-
PDA

عرض كامل الموضوع : هات عطيني رأيك بصورة العضو اللي قبلك ...........

SHIVA
16/07/2008, 20:12
الشغلة بسيطة كتير
خبرونا شو رأيكون ب صورة العضو اللي بيكتب مشاركة قبلك
يعني مثلا اول واحد لازم يعطيني رأيو ب الصورة اللي حاططها انا
استبينا ؟؟؟؟؟؟؟؟؟
يللا لنبلش
VivaSyria
16/07/2008, 20:22
حبيبي ما صرلو يومين محذوف موضوع شو رأيك بتوقيع العضو يلي قبلك و يلي في رأيك بصورتو كمان... وفتحنا سيرة طويلة عريضة عن هالنوع من المواضيع...شو الحل انو تخففو هالمواضيع المهمه هي؟؟ يعني بشرفك شو الفكره من هالموضوع
jouli
16/07/2008, 20:23
بدون تعليق:?
mimo :p
16/07/2008, 20:30
والله يا فيفا انك ظريف .........
VivaSyria
16/07/2008, 20:33
والله يا فيفا انك ظريف .........

شو مشانك انتي؟؟
مو موضع ظرافة موضوع عم حاول لاقي المسابقة يلي على اساسها حاطط الموضوع بالمسابقات... وعم حاول افهم يعني بشو بيكونو عم يفكرو لما يحطو هيك مواضيع.
mimo :p
16/07/2008, 20:38
فيفا انا بعرف شو وجهة نظرك من هالمواضيع بس انه طريقة اعتراضك يعني اول ما قرأت الموضوع كنت رح ادخل علئ بس ليكك سابقني على كل حال اسفة انك فهمتني غلط .وانا بقول انه اذا بريحكم كمان سكرو لهالقسم بلكي منخلص من هالقصص..........
SHIVA
16/07/2008, 20:38
والله يا فيفا انك ظريف .........
مو هيك
و انا عم قول ل حالي هيك
اخي ما عجبك لا تجي و تدحش حالك
و على فكرة صورتك حلوة
VivaSyria
16/07/2008, 20:40
القسم اسمو مسابقات... و مادخل هيك مواضيع بالقسم... ليش ليتسكر القسم؟
VivaSyria
16/07/2008, 20:43
اخي ما عجبك لا تجي و تدحش حالك



شو مشان تحترم حالك شوي؟؟
وماسألتك عن رأيك بالصورة واذا ملاحظ ماحدا هون عم يلعب لعبتك العظيمه
mimo :p
16/07/2008, 20:44
اي لانه كل عضو المفروض اله حق انه يحط المواضيع واذا المشرفين معترضين حطو مشرف على هالقسم يعني ما بيعجبكم الموضوع احذفوبس انه يلي حاطط الموضوع بلكي مثلا ما كان عارف بقصة الاعتراض على هيك مواضيع.......

بدووون زعل طبعا بس هي وجهة نظري

هاكونا متاتا.روء لنلاقي حل
Urhoy
16/07/2008, 20:49
تسجيل متابعة .... وزاليكا لاهميّة هازا الموضوع....

جزاكم الله خيراً
:larg:
phoenixbird
16/07/2008, 20:58
مكرر الموضوع
وما فهمت وين التسابق بالموضوع وشو بدنا يهيك موضوع

يعني ما مليتوا
اكليل الورد
17/07/2008, 00:12
حابه قول كلمه انو في متل هاد الموضوع تحت الموضوع هاد بكم درجه نفسو نفسو شو رايك بتوقيع يلي قبلك انو لو الواحد ينتبه شوي ماكان صار هالزحمه والتكرار بعرف يمكن تقولو اني نزلت اكتر من موضوع ومكرر وبيوم واحد بس انا اعتزرت للكل لاني كنت جديده لسا وماانتبهت لكل المواضيع لانن كتااار ومالي حيل اقعد دور وبحبش على موضوع لحتى مايكون مكرر وبكرر اعتزاري من تنزيل اكتر من موضوع ومكرر بس انت الموضوع اللي منزلو في متلو تحت موضوعك دغري وسوري لو طولت بالحكي بس انا قلك وجهه نظري ;)
تحياتي:D
Abu ToNi
17/07/2008, 01:06
الله يرحمك يا عازار حبيب :cry:
المحارب العتيق
17/07/2008, 01:55
حلو البرغي :larg:
قرصان الأدرياتيك
17/07/2008, 03:50
يا هاكونا متاتا كيفَ الحال؟ لا تزعل من الشباب الذين يخشون على سمعة الأخويّة، وكأنَّ مواضيع مثل هذه ستفضّ بكارتها... الدنيا أذواق وأصناف!!!
ومن أجلِك سألعبُ لعبتَك...

إنَّ صورة المحاربِ العتيقِ تذكّرني بالبلاد التي نشأت فيها الديمقراطيّة وماتت في يوم ولادتِها، كما تذكّرني يا صاحبي اليابانيّ بقصّة قصيرة للكاتب التركيّ السّاخر عزيز نيسن يروي فيها عن أشهر الجرّاحين في تركيّا إبّان العصر الديمقراطيّ وقد قامَ بإجراء جراحة لنزع لوزتي صحفيّ، وبما أنَّه كان حراماً على الصحفيّ فتحُ فمه فقد أجرى العمليّة من الشّرج!!!
وبتُّ أخشى أن ينتشر نوعٌ مثل هذا في بلادِنا.

ألفُ سلام.
handsome
17/07/2008, 15:53
مراحب اخواتي
اول الشي الموضوع رح ينحذف لانو مكرر .
بس حبيت اول الشي رد شوي عالحكي الي صار ..

قسم المسابقات معمول بالاساس مشان الواحد يغير شكل ويروح عن نفسو شوي من بعد وجعة الراس لساعات طويلة بالمواضيع الجدية ووجعة الراس بالحياة الواقعية وبالاخوية كمان ..
مشان هيك الواحد بيفوتبريح راصو وبيغير شكل شوي
فتريح الراس بيصير بكتير طرق .. في عالم بتحب تريح راسة بكتابة كلمة وحدة او حرف او رقم او مسالة بدا عصر دماغ او شكل هندسي بدو تفكير لدرجة الجنون او حزازير بدا تركيز كتير لتنحل و .. الخ

هلق مشان هيك منلاقي هون مواضيع على مستويات كتير مختلفة .. منون الشي المفيد كتير .. ومنون بس لتضيع الوقت.. وبعدين كل واحد منا بيفوت لهون وبيشارك بالموضوع الي بيعجبو ..

نحنا منفضل انو يرتفع مستوى المسابقات .. وتصير العالم تفوت عالقسم مشان تفكر وتحرك مخا .. مشان هيك منحاول ندعم المواضيع الجادة قدر المستطاع . بس كمان مافينا نخلي العالم تشارك غصب العنا بشي ما بتحبو .. مشان هيك رح يضل هادا القسم فيو كل انواع المسابقات.. وبيكون للكل حرية المشاركة بالمواضيع الي بتنطبق على مزاجون

في مشروع لتنسيق القسم وترتيبو.. بس الشغلة بدا شغل كتير ووقت كتير .. وبالفترة الحالية الوقت شي نادر جدا .. فبدكون تعزرونا بالفترة الجاي .. وبركي بعد كام شهر بيصير القسم متل ما الكل بدون واحسن كمان ...

رح يتسكر الموضوع حاليا .. وينحذف بعد كام يوم
وشكرا لتفهم الكل ..

#تنويه لفيفا سيريا: خيو انتي كان فينك تكتفي بزر المشاركة العاطلة وما ضروري تتهجم عالعالم, وتمسك السلم بالعرض وتبلش تخبط فيه .. نحنا هون بقسم المسابقات مانا بالمنبر الحر.. بتمنى منك تهدي اكتر بالمرة الجاي وتكتفي بس بالتبليغ