس على راسها بالصرماية العتيقة، أو إنساناً يحترمها فيكون بلا شرف..... ولا حل ثالث

الأحلى أن بعض الأسئلة كانت تلاحقني مثل:"ماذا تفعل إذا كنت مع حبيبتك ورأيت أختك مع شخص آخر؟" ... وكانت كثير من الأجوبة "حسابها بالبيت" ... طيب وانت حسابك وين؟

noooneh

01/02/2006, 07:09

حكاية الدين...... فوق وتحت

بالنسبة للدين (كسماويات) فهو يحاول أن يكون رسالة سلام..... ورسالة استقلال للإنسان بذاته وفتح علاقة مباشرة له مع إلهه "أياً كان هذا الإله" ..... كثير من الديانات عاملت الإنسان على أنه (روح قدس متجسدة في ذات الله) وبالتالي هذه النرفانيات كانت تجعل من التعامل مع الأنثى كإنسان نقطة متناهية في الكرامة الإنسانية....

بدك نحكي بالوضعيات ... وكيف الديانات السماوية كلها تحرفت لدرجة مو طبيعية .. وصار كل مين بدو يضرب مرتو أو أختو أو بنتو يجيب ألف دليل سماوي... وحتى واحدة من أصدقائي المسلمين جابتلي دليل على انو فيه إنسانة مات والدها وزوجها منعها تروح تشوفو على فراش الموت .... وانو الرسول محمد العربي قلها انو لازم تطيع زوجها وتترك أبوها يموت لوحده وإلا رح يغضب الله عليها..... زين الكلام بالعقل. الله قدّس التعنت الغبي للذكورة المتضخمة أكتر من قداسة عواطف الأبوة. هيك بدنا نقول؟؟؟؟؟

noooneh

01/02/2006, 07:12

السياسة .... قصة الشرق والغرب

هذه الوضعيات ساهمت فيها السياسة كتير..... لأن الدين دائماً مسيّس شئنا أم أبينا، والدين هو الركن الأساسي اللي بيخلينا ضد الغرب وضد العرب اللي مع الغرب وضد العرب اللي عايشين بالغرب وضد العرب اللي بيعرفوا عرب عايشين بالغرب......

الغرب بشر..... والمرأة الغربية هي أنثى متلها متل العربية تماماً..... إنسانية واحدة وغرائز واحدة وتكوين واحد... هلأ تقلي ليش المرأة الغربية بتملك حرية خاصة فيها فما فيك تقيس شغلتين إلا بنفس الواحدة .... وما فيك تقيس طول جنب وزن ..... واحدة بالكيلوغرام وواحدة بالمتر.... عطيها للمرأة الشرقية نفس الحرية.. بنفس الشروط..... وقارن .. أو قيس.

هل المرأة الغربية منحلة؟..... ممكن .... وواحد من رفقاتنا قعد يقارنلي الشرق مع الغرب قام جبلي واحدة (مبرقعة) وحطلي ياها جنب "بريتني سبيرز" .. قلتلو ليش ما بتجيب (ماري كوري) جنب (هيفا وهبي) مثلاً......

هي برأيك إنسانة منحلة، وهي برأيها إنسانة حرة في أن تكون مع شخص تحبه... وأن تحاسب على قراراتها ولما الشاب بيعجب فيها بيعجب فيها عن جد.... بغض النظر (جديدة أو مستعملة)......

الشاب الشرقي لا يمكن أن يكون له حظ مع فتاة غير شرقية (حتى ولو كانت في مجتمع شرقي) فهي لا تذوب غراماً في أول شاب تراه..... وللأسف فإن نصف شبابنا حظوظه مع الفتيات ناتجة عن (القلة) وليست عن جانب شخصي بحت فيه...... وإن مسألة عقدة الثقة بالنفس هي ما تجعل الشاب يفضل (العذراء حتى عذرية فكرية) والبنت بدورها يجب أن تفكر بطريقة مصالحة ما بحيث (ما تقطع بنصيبها).....

كونك تفضل فتاة (ما باس تمها غير أمها).... وتعامل المطلقة وكأنها زانية فهذه حريتك الشخصية أولاً وأخيراً.. ولا يحق لك تعميم رأيك كمسطرة يمشي فيها الكل من بعدك..... ومن ناحية أخرى هذا معناه أن غشاء البكارة حين يتمزق يفتح الباب لتكرار مراراً وتكراراً..... طيب ليش فيه فتيات تم اغتصابهن ومع ذلك ما فرحوا انو (أخدوا العذر الشرعي اجتماعياً؟)

noooneh

01/02/2006, 07:12

السياسة .... قصة الشرق والغرب

هذه الوضعيات ساهمت فيها السياسة كتير..... لأن الدين دائماً مسيّس شئنا أم أبينا، والدين هو الركن الأساسي اللي بيخلينا ضد الغرب وضد العرب اللي مع الغرب وضد العرب اللي عايشين بالغرب وضد العرب اللي بيعرفوا عرب عايشين بالغرب......

الغرب بشر..... والمرأة الغربية هي أنثى متلها متل العربية تماماً..... إنسانية واحدة وغرائز واحدة وتكوين واحدد..... إنسانية واحدة وغرائز واحدة وتكوين واحد... هلأ تقلي ليش المرأة الغربية بتملك حرية خاصة فيها فما فيك تقيس شغلتين إلا بنفس الواحدة .... وما فيك تقيس طول جنب وزن ..... واحدة بالكيلوغرام وواحدة بالمتر.... عطيها للمرأة الشرقية نفس الحرية.. بنفس الشروط..... وقارن .. أو قيس.

هل المرأة الغربية منحلة؟..... ممكن .... وواحد من رفقاتنا قعد يقارنلي الشرق مع الغرب قام جبلي واحدة (مبرقعة) وحطلي ياها جنب "بريتني سبيرز" .. قلتلو ليش ما بتجيب (ماري كوري) جنب (هيفا وهبي) مثلاً......

هي برأيك إنسانة منحلة، وهي برأيها إنسانة حرة في أن تكون مع شخص تحبه... وأن تحاسب على قراراتها ولما الشاب بيعجب فيها بيعجب فيها عن جد.... بغض النظر (جديدة أو مستعملة)......

الشاب الشرقي لا يمكن أن يكون له حظ مع فتاة غير شرقية (حتى ولو كانت في مجتمع شرقي) فهي لا تذوب غراماً في أول شاب تراه..... وللأسف فإن نصف شبابنا حظوظه مع الفتيات ناتجة عن (القلة) وليست عن جانب شخصي بحت فيه...... وإن مسألة عقدة الثقة بالنفس هي ما تجعل الشاب يفضل (العذراء حتى عذرية فكرية) والبنت بدورها يجب أن تفكر بطريقة مصالحة ما بحيث (ما تقطع بنصيبها).....

كونك تفضل فتاة (ما باس تمها غير أمها).... وتعامل المطلقة وكأنها زانية فهذه حريتك الشخصية أولاً وأخيراً.. ولا يحق لك تعميم رأيك كمسطرة يمشي فيها الكل من بعدك..... ومن ناحية أخرى هذا معناه أن غشاء البكارة حين يتمزق يفتح الباب لتكرار مراراً وتكراراً..... طيب ليش فيه فتيات تم اغتصابهن ومع ذلك ما فرحوا انو (أخدوا العذر الشرعي اجتماعياً؟)

noooneh

01/02/2006, 07:17

أخيراً.. من تقوم برتق البكارة

فعلاً.... الفتاة الشرقية وحدها من تقوم بها.... فالفتاة الغربية يسمح أن يكون لها ماض، أن تكون قد أحبت قبلك... تعلمت من فشلها أو حنت إلى نجاح كان ولم يستمر..... من حقها أن تكون معك الآن بحيث تحترم ماضيها وتقدره.... وتسعى لأن تجعل حاضرها أحلى دون إيذاء ذكريات غالباً ما تعني لها الكثير.

الفتاة الحرة الواعية لا تخجل من نفسها... إما أن تقوم بشيء ما أو لا تقوم به..... أما مع ازدواجية كبتنا فلا بد للفتاة أن تقوم بشيء ما ثم تخفيه..... تقوم به لاقتناعها.... ثم تخفيه لأنها لا تحاسب وفق قناعاتها هي بل وفق قناعاتهم (هم)..... وبالتالي لا حل سوى الدكتور.....

أنا طبيب..... وحين سأستقبل عملية "رتق البكارة" سأكون من أشد المرحبين بها..... لأن صاحبة العملية ستكتب لها حياة جديدة بسببي..... العاهرات لا تحتجن لرتق البكارة...... العاهرات تحتجن إلى رجال شرقيين، يدفعون بسخاء على أنفسهم..... بما ملكت أيمانهم.....

لي عودة

ولا حب خارج حدودي
نونة

noooneh

01/02/2006, 07:26

ألا أذا أنت ماعندك مشكلة انو البنت تكون عرفانة شب قبل زوجها وما في مشكلة من تجربة جنسية قبل الزواج
أو أنت ماعندك مشكلة تاخد بنت مجربة الجنس او مثلا غير عذراء؟؟؟

وبيكفي الشب لما يتزوج بنت يعرف انو هو الأول مو المية!!!

وبتخيل انو رأيي بمثل الأكثرية:سوريا:

واحد ارتبط ببنت كانت بتعرف حدا من قبلو، وبعدين؟...ما فهمت .. ممكن توضحيلي؟! يعني على اعتبار رأيك رأي الأكثرية (ويا ريت نركز على المطلقة كبنت مجربة الجنس من قبل ومو عذراء)

noooneh

01/02/2006, 07:39

في ذكورية مريضة ومعا سرطان مميت كمان ..... الرجل يغفرله ... المجتمع الشرقي لا يغفر للرجل الشرقي فقط ... بل ان الرجل غالباً ما يتفاخر بمغامراته .
وإن كان الشرف يتساوى عند الرجل والأنثى لماذا اضطريت في سياق التوضيح أنو تضربي مثال بالأخت ؟؟؟؟؟؟
هل الأخت هي شرف أخوها ؟؟؟ أم هي كيان مستقل لها شرفها وله شرفه ؟؟؟
ما بعرف ليش احيانا بحس انو الأخت هي نقطة ضعف لازم يمسك منها الشب في أي حوار ؟؟؟
يعني لو اختك بترضى انها تعمل هيك ؟؟ شو دخلو بأختو هية كيان مستقل ألا قراراتها وأخلاقها
واللي أختو والله شريفة لأنو بتخاف منو فيتهنى
أنا لهلق ما عم أقدر قرر بأي مقياس بإمكاني الحكم أنو هالانسان شريف ولا لأ؟؟؟
يعني اللي معتكفة الشرف لأنو بتخاف من أهلا بتكون شريفة ؟؟؟؟
واللي خوفا من أنو تنحرق بالنار ؟؟؟ أو خوفا من حكي العالم ؟؟ أو خوفا جوزا مع الأيام يحس ؟؟؟
وأنا ما بقدر احكم على بنت غلطت ؟؟؟ أنو مانا شريفة .. هالكلام ما بيكون دقيق
وبعدين قلتي انو ألأنثى غالية بالشرق ؟؟؟؟
بحب صلح أنو قيمة الانسان كلو على بعضو بالشرق رخيص وببلاش كمان
أنا ماني مع الجنس قبل الزواج أوكي هادا رأيي الشخصي ما بقدر عممو وقول هادا الشرف واللي طلع برات خطي مو شريف ...

شكراً كتير...
بسأل حالي أحياناً... بأي طريقة بشوف حالي وصي على العالم.. لازم ربي فلان وأهدي علان ....

أنا لو عندي أخت صغيرة أو كبيرة، كنت مو بس ما لمست شعرة منها... كنت قطعت ايد اللي بيلمس حريتها بكلمة .... مين أنا حتى قيمها وحاسبها؟ .... أو ليش حتى كون وصي عليها وكيف من حقي أحكم عليها...وبأي مقياس؟...... وليش؟

مشكلتنا انو منضل منضغط...وبيضل الحرامي اللي ما بيصحلو مجال للسرقة بيقول عن حالو شريف. فيه كتيرين سافروا يدرسوا برا رجعوا مع تغيير جذري. بقا ما ضل حدا يراقب....

الأخت ممنوعة من أي شي لأنها ملكية شخصية للعائلة (إرث القبيلة) .... أنا بستغرب من البنت تقبل على حالها تكون هيك شي.... هي مع الجنس أو ضده هادا شي تاني... فيه واحدة بتشوف الجنس في كلمة "مرحبا" ..... وواحدة بتشوف الجنس في أول قبلة ... وآخرين بيشوفوا الجنس في النظرة الأولى أو التانية أو العاشرة .... بس بالنهاية أكيد رأيها هادا عم تطبقو على حالها أوكي.... ليش هي ذاتها بتطلب شاكوش فوق راسها؟....... وبعدين وين الغلا بالموضوع؟ .... انو تكون مجرد منعكس بافلوفي ما حدا بيعرف ليش عم يعملو؟.....

أخيراً...... مفهوم البنت الغالية بالشرق والرخيصة بالغرب... مطلوب التوضيح ... بدون عواطف لو سمحتوا ممكن؟!...وكلنا سمع....

وتصبحوا على خير ... طولت وأخدتني شهية الحديث.....

ولا حب خارج حدودي
نونة

قلب المثنى

01/02/2006, 11:00

شكراً كتير...
[quote]
بسأل حالي أحياناً... بأي طريقة بشوف حالي وصي على العالم.. لازم ربي فلان وأهدي علان ....

أنا لو عندي أخت صغيرة أو كبيرة، كنت مو بس ما لمست شعرة منها... كنت قطعت ايد اللي بيلمس حريتها بكلمة .... مين أنا حتى قيمها وحاسبها؟ .... أو ليش حتى كون وصي عليها وكيف من حقي أحكم عليها...وبأي مقياس؟...... وليش؟

هذا الكلام بتحكيه لما بتكون عايش بأسرة مفككة ساعتها بتقول أنا شو دخلني
وهاي الظاهرة موجودة بالغرب بس هون عنا في شي أسمه أسرة وأخلاق ودين وفي ضوابط وقوانين بدءاً بالأسرة وإنتهاءً بالمجتمع

مشكلتنا انو منضل منضغط...وبيضل الحرامي اللي ما بيصحلو مجال للسرقة بيقول عن حالو شريف. فيه كتيرين سافروا يدرسوا برا رجعوا مع تغيير جذري. بقا ما ضل حدا يراقب....
هذا أسمه ضعف شخصية من الشخص نفسه وما إلو علاقة بالمجتمع

الأخت ممنوعة من أي شي لأنها ملكية شخصية للعائلة (إرث القبيلة) .... أنا بستغرب من البنت تقبل على حالها تكون هيك شي.... هي مع الجنس أو ضده هادا شي تاني... فيه واحدة بتشوف الجنس في كلمة "مرحبا" ..... وواحدة بتشوف الجنس في أول قبلة ... وآخرين بيشوفوا الجنس في النظرة الأولى أو التانية أو العاشرة .... بس بالنهاية أكيد رأيها هادا عم تطبقو على حالها أوكي.... ليش هي ذاتها بتطلب شاكوش فوق راسها؟....... وبعدين وين الغلا بالموضوع؟ .... انو تكون مجرد منعكس بافلوفي ما حدا بيعرف ليش عم يعملو؟.....

بالعكس تماما البنت بالمجتمع الشرقي إلها كيانها وأحترامها وإلها حقوق متل ماعليها واجبات
بس مفهومك للحرية هوي إلي لازم يتغير لأن المجتمع الغربي وإلي عم تنادي فيه بينظر للحرية بس من منطلق جنسي
والبنت مابتصير حرة إلا إذا مارست الجنس وكونت علاقات

أخيراً...... مفهوم البنت الغالية بالشرق والرخيصة بالغرب... مطلوب التوضيح ... بدون عواطف لو سمحتوا ممكن؟!...وكلنا سمع....
قارن ياعزيزي بين ملكيات البنت الشرقية وملكيات البنت الغربية بتعرف

وتصبحوا على خير ... طولت وأخدتني شهية الحديث.....

ولا حب خارج حدودي

وتصبح على خير
بس إلي عند طلب
ياريت تحدد جنسك بملفك الشخصي حتى نعرف كيف بدنا نتفاهم معك
على أساس إنك شب ولا بنت أو إنك من الجنس الثالث

Majood

01/02/2006, 11:37

قلب المثنى

01/02/2006, 13:18

المرأة انسان و الرجل انسان...
في العواطف والاحتياجات سواسية .... لا فرق..

فلماذا يحق للرجل تفريغ شحناته المكبوتة بحرية في الوقت الذي بحرم على الفتاة مجرد التفكير في مثل تلك الامور ...
كيف يمكن لفتاة ان تضمن ان شريك حياتها ( أعذر ) من عذراء يعني ....
فكرت .. مالغرض من الغشاء ذلك ... و لماذا يجب الحفاظ عليه .. ووصلت الى انه يمكن ان يكون وسيلة لمنع وقوع حمل و ظهور اطفال غير شرعيين و الحفاظ على النسل السليم .. و هذا طبعا في الماضي حيث لم يكن هناك وسائل كما اليوم .. و حيث ان المعتقد هذا قادم من الماضي
هذه مجرد فكرة .. ربما صحيحة و ربما خاطئة...
وايت روز تعرفين و اعرف انه لن نتفق يوما على فكر واحد...
لقد اغضبتني حقا ... كيف يمكن لك انا تقبلي فكرة .. عرض الرجل زوجته على الطبيب للكشف عن حقيقة عذريتها.... هل المرأة رخيصة لهذا الحد .. هل ترضينها لك او لي او اي فتاة محترمة ... هذا عيب كبير .... و فيه اذلال لكرامة المرأة ...
كفانا .... :x

مرحبا مجوود
أنا معك بالمساواة بين الرجل والمرأة بس ليش ماتكون المساواة بإنو الإثنين مايغلطوا
ليش مايكون واجب على الرجل إنو يحافظ على عذريته متل ما الصبية بتحافظ عليها
ليش بنطالب بالتساوي بالخطأ ؟؟؟وما نطالب بالتساوي بالشيئ الصحيح؟؟؟
من حق الفتاة لما بيتقدملها أي شب للزواج أنها تسأل عنه وعن ماضيه

لقد اغضبتني حقا ... كيف يمكن لك انا تقبلي فكرة .. عرض الرجل زوجته على الطبيب للكشف عن حقيقة عذريتها.... هل المرأة رخيصة لهذا الحد .. هل ترضينها لك او لي او اي فتاة محترمة ... هذا عيب كبير .... و فيه اذلال لكرامة المرأة ...
كفانا .... :mad:

بالأساس مافي داعي أنو الفتاة تحط حالها بهالموقف
لو إنها كانت عفيفة ما كان راود الشك الزوج بإنه يعرضها على طبيب حتى يتأكد
مع إنو الفكرة خاطئة
لأن الشب الشرقي ( متلي ) ما بتزوج أي بنت حتى يعرف مين هي وشو أخلاقها وتربيتها وسمعة أهلها والبيئة المتربية فيها
وبالمقابل إلها الحق بالسؤال عن الشب وأخلاقه وتربيته
ومتل ماقلت بالبداية أنا بآمن بالمساواة بس بمفهوم عكس المفهوم المطروح
يعني المساواة بأنو الشب يحافظ على سمعته وأخلاقه متل البنت ما مطالبة بالحفاظ على سمعتها
وإذا الشب ماعنده غشاء متل البنت مامعناها إنو بيقدر يساوي إلي بدوياه
وأهم شي يكون الواحد صادق مع نفسه ومع الآخرين ساعتها مابيعرض نفسه للخطأ

Majood

01/02/2006, 13:35

نحنا عم نناقش الموضوع من الوجهة السلبية .. يعني حدوث الواقعة ..
بالنهاية كل انسان عندو قناعاتو ... و وجهة نظرو
و متل ما قلت :

وأهم شي يكون الواحد صادق مع نفسه ومع الآخرين ساعتها مابيعرض نفسه للخطأ

و تحية

قلب المثنى

01/02/2006, 13:50

يامجود لما بكون الواحد صادق مع نفسه ومع الناس بصير أي شي بدو يساويه يحسب حسابه

ويوجه السؤال لنفسه

ليش هيك عملك ؟؟؟؟؟؟؟؟؟؟؟؟
ويتوقع إنو الآخرين راح يسألوه
ساعتها شو راح يجاوب ؟؟؟؟؟؟؟؟؟؟؟؟
إذا كان صادق مارح يحط حاله بهيك موقف وراح يتجنب الخطأ

أبو النسيم

01/02/2006, 19:12

هي مو ذكورية ألا أذا أنت ماعندك مشكلة انو البنت تكون عرفانة شب قبل زوجها وما في مشكلة من تجربة جنسية قبل الزواج انا عم احكي عن الذكر و الأنثى مو الأنثى بس

خليكي معي شوي معليش
هلق إذا حبيت أنا بنت أول السنة ماشي وكبر هل الحب يلي بينا وهي تعلقت فيني وصرت خوش بوش أنا وياها وليقتها أنو ممكن تكون شريكة حياتي وخلال فترة العلاقة أو الصداقة يلي بيني وبينها راقبتها ولقيت أنو بلفعل هي هي البنت يلي عم دور عليها ألخ ......من المواصفات المطلوبة هل البنت كانت صريحة معي لأبعد الحدود لأنو بتحبني وحكت معي أنو هي قبل ما تعرف على كانت بتحكي مع شب وكان معشمها بزواج وحبتوا متل ماحبتني ومارست معو الجنس لأنو كانت كتير بتحبو وهلق كل واحد مشي بطريقو والزلمة طلع ندل وحقير وما أرتبط فيها

شو بساوي أنا بقلها حلي عني أنت بلاشرف بقطع علاقتي معها ولا بحاول أفهم الموضوع
وأذا كنت بحبها مزبط بسامحها وبغفر إلها لأنو أنا كمان يمكن لو تعرفت على بنت سهلة أو شي رقاصة يمكن كنت نام معها و أنا عم أحكي هلق بصفة شخصية وبكل صراحة

أنا إذا البنت حبيتها ولقيتها مناسبة مستعد أغفرلها كل شي لأنو البنت بمجتمعنا كتير مظلومة
وعنجد أحيانا بقول منيح لأنا شب بس هاد دليل أنو مجتمعنا وتفكيرنا مريض

يعني برجع لكلامي انو مافي مشكلة بعدين الكبت بسبب تعري الصبايا والشباب
والكبت هاد مالو نهاية يعني هي غريزة متجددة متل الجوع بتاكل بس بترجع بتجوع

هلق معليش أنتي عم تناقدي بعضك بهل الكلام

عم تقولي هي غريزة متل الجوع تمام أنا معك لنفرض أنو أنا أو أنتي بصحرة قاحلة مافيها حدى ولح نموت من العطش ولقينا شوية مي بس صاحب الميات منع المي عنى شو ممكن نساوي
يمكن نقتل صاحب المي
يمكن نتحايل عليه
بنحاول بكل الأسليب نحصل على الماء

والجنس نفس الشي سدقيني

تسمحلي أسألك سؤال بما أنو عم نحكي بصراحة
انت بتسمح لأختك تعيش حريتها وتعمل هيك شي؟؟؟
أو أنت ماعندك مشكلة تاخد بنت مجربة الجنس او مثلا غير عذراء؟؟؟

هلق أنا من الأول عم أحكي الصراحة ويمكن أختي صار بدها تابع الموضوع معي ويمكن تنزل رد بأسمي لأنو ماعندها أشتراك بأخوية ولح تنوه لهشي أو يمكن تشترك

أول شي أختي أنا واثق منها ومن تربيتها مالح قلقك أنو هي متل فكري لح أحكي واقع
بما أنو كلنا من نفس المجتمع لح تنطبق علينا نفس العادات والتقاليد أنا الحرية عندي مقدسة وهي أقدس شي عندي بما أنو انا ملحد وماني مؤمن برب أو بدين

أول شي أختي ما بتخبي علي شي أبدا كل علاقتها مع رفقاتها أن كان بلكلية أو عن طريق رفقاتها البنات بتحكيلي عنها
وأنا بتركها للأخير هي تحكم وتحلل لحلها وبدخل برئي أو تعليق أو توضيح بسيط بس بنهاية ما لح تعمل شي بيطالعها شاذة ضمن مجتمعها وضمن الجو المحيط فيها

أختي بتعرف أنو هي العلاقات محرمة بمجمعنا يمكن تحاول تجربها بسر مع صديق كتير عزيز عليها
ويمكن لا بس بنهاية هي صاحبة القرار أنا علي أعطيها النصيحة والقرار ألها أذا كانت كتير متشوقة لهيك علاقة تجربها بس مو مع أي شخص

ليكي هي المسئلة كتي صعب اني أحكي فيها لأنو أنا ما لح قرر عن اختي بس يلي بعرفوا انو اختي واعية و مثقفة وإنسانة حرة بتعمل الشي يلي العقل بيطرحوا عليها ويمكن نزل رد عن لسانها

ولي عودة قريبة

مجود شكرا على الرد الجميل

نونة كاني بعرف هل الشخصية مو غريبة على هيك مقالات

zen

01/02/2006, 20:51

هلق انو بدي افهم انو ليش بس البنت الي بتنحط بهالموقف
ليش مانها بشر واحساس وروح
ليش مسموح للشب التجارب من هالنوع وبعدين بيفتخر فيها
واذا عرف اختو عملت هيك يالطيف بيقتلها لانو هي فرطت بشرفها
شو هالتخلف هاد البنت متل الشب بكل هالامور واذا بدنا نرجع للدين الاسلامي
الزاني قبل الزانية بيتعاقبوا
بعدين الانسان ذكر او انثى مانون ملائكة وكل انسان عندوا تجارب
ليش منعتبر الشرف بين الفخذين ومنسى العقل والفكر والتحرر الفكري
الممكن يتمتع فيه الشخص
انا بعتبر انو من الطبيعي كتيررررررررررررررر انو اي انسان يمر بتجارب
وبيكون الشخص عم نكذب على حالنا اذا قلنا غير هيك
بتمنى نخلص من التخلف والجهل الي نحنا فيه
مشان نقدر نتطور ونتحرر
:jakoush: :jakoush: :jakoush: :jakoush: :jakoush:

zen

01/02/2006, 21:42

مفهوم الشرف بالشرق من أرقى المفاهيم الغرب البنت عندون رخيصة كتيير
اما هون البنت غالية وشرفها غالي
وبيكفي الشب لما يتزوج بنت يعرف انو هو الأول مو المية!!!

هاد هو الشرف بنظرك
وشو شرف الشب
انو البنت الي تزوجها يكون هو اول واحد
للاسف

السورية المشتاقة

01/02/2006, 21:51

برايي انه لازم من طفولة البنت تتربى عالاخلاق لحتى يكون هالشي حماية الها من الخطأ بالمستقبل ...

وبتوقع انه تخلف بعض العرب وعنصريتهن تجاه البنت لانه الانثى هي اللي بيبين عليها اذا غلطت اما الشاب فما في شي بياثر عليه من الناحية الجسدية ...

كمان لازم على الاهل يربو الشاب كمان من طفولته عالاخلاق حتى بس يكبر ما يخدع بنات الناس ...

برايي انه البنت لازم تكون قد حالها وتكون واعية من هالناحية وتعرف انه لاي علاقة جنسية خارج نطاق الزواج عواقب مو منيحة بتاثر عليها وعاهلها ...

في كتير بنات بيحبو وبيعشقوا بس المساكين بيوقعوا بالغلط بعلاقات جنسية بدون ما يعرفوا شي عن موضوع الغشاء ....السبب برايي الاهل اللي ما وعوا البنت وللمدرسة دور بهالشي كمان

بالنسبة الي من الصف التاسع درسنا هالشي بمدرستي :pos:

قلب المثنى

01/02/2006, 22:07

[quote]
ليش مسموح للشب التجارب من هالنوع وبعدين بيفتخر فيها
واذا عرف اختو عملت هيك يالطيف بيقتلها لانو هي فرطت بشرفها
شو هالتخلف هاد البنت متل الشب بكل هالامور واذا بدنا نرجع للدين الاسلامي
الزاني قبل الزانية بيتعاقبوا
:jakoush: :jakoush: :jakoush: :jakoush: :jakoush: :jakoush:
مين قال إنو الشب مسموح له إنو يساوي إلي بدياه ويعمل تجارب على كيفو
متل ما البنت لازم تحافظ على شرفها وكمان الشب مطلوب منه يحافظ على شرفه وبتعبير أبلغ عذريته

بعدين الانسان ذكر او انثى مانون ملائكة وكل انسان عندوا تجارب
لأ ياسيدي ما كل انسان إلو تجارب في كتير شباب أول علاقة بتكون بحياتة وأول صبية بحياته بتكون زوجته

ليش منعتبر الشرف بين الفخذين ومنسى العقل والفكر والتحرر الفكري
الممكن يتمتع فيه الشخص

نحنا مانسنا العقل بس بنفس الوقت ما بنتجرد من الجسد

انا بعتبر انو من الطبيعي كتيررررررررررررررر انو اي انسان يمر بتجارب
وبيكون الشخص عم نكذب على حالنا اذا قلنا غير هيك

إذا كان مفهوم التحرر بنظر مجتمع معين إنو كل واحد حر بحاله وإنو البنت ما بتصير حرة إلا إذا مارست الجنس على كيفها !!! بتصير الشغلة فوضى

بتمنى نخلص من التخلف والجهل الي نحنا فيه
مشان نقدر نتطور ونتحرر

قمة التخلف إنو الواحد يقرن التحرر والحضارة بالممارسة الجنسية :aah: :jakoush: :jakoush:
:jakoush: :jakoush: :jakoush: :jakoush: ااااااااااااااااااااااااا ااا

zen

02/02/2006, 01:00

لأ ياسيدي ما كل انسان إلو تجارب في كتير شباب أول علاقة بتكون بحياتة وأول صبية بحياته بتكون زوجته

ممكن بس نادر
إذا كان مفهوم التحرر بنظر مجتمع معين إنو كل واحد حر بحاله وإنو البنت ما بتصير حرة إلا إذا مارست الجنس على كيفها !!! بتصير الشغلة فوضى
مين قال هيك انا اساس ضد هالفكرة
وضد انو البنت تمارس الجنس برات العلاقات الشرعية هي والشب سواسية
قمة التخلف إنو الواحد يقرن التحرر والحضارة بالممارسة الجنسية
مو بس متخلف الي بيفكر هيك وحمار اجللك
مين قال الحرية هي ممارسة الجنس
هاد تخلف مو تحرر
انا عم قول نحرر عقلنا مو نحرر شهواتنا
بس بنفس الوةقد انت بتلاقي بالمجتمع بيتهاونوا بموضوع انو الشب يمارس الجنس
اكتر من البنت لا وحتى ما بيحركوا ساكن
انا فكرتي بتلخص انو كل انسان بيمر بتجاب
ممكن تكون تجربة جنسية ممكن بغير اشيا
انو ليش بس تمر البنت بهيك تجربة الموت والعار مصيرها
اما اذا الشب مر بهيك تجربة
بيكون الموضوع عادي بالمجتمع بالاغلبية
انا عم احكي عن هاد التخلف
بتمنى تكون فهمتني
:سوريا: :سوريا: :سوريا: :سوريا: :سوريا: :سوريا: :سوريا:

whiterose

02/02/2006, 03:00

في ذكورية مريضة ومعا سرطان مميت كمان ..... الرجل يغفرله ... المجتمع الشرقي لا يغفر للرجل الشرقي فقط ... بل ان الرجل غالباً ما يتفاخر بمغامراته .

بهي معك كل الحق
وإن كان الشرف يتساوى عند الرجل والأنثى لماذا اضطريت في سياق التوضيح أنو تضربي مثال بالأخت ؟؟؟؟؟؟
حتى وضح للأخ أبو لنسيم كيف انو العلاقات الجنسية للبنت قبل الزواج صعبة وما بتقدري توضحي غير بها الطريقة ولاحظي أنو أكتر الشباب يلي عندون اخوات بنات واخلاق ما بقربو على بنت ولو صحلون ومع اعلم انو هلىء كل شي صاحح للشب حتى العلاقة الجنسية غير الاشرعية
هل الأخت هي شرف أخوها ؟؟؟ أم هي كيان مستقل لها شرفها وله شرفه ؟؟؟
هلىء هي مشكلة الكيان المستقل كلامك صح بس الشرف ما بيتجرد من العائلة لما بنت بتغلط بتلطخ شرفها وشرف عيلتا هي من علل المجتمع الشرقي لما بنت بتغلط اكيد رح يأثر على أخوها

ما بعرف ليش احيانا بحس انو الأخت هي نقطة ضعف لازم يمسك منها الشب في أي حوار ؟؟؟
يعني لو اختك بترضى انها تعمل هيك ؟؟ شو دخلو بأختو هية كيان مستقل ألا قراراتها وأخلاقها
واللي أختو والله شريفة لأنو بتخاف منو فيتهنى

طبعا بدي امسكو منها بالحوار لحتى خلي يحس انو البنت يلي ممكن يقيم معها علاقة قبل الزواج ممكن يكون عندها اخ شب ومارح قلك الكل رح قلك نص شبابنا لما بنت بتعطيهم شي نظرتهم الها رح تتغير ودغري براودهم الشعور انو متل ماعملت معو رح تعمل مع غيرو
يعني اللي معتكفة الشرف لأنو بتخاف من أهلا بتكون شريفة ؟؟؟؟
هلىء انتي دخلتي بموضوع تاني ماحدا ططرقلو وماحدا جاب سيرة الخوف وصدقي لو بنت خايفة لما رح تغلط بتغلط مابهمها خوف
واللي خوفا من أنو تنحرق بالنار ؟؟؟
طبعاً لأنو هاد زنا ومحرم من جميع الأديان (ومن كان منكم بلا خطيئة فليرمها بحجر)
أو خوفا من حكي العالم ؟؟
مافي حدا مابخاف من حكي العالم واللي مابيحسب حساب للعالم مو من العالم
كول ماتشتهي نفسك والبس ما يليق بين الناس)

أو خوفا جوزا مع الأيام يحس ؟؟؟
اللي بدو يغلط غلط كبير متل الزنا رح يعيش كل عمرو دوامة ألا أذا كان انسان تافه بلا قيم واخلاق
وأنا ما بقدر احكم على بنت غلطت ؟؟؟ أنو مانا شريفة .. هالكلام ما بيكون دقيق
رب العالمين قال انو لما بنت بتزني لازم يشهدوا عليها اربع اشخاص ومن اساسات الشهادة انو يشوفها شوف العين وبتوقع انو ماحدا رح يرتكب الحرام ادام شخص مو اربعة وما همو
ورمي المحصنات كرمال هيك ماحدا فينا بيقدر يحكم على شرف بنت مهما كانت افعالها بدل على هيك
وبعدين قلتي انو ألأنثى غالية بالشرق ؟؟؟؟
اي طبعاً لأنو شرفها غالي كتيييييييييييير وما في احلى من عذرية البنت
والبنت العذراء شي كتيير بحبو وبحترمو بالحياة ومتل كل البنات يلي بيتزوجو بكونو سعداء بالزواج بس بقولوا انو زعلت انو ما بقا انا عذراء وبعرف كتير رفقات الي قالولي هيك
بحب صلح أنو قيمة الانسان كلو على بعضو بالشرق رخيص وببلاش كمان
هاد رأيك ما بقدر غير احترموا

أنا ماني مع الجنس قبل الزواج أوكي هادا رأيي الشخصي ما بقدر عممو وقول هادا الشرف واللي طلع برات خطي مو شريف
ردك بدل على انك محترمة شكراً فراشة:سوريا:

whiterose

02/02/2006, 03:08

واحد ارتبط ببنت كانت بتعرف حدا من قبلو، وبعدين؟...ما فهمت .. ممكن توضحيلي؟! يعني على اعتبار رأيك رأي الأكثرية (ويا ريت نركز على المطلقة كبنت مجربة الجنس من قبل ومو عذراء)
بالنسبة للمطلقة أو الأرملة هي حالة استثنائية
شوفي المطلقة تزوجت امام الملايين من العالم وعرفت الدنيا كلها بأقترانها بهاد الرجل
يعني اللي عملوا هو قمة الشرف
مو متل البنت والشب يلي عملوا بالخفا حتى تحت شعار الحب بتسترجي بنت تصارح حدا انها على علاقة جنسية بمن تحب؟
وفي رجال كتييير ماعندون مشكلة يتزوجو من مطلقة طالما هي ما عملت حرام
وتزوجت بشرع الله

whiterose

02/02/2006, 03:20

وايت روز تعرفين و اعرف انه لن نتفق يوما على فكر واحد...
بدي ضل وراكي لنتفق ونصير رفقات:jakoush:
لقد اغضبتني حقا ... كيف يمكن لك انا تقبلي فكرة .. عرض الرجل زوجته على الطبيب للكشف عن حقيقة عذريتها
صدقي أيام بجي لأبكي لأنو ماحدا عم يفهمنييييييييييييييييييي:( :(
أنا لو زوجي بدو يعمل معي هيك لاسمح الله ما بضل معو ثانية وحدة
بس يلي بقصدوا انو ها العملية ماعاد نفعانة لأنو متل ما اكتشفوها وريحو بال الصبايا نزعولون ياها بأمكان الطبيب الجراح معرفة اذا كان مرقع او لاءبالعلم والمعرفة يلي هو سلاح ذو حدين
ماقصدت فيه انو كل رجال ياخد مرتو مستحيل هيك اقصد
بكون عم سيء لحالي قبل ماسيء لأي بنت
... هذا عيب كبير .... و فيه اذلال لكرامة المرأة ...
معك حق رؤي والله العظيم ما بقصد هيك منيح هي حلفنالك:sosweet:
مع العلم انو انا ما بحلف الا للحالات الضرورية

noooneh

02/02/2006, 21:04

عن الحرية ... الجنسية

سلامات يا جماعة... طولت الغيبة .... عصباً عني...

في الحقيقة إجاني كذا طلب منشان موضوع حقل (الجنس) .... وأنا تركتو كرمال هالموضوع بس مو أكتر ومالي بالعادة أخفيه لأي شبب، وعبيتو حتى ما أدخل بمهاترات تعودت عليها، بس بذكر انو "أنا بكره الإزدواجية" ...... وانو اللي بدو يفهمني الموضوع بشكل ما (على أنني شاب) و بشكل آخر (على أنني بنت) بيذكرني بازدواجية الخطابات الدينية اللي كانت هي راس البلا انو ما حدا عم يفهم على حدا..... فلذلك خلي كلامك واضح ومحدد بغض النظر عن المتلقي.. انت ما عم ترد علي بس.. آلاف غيري حيقروا كلامك ومو مستنيين (تفصّل على مقاس كل واحد رد خصوصي)......

ثانياً منشان ما يطلع على لساني شعر (إذا ما بتعرف تفرق بين الحرية الجنسية وممارسة الجنس فهي مشكلتك بس ولا تصدرها لبرا) ... يعني الحرية الجنسية مطلوبة ... والمقياس هون مو متل ما عم أسمع (يا حسافة) انو البنت المتحررة هي البنت اللي بتقيم علاقات جنسية.. لأ البنت المتحررة هي البنت اللي مسموح إلها تقيم علاقات من أي نوع بتريد ... سواء استفادت من هالسماح أو لأ هون الموضوع بيرجع لاقتناعها وحريتها الشخصية.

ثالثاً المطلوب من الشاب والبنت يحافظ على عذريته؟ .... بعتقد نظرة شوي بتذكرني بإيام المذهب الغائي ونظريات التجريم الجنسي.... يا حبيبي المطلوب مو الحفاظ على العذرية (لأنو ما فيك تحافظ عليها طول عمرك حسب ما انت عم تحكي) المطلوب انو تعرف لمين توهب نفسك كجسد وروح وايمتى وليش..... ليش انتو مصرين على أنو الجنس مسألة جسد وبس؟ .... وليش ما حدا رايد يفهم انو الموضوع موضوع قناعة شخصية؟

هلأ منشان ما حدا يحكيلي عالمجتمع المفكك والمركب (وأنا واثق انو اصحاب هالحكي بعمرهن ما سافروا ولا شافوا ولا بيعرفوا .. نقلاً عن نقل عن نقل....) بس بالنهاية كان فيه حدا قلي انو (هادا ضعف بالشخصية الفردية والمجتمع مالو علاقة فيه:clap: بقا هالفرد مين اللي صنعه؟ .... وكيف تكونت أفكاره؟ .... شوي بتجي بتمجدلي بالوجدان الجمعي وشوي بتجي بتهمشلي ياه خارج الموضوع؟ ....

الذنب ذنب تربية فاشلة مركبة غلط بكل المقاييس.. ومن وين ما جيتها ما بتركب معك .. لا بتسمحلك بالاختلاف، ولا بتتركك بحالك، ولا بتسمحلك تترك الآخرين بحالهن. وبالنهاية بدل ما مجتمعنا يعترف بغلطو أساساً ولو من وجهة نظر طوباوية صرفة على سبيل أخذ العلم، بيروح بدو يصلح بسبعمية ألف حيط وخط أحمر.

أنا برأيي انو الأصانصير (المصعد حتى ما يزعلوا النحويين) لما بيكون مصمم بأساس ضعيف رح يطالبك انو ما يطلع أكتر من شخص واحد .. ولازم يحطلك بواب ليل نهار منشان يضمن ما يطلعوا شخصين (هريبة).... بقا إذا انت مانك مستعد تبني أصانصير مزبوط ... ومستعد تعينلي (سبعمية سفير لله في الأرض) يراقبني ليل نهار فهي مو شطارة .... هادا السبب انو اللي بينتقلوا من بيئة محافظة كتير لبيئة أكثر انفتاحاً ما كتير بيصمدوا.... لأنو البواب راح والمصعد أضعف من الشعراية.... نحنا بدنا نعيش طول عمرنا على نوازع من برا؟.....

هلأ نحكي بالجد؟ ... قصة رتق الغشاء مو مشكلة أبداً... هي كاشف أو عرض أو علامة شو ما بدك تسميها سميها ... وأنا بزماني في موضوع اسمو "بوي فريند على المذهب الجعفري" طلع على لساني صوف وما خلصت .. ممكن أنقلو لهون بفترة قريبة.... هلأ العذراء شي منيح أو مو منيح مو مقياسنا ... بس احميلي هالبنت من انو تنفتن بأول شب بتشوفه بالطريق (من كتر مو محرومة)... خليها تتربى بطريقة متوازنة .. ويا سيدي على الأقل لما بتكون عم تدخل بعلاقة جنسية .. ساعتها بتصير كاملة المسؤولية عن أفعالها.....

أخيرأً أبو النسيم شكراً لك .... وشرف إلي انو تكون تابعتني من قبل يا قبضاي.... أنا متابعك من زمان لكن توقفت من إيام (قصة المعارضات السياسية وموضوع حافظ الأسد) .... وما بعرف كيف شدني هالموضوع للرجعة....

شكراً للجميع .... دون اشتثناء
ولا حب خارج حدودي

نونة